Kwan 18:8 - KITAWO MALEŊ

⁸ Rwoth owaco ri Aron ni, “Ee atieko kethin jadwoŋ ma mic m'imiyan, mic je maleŋ pa Joisiraili. Atieko miyin jo kodi wotin paka adec pa jocway ri Were i wi migam ma cil gi cil.

KITAWO MALEŊ Catholic

⁸ Rwoth owaco ri Aron ni, “Ee atieko kethin jadwoŋ ma mic m'imiyan, mic je maleŋ pa Joisiraili. Atieko miyin jo kodi wotin paka adec pa jocway ri Were i wi migam ma cil gi cil.

Kwan 18:8 ပူးပေါင်းရင်းမြစ်များ

2 Kerin 12:16

Pesa ma mic ma cul kodi pesa ma mic mareco k'okethi i sanduku; oyido obedo apa jocway ri Were i wi migam.

2 Kigana kwoŋ Kerin 31:4

To kere Hezekia waco ri ji m'oyido jobedo i Yerusalem ni jowomiy adec m'obedo apa jocway ri Were i wi migam kodi Jolevi, ŋey jowomiy kwo pajo ri cik pa Rwoth.

2 Kigana kwoŋ Kerin 31:5

Tekin wac ywore wiloka, Joisiraili jomiyo i thotho olemo marapena, vini, mo oliv, mo kic, kodi ranyak je ma ndelo, to jokelo i thotho acel wiy apar ma kisi gimoro.

Kitawo mar'ario mapa Musa m'ilwoŋo ni Wok 28:43

Aron gi wote joripo ruko noknok ka jodonjo i Wema Maleŋ kosa ka jocore i migam tiyo paka jocway ri Were i wi migam i Kabedo Maleŋ, ŋey wokiri woneki jo ro thangirok. Me cik ri Aron gi nyikwaye cil gi cil.”

Kitawo mar'ario mapa Musa m'ilwoŋo ni Wok 29:21

Kenyo ikwany remo moro wok kwoŋ ma migam, kodi mo, aka ikir'ikwoŋ Aron gi wote, kodi nangin pajo. Go, wote, gi nangin pajo bino miyirok ran.”

Kitawo mar'ario mapa Musa m'ilwoŋo ni Wok 29:28

Adece no labedo ri Aron gi wote paka gima Joisiraili joripo timo, kole obedo adec pa jocway ri Were i wi migam ma Joisiraili jomiyo wok kwoŋ cowirok pajo ma siem, obedo mic pajo ri Rwoth.”

Kitawo mar'ario mapa Musa m'ilwoŋo ni Wok 29:29

“Ruk pa Aron womiy wote joworuki ka go otho, joworuki k'ikwoŋo jo.

Kitawo mar'ario mapa Musa m'ilwoŋo ni Wok 40:13

Ruk Aron i ruk pa jocway ri Were i wi migam, wir go gi mo, aka i nger acel ikethi go gicen, ŋey wonyali tiyo ran paka jacway ri Were i wi migam.

Kitawo mar'ario mapa Musa m'ilwoŋo ni Wok 40:15

Kenyo wir jo gi mo, paka iwiro bajo, ŋey jowotiy ran paka jocway ri Were i wi migam. Wiro jo me bino loko jo jocway ri Were i wi migam ma hongo je ma bino.”

Isaya 10:27

Aka i ndelo no peko pere langoye woko i gokin, aka bieto pere ilareyo woko i ŋutin ro peko mere.”

Jolevi 21:10

“Jadwoŋ pa jocway ri Were i wi migam kwoŋ wutmin go, m'okonji i wiye mo ma wir, aka ruko law pa jacway ri Were i wi migam kiripi weyo ma k'oboyo wiye, kosa yeco nangin pere.

Jolevi 23:20

Jacway ri Were i wi migam latiŋo jo malo gi mugat mar'olemo marapena paka mic atiŋa malo ruwaŋ Rwoth, kanyacel gi nyithindhi rombo ma wote ario; jolabedo maleŋ ri Rwoth ri jacway ri Were i wi migam.

Jolevi 6:16

Adec ma mic m'odoŋ, Aron kodi wote jolacamo paka jocamo mugat ma buthow i Kabedo Maleŋ, i diedipo ma Wema ma romo.

Jolevi 6:18

Nyikway Aron ma cwo je joripo camo, paka adec pajo ma cil gi cil i luse pajo je, wok i mic pa Rwoth m'iwaŋo gi mac; kisi gim'ogey jo je labedo maleŋ.

Jolevi 6:20

Me mic ma Aron kodi wote jolamiyo Rwoth i ndelo m'owir go gi mo. Kilo acel ma moko paka mic ma kisi ndelo, adec odikin, aka adec othieno.

Jolevi 6:26

Jacway ri Were i wi migam ma lamiyo paka mic ma cwako reco, lacamo i Kabedo Maleŋ, i diedipo ma Wema ma romo.

Jolevi 7:14

Ilamiyo mugat acel wok i kisi mic, paka mic pa Rwoth, aka labedo apa jacway ri Were i wi migam ma lakiro remo ma mic ma siem.

Jolevi 7:28

Rwoth oluwo gi Musa ka waco ama:

Jolevi 7:6

Cwo je i dier jocway ri Were i wi migam joripo camo i Kabedo Maleŋ. Obedo maleŋ loyo.

Jolevi 8:30

Musa okwanyo mo, kodi remo m'oyido nitie i wi migam, aka okiro kwoŋ Aron gi ruk pere, wote gi ruk pajo, aka ameno oloko Aron kodi wote gi ruk pajo maleŋ.

Kwan 18:9

Me bino bedo mewin wok kwoŋ gigipiny maleŋ loyo, m'owey ma k'owaŋ: Kisi mic pajo je ma jomiyan paka gimaleŋ loyo, obedi mic ma kodhi, mic ma ŋuto reco, kosa mic ma banja, bino bedo aperin kodi wotin.”

Kwan 5:9

Kwoŋ kisi mic moro je maleŋ mapa Joisiraili, kisi mic ma jokelo ri jacway ri Were i wi migam bino bedo apere.

1 Jokorintho 9:13

Kere wikuya nike joma tiyo i Ot pa Were jolimo cemo pajo i Ot pa Were. Aka joma cwayo wi migam jolimo pok i tic ma cwayo no.

Kitawo mar'abic mapa Musa m'ilwoŋo ni Cik 12:11

wiripo kelo i kabedo ma Rwoth Were mewin oyer paka kabedo ri nyinge gigipiny je m'amiyo win or kwoŋe: Mic awaŋa kodi cowirok mewin, acel wiy apar, kodi mic mewin je ma wiciko Rwoth.

Kitawo mar'abic mapa Musa m'ilwoŋo ni Cik 12:6

tero mic mewin awaŋa kodi cowirok, acel wiy apar, kodi mic mewin, mic mewin ma wiciko, mic ma dhano won miyo kodi okayin ma dhok mewin kodi mwendi mewin.

Kitawo mar'abic mapa Musa m'ilwoŋo ni Cik 18:1

Jocway ri Were i wi migam ma Jolevi, meno, jonono pa Jolevi je, jolangoye g'adec kosa gir'alunja gi Joisiraili; jolacamo mic m'iwaŋo ri Rwoth, m'obedo adec pa Rwoth.

Kitawo mar'abic mapa Musa m'ilwoŋo ni Cik 26:13

Aka ilawaco ruwaŋ Rwoth Were perin ni, “Atieko kwanyo woko migew maleŋ wok i ot paran, aka atieko miyo Jolevi, jopath ma jobedo gi wan, nyithindho kic, kodi citho, cungo kwoŋ or perin je m'imiyan. Akituro, kosa wiyan k'owil gi or perin.

Joebulaniya 1:9

Imaro gim'otire aka idaki reco, am'omiyo Were, ma Were perin, owirin gi mo ma kisangala to miyin dwoŋ ma kalo ma go omiyo jowotin.”

1 Yohana 2:20

To Kristo otieko wiro kwoŋ win mo ma Cuny Maleŋ am'omiyo wiŋeyo adieri.

1 Yohana 2:27

To ma mako kwoŋ win, Kristo otieko wiro kwoŋ win mo ma Cuny Maleŋ pere. Ka tekin Cuny Maleŋ pere nitie i win, odoko wikiyeny moro wofonji win. Kole wir ma Cuny no won fonjo win kwoŋ gimoro je, aka gima go fonjo obedo adieri makiweno twodo, onyo doŋ win i Kristo.