Kwan 16:5 - KITAWO MALEŊ

⁵ Kenyo to waco ri Kora kodi wadi je ni, “Odikin Rwoth lanyutho ŋat'obedo apere, kodi ŋataleŋ, kodi ŋat'ilayeyo corok bonge; ŋata go oyer, go layeyo wocore bonge.

KITAWO MALEŊ Catholic

⁵ Kenyo to waco ri Kora kodi wadi je ni, “Odikin Rwoth lanyutho ŋat'obedo apere, kodi ŋataleŋ, kodi ŋat'ilayeyo corok bonge; ŋata go oyer, go layeyo wocore bonge.

Kwan 16:5 ပူးပေါင်းရင်းမြစ်များ

Zabuli 105:26

Rwoth ooro Musa ŋeca pere, gi Aron m'oyero.

Zabuli 115:10

Awi ot pa Aron, kethi geno perin i Rwoth! Go obedo kony perin gi kwot perin.

Zabuli 65:4

Josilwany a jono m'iyero, ji m'ikelo bedo i kabedo perin maleŋ. Wabino yeŋ gi gigipiny mabeyo ma ot perin, silwany ma Ot pa Were maleŋ.

Kitawo mar'ario mapa Musa m'ilwoŋo ni Wok 28:1

“Lwoŋ omin in Aron gi wote, Nadab, Abihu, Eliazar, kodi Ithamar. Pok jo i dier Joisiraili ŋey jowotiy ran paka jocway ri Were i wi migam.

Kitawo mar'ario mapa Musa m'ilwoŋo ni Wok 28:41

Ikethi nangin me kwoŋ omin in Aron gi wote. Kenyo ilami jo aka ikethi ran jo gicen t'iwiro jo gi mo ŋey jowotiy ran paka jocway ri Were i wi migam.

Kitawo mar'ario mapa Musa m'ilwoŋo ni Wok 28:43

Aron gi wote joripo ruko noknok ka jodonjo i Wema Maleŋ kosa ka jocore i migam tiyo paka jocway ri Were i wi migam i Kabedo Maleŋ, ŋey wokiri woneki jo ro thangirok. Me cik ri Aron gi nyikwaye cil gi cil.”

Yeremia 30:21

Jadhum pajo labedo acel kwoŋ jo wegi, go bino wok i dier jo wegi. Alakelo go cegin, aka go lacore bongan, kwoŋbedo ŋa manyalo bedi gi miseni ma corok bongan? Rwoth penjo.

Yeremia 49:19

Paka simbwor ma wok i lul m'oyukino i thengi Yordan kadho i kakwath, ameno apaka alariemo woko Joedom wok i kakwath pajo abwap. Kenyo alayero jatel rijo. Onyo ŋa ma cal Rwoth, aka ŋa manyalo comirok kodi go? Jakwath mene manyalo cungo ruwaŋe?

Yeremia 50:44

Paka simbwor ma bino wok kam'oyukino i thengi Yordan kidho i lum, an Rwoth alabino miyo Jobabilon ringo abwap wok i tindi madwoŋ pajo. Kenyo alayero ŋata an won amito dhumo jo. Ŋa ma cal an? Ŋa manyalo penjan? Jadhum mene manyalo cungo ruwaŋan?

Ezekiel 40:46

aka kisika ma ŋiyo yumalo obedo apa jocway ri Were i wi migam ma jotiyo i wi migam; me jobedo nyikway Zadok, jo kende i dier nyikway Levi ma jonyalo bino cegin gi Rwoth tiyo rigo.”

Ezekiel 43:19

Rwoth waco ni, ilamiyo jocway ri Were i wi migam, Jolevi, ma jobedo nyikway Zadok, ma jocore cegin kodan tiyo ran, thwon ri mic ma cwako reco.

Ezekiel 45:4

Meno labedo adec maleŋ ma lowo, ma ripo bedo apa jocway ri Were i wi migam, ma jotiyo i Kabedo Maleŋ aka jotiyo ri Rwoth i Ot pa Were, aka labedo kabedo ri udi pajo kodi Kabedo Maleŋ ri Ot pa Were.

Jolevi 10:3

Musa owaco ri Aron ni, “Me a gima Rwoth owaco: ‘Luwo kwoŋ jono ma jocore bongan, alanyutho leŋo paran, aka ruwaŋ ji je, alalimo dwoŋ.’ ” Aka Aron oliŋaliŋa.

Jolevi 8:2

Kwany Aron kodi wote, gi ruk pajo, mo, rwath ma mic ma cwako reco, wot rombo ario, kodi adita ma mugat ma buthow.

Malaki 3:18

Kenyo wibino poko kwoŋ jom'otire gi jokidakana, ji ma jotiyo ri Were gi joma kitiy rigo.”

Kwan 16:3

Jocokere ruwaŋ Musa kodi Aron to jowaco rijo ni, “Wikadho bor swa! Kweth je joleŋ, kisi dhano kwoŋ jo, aka Rwoth nitie i dier jo. Onyo raŋo winor loyo cokirok pa Rwoth?”

Kwan 16:6

Tim win gime: Kwany win buban, Kora gi wadin je,

Kwan 17:5

Luth pa ŋat'anoyer bino kitula; ameno abino ketho i gike kigeŋisa pa Joisiraili ma kisi hongo joketho kwoŋin.

Kwan 17:8

Yawere mere, munyo Musa okidho i Wema, luth pa Aron ri nono pa Jolevi oyido otula. Oketho boke, olikalika, to nyak nyandere m'ocek.

Yohana 15:16

Wiŋati wikiyeran, aŋat'ayero win aka adimo win ni wikidhi winyak olemo kweth. Meno aka nyaka Baba bino miyo win gimoro je ma winokway go i nyingan.

Tim pa Jomoor 1:2

cuka ndelo m'oter'iye go i polo. Aka gi meni pa Cuny Maleŋ, omiyo jomoor pere ma go oyero or.

Tim pa Jomoor 1:24

Aka jokwayo Were munyo jowaco ni, “Rwoth, iŋeyo cuny dhano je, nyuthi wan acel kwoŋ jario me, ŋat'iyero

Tim pa Jomoor 13:2

Ndelo moro munyo jolamo Rwoth aka joriyo kec, Cuny Maleŋ owaco rijo ni, “Kethi ran win gicen Barinaba kodi Saulo, jowotimi tic ma alwoŋ'iye jo.”

Tim pa Jomoor 15:7

Rumacen munyo piem okadho kamabor, Petero ocungo to waco ni, “Wutmera, wiŋeyo nike yucen koro Were oyeran i dier win fonjo Jopath Wac Manyen Maber, nike jowonyal winjo jowoyey.

Tim pa Jomoor 22:14

Gikenyo go owaco ran ni, ‘Were pa kwarere mawan oyerin ni iŋey gima go mito, ni inyal neno Ŋat'otire pere gi winjo go munyo iwinjo dwonde won;

Joefeso 2:13

To pama, i Kristo Yesu, win m'onwaŋo win bor, onyo okeli win cegin, ro remo pa Kristo.

2 Timothe 2:19

To tiendi geto m'ocwiny ma Were otieko ketho kiyengere, aka me a wac m'ondiki kwoŋe: “Rwoth oŋeyo joma jobedo apere.” Odoko ni, “Nyatoro je m'obedo apa Rwoth ripo eye woko kwoŋ tim mareco.”

Joebulaniya 12:14

Tem win paka winyalo bedo i siem gi ji je, gi woth i kwo ma leŋo, rupiri ongoye ŋata bino neno Rwoth ma bu leŋo.

Menyirok ri Yohana 1:6

to loko wan bedo ker, kendo joma cwayo wi migam pa Were kendo Bamere. Dwoŋ kodi meni wobedi rigo cil gi cil. Ameno.

1 Samwiri 2:28

Kwoŋ nonin je ayero Aron gi peco pere bedo jocway ri Were i wi migam, tundo i wi migam paran, waŋo buban, ruko law pa jocway ri Were i wi migam, aka amiyo go mic paran awaŋa je ma wok bongi Joisiraili.