Kwan 14:9 - KITAWO MALEŊ

⁹ Kende ni, wikiri wigwenyere kwoŋ Rwoth; aka wikiri wilwor ji ma lowo, kole jokithoth loyo mugat riwan; ongoye ŋat'okwonga jo, aka Rwoth nitie gi wan; wikiri wilwor jo.”

KITAWO MALEŊ Catholic

⁹ Kende ni, wikiri wigwenyere kwoŋ Rwoth; aka wikiri wilwor ji ma lowo, kole jokithoth loyo mugat riwan; ongoye ŋat'okwonga jo, aka Rwoth nitie gi wan; wikiri wilwor jo.”

Kwan 14:9 ပူးပေါင်းရင်းမြစ်များ

Cakirok 48:21

Kenyo Yakobo owaco ri Yozefu ni, “Neni, acegin tho, to Were bino bedo kodin, aka bino dwokin i lowo pa bacere perin.

2 Kigana kwoŋ Kerin 13:12

Neni win, Were nitie gi wan paka jatel mawan, aka jocway ri Were i wi migam pere jotiŋo gwarin pajo, aka jotieko yikirok kudho ma lwoŋo wan lweny gi win. Awi Isiraili, wikiri wilweny gi Rwoth, Were pa kwarere mewin; kole wikinyal loyo.”

2 Kigana kwoŋ Kerin 15:2

aka okadho romo gi Asa to waco rigo ni, “Winjan, Asa, kodi ji je ma Yuda kodi Benyamin: Rwoth nitie gi win tekin winitie gi go. Ka wirango go, wilanwaŋo, to ka ijwango go, go lajwango win.

2 Kigana kwoŋ Kerin 20:17

Wik'olweny, maki win kabedo mewin, cungi win matek, aka wilaneno ka Rwoth miyo win loyo. Ji ma Yuda gi Yerusalem, wikiri wiganagana kosa wibwoki. Kadhi wilweny aka Rwoth labedo gi win.”

2 Kigana kwoŋ Kerin 32:8

Senakerib nitie gi meni ma nyadhano, to wanitie gi Rwoth Were mawan ma konyo wan gi lwenyo riwan.” To ji jonwaŋo miseni gi wac pa Kere Hezekia me.

Nehemia 4:14

Rumacen munyo atieko ŋiyo gime, aay malo aka awaco ri jotel, jodhum gi ji je ni, “Wikiri wilwor jo. Poyi win ni Rwoth dwoŋ aka go kelo lworo. Riameno lweny win ri wade mewin, nyithindho, mon gi pecin mewin.”

Zabuli 106:24

Kenyo jokwero lowo maber, kwoŋbedo jok'oyeyo cikirok pa Were.

Zabuli 121:5

Rwoth obedo jakur perin; go nitie i ŋetin kikwonga in.

Zabuli 14:4

Rwoth penjo ni, “Jokiŋey? Ji ma jotimo reco me je jongoye gi rieko? Jocamo ji paran paka jocamo mugat, aka jokikway Rwoth.”

Zabuli 46:11

Rwoth pa lwak jolweny nigi wan, Were pa Yakobo obedo kapondo mawan.

Zabuli 46:7

Rwoth pa lwak jolweny nigi wan, Were pa Yakobo obedo kapondo mawan.

Zabuli 46:8

Biye, neni win tic pa Rwoth, neni gidhier ma go otimo i piny.

Zabuli 74:14

Iŋat'iŋinyo wic bulir Leviathan imiyo delkwoŋe paka cemo ri cwec ma thim.

Zabuli 91:1

Ŋata bwok bongi Jamalo swa, ŋata nindo i bwombi Jameni je,

Kitawo mar'ario mapa Musa m'ilwoŋo ni Wok 14:13

Musa odwoko ji ni, “Wikiri wilwor, cungi win matek, aka Rwoth bino botho win konon. Jomisir ma wineno me wikibino neno jo kendo.

Kitawo mar'ario mapa Musa m'ilwoŋo ni Wok 33:16

Rupiri oŋeyere nedi nike iwinjo maber gi ji perin kodi an k'ikikadho gi wan? Bedo perin gi wan bino poko wan kwoŋ ji man i piny.”

Isaya 1:2

Winji, awi polo, ciki ithin, awi piny, kole Rwoth otieko luwo. Nyithindho m'apidho t'adongo, jogwenyere kwoŋan.

Isaya 32:2

Kisi acel kwoŋ jolabedo paka kapondo kwoŋ koyo, gi kabwok kwoŋ asur, paka waŋ pi kam'othwo, paka tipo tele madwoŋ i piny m'oloc.

Isaya 41:10

Ikir'ilwor, kole anitie kodin, ikir'ibwoki, kole abedo Were perin, alamedin meni, alakonyin, alamakin gi cingan maracuc ma turo lweny.

Isaya 41:14

Rwoth waco ni, “Makada nende ithin aka inyap rin, Isiraili, Ikir'ilwor, alakonyin. An, a Were maleŋ pa Isiraili, aŋat'abothin.

Isaya 63:10

To jogwenyere kwoŋ Rwoth, aka jomiyo cuny maleŋ pere nge. Riameno go olokere jakwor pajo, aka go won gipi olwenyo gi jo.

Yeremia 1:19

Jolalweny kodin; to jok'onyalin, rupiri anitie kodin, Rwoth ama luwo, go ma bothin.”

Yeremia 42:11

Wikiri wibwok ri kere ma Babilon, paka witimo, wikiri wibwok rigo, Rwoth waco. Kole anitie gi win, botho kodi gonyo win woki cingi go.

Yeremia 48:45

I tipo ma Hesibon, ji ma joringo jocungo ma joloc, kole mac owok i Hesibon, cuk mac owok i ot pa Sihon, aka oreyo woko nyim Mowab, kasik pa ji ma jogwenyirok.

Daniel 9:5

“Watieko timo reco, watimo gi komo, watimo gikidakana to wagwenyere, kiri gi wirok kwoŋ or perin kodi cik perin.

Daniel 9:9

To in Rwoth, itimo wor aka icwako, makada nende watieko gwenyirok kwoŋin.

Kwan 13:30

To Kaleb omiyo ji liŋ ruwaŋ Musa, to waco ni, “Weyi wakadhi win dicel wabed'iye, kole wanyalo mako.”

Kwan 17:6

Musa oluwo gi Joisiraili; to jotel pajo je jomiyo go ludhe, acel ri kisi jatel, cungo kwoŋ udi pa kwarere pajo, ludhe apar g'ario; aka luth pa Aron oyido nitie i dier jo.

Kwan 20:2

To pi ngoye ri kweth, ameno to jocokere kanyacel thoko Musa kodi Aron.

Kwan 24:8

Were m'owodho go wok i Misir, cale tungi merikwa mager rigo; go lareyo woko nonin ma jobedo jokwor pajo aka go laturo woko cokin pajo. Go lacelo jo g'aserin pere.

Matayo 1:23

“Nyako mambula bino gamo iye, to nywolo nyathi majayac, m'ibino cwoko nyinge ni Manwer.” Dwoŋ mere ni, “Were nigi wan.”

Joroma 8:31

Onyo wanyalo waco aŋo kwoŋ gigipiny me? Ka Were nitie yuthenge mawan, ŋata nyalo lwenyo gi wan?

Kitawo mar'abic mapa Musa m'ilwoŋo ni Cik 1:21

Neni, Rwoth Were mewin otieko ketho lowo me ruwaŋ win, kadhi win malo wilunji, paka Rwoth Were pa kwarere mewin ociko win, wikiri wilwor kosa wibwoki.”

Kitawo mar'abic mapa Musa m'ilwoŋo ni Cik 1:26

To oyido wikimito kadho malo. Wigwenyere kwoŋ or pa Rwoth Were mewin.

Kitawo mar'abic mapa Musa m'ilwoŋo ni Cik 1:29

Awaco riwin ni, “Wikiri wibwok kosa wibedi gi lworo rijo.

Kitawo mar'abic mapa Musa m'ilwoŋo ni Cik 31:6

Bedi win matek, bedi win jomiseni; wikiri wibedi gi bwok kosa wikirin ro jo, kole Rwoth Were mewin ama kadho gi win. Go k'owey win, kosa jwango win.”

Kitawo mar'abic mapa Musa m'ilwoŋo ni Cik 31:8

Rwoth won ama telo yuwiy win. Go labedo kodin; go kilaweyin kosa jwangin. Ikir'ibedi gi bwok kosa inyapere.”

Kitawo mar'abic mapa Musa m'ilwoŋo ni Cik 32:42

Alamiyo aserin paran jowomer gi remo, aka abor paran lacamo riŋo, gi remo pa jom'onek kodi jom'otwey, wok i ye wi jakwor maboyo.

Kitawo mar'abic mapa Musa m'ilwoŋo ni Cik 7:18

Wikiri wibedi gi bwok rijo. Nyaka poyi win gima Rwoth Were mewin otimo ri Farawo kodi Misir gibe.

Kitawo mar'abic mapa Musa m'ilwoŋo ni Cik 7:21

Wikiri wibedi gi bwok rijo, kole Rwoth Were mewin, manitie gi win, obedo Were madwoŋ aka kelo lworo.

Kitawo mar'abic mapa Musa m'ilwoŋo ni Cik 9:7

Poyi win aka wicwil okir omaki win gi nger ma wikwiny'iye keme pa Rwoth Were mewin i thim; witieko gwenyirok kwoŋ Rwoth wok i ndelo ma wiwok i lowo ma Misir cuka witundo i kabedo me.

Jofilipi 1:27

Kad'obedi nedi, bedi win gi kite ma ripo gi Wac Manyen Maber pa Kristo, ŋey kada k'anobin neno win, kosa k'awinjo awinja ayino kwoŋ win, obedi ni wicungo matek kodi atoŋa acel, aka wilwenyo kanyacel, gi paro acel kende ri yeyo ma Wac Manyen Maber kelo.

Yosuwa 1:5

Ongoye dhano ma lakikengila in hongo je ma kwo perin. Paka oyido anitie gi Musa apaka bende alabedo kodin; ak'oredhin kosa ak'ojwangin.

Yosuwa 14:12

Onyo riameno miyan piny matendere me ma Rwoth oluwo kwoŋe ndelo no; kole iwinjo i ndelo no paka Joanakim oyido jonitie kenyo, gi tindin madongo m'otinda: Nyalo bedo ni Rwoth labedo kodan, aka alariemo jo woko paka Rwoth owaco.”

Jothum Banja 1:22

Nyikway Yozefu bende jomonjo Bethel; aka Rwoth oyido nitie gi jo.