Joroma 8:7 - KITAWO MALEŊ

⁷ Meno am'omiyo paro m'oketh kwoŋ gigipiny manyadel lokere jakwor pa Were, rupiri kiwinji cik pa Were, aka iy'adieri go kitim ameno.

KITAWO MALEŊ Catholic

⁷ Meno am'omiyo paro m'oketh kwoŋ gigipiny manyadel lokere jakwor pa Were, rupiri kiwinji cik pa Were, aka iy'adieri go kitim ameno.

Joroma 8:7 ပူးပေါင်းရင်းမြစ်များ

2 Kigana kwoŋ Kerin 19:2

To Yehu wod pa Hanani jatuci wac Were romo gine to penjo Yehosafat ni, “Iparo ni obedo gim'otire konyo jakidakana t'imito jono ma jodak Rwoth? Gim'itieko timo okelo keme pa Rwoth kwoŋin.

Yobu 15:13

Ilamako nge gi Were, gi luwo nger wac no?

Zabuli 53:1

Jamiŋo waco i cunye ni, “Were ongoye.” Jombaka aka jotimo gimienirok, ongoye ŋata timo gimaber.

Kitawo mar'ario mapa Musa m'ilwoŋo ni Wok 20:5

Wikiri wikule piny rijo, kosa wilam jo, kwoŋbedo An, Rwoth Were mewin, ajanyeko. Akelo gir'acula kwoŋ jono ma jodakan kodi kwoŋ nyikway jo, kiri i luse pajo mar'adek gi mar'aŋwen.

Yeremia 13:23

Jaethopiya nyalo wiro rangi ma cal pere kosa kwac nyalo wiro rangi mere m'othon othon? Ka jonyalo, onyo win m'ongoye gima witimo ma wiŋiyo timo reco, winyalo fonjere timo gimaber.

Ezekiel 14:5

ŋey anyal mako t'awiro cuny Joisiraili je, ma jowire woko kwoŋan gi lamo cal pajo.”

Matayo 12:34

Win nyithindhi malasaŋ! Di winyal luwo nedi wac maber ma to wireco? Kole wac ma dhano luwo meno gim'opoŋ i cunye.

Matayo 5:19

Am'omiyo nyatoro je m'okwer winjo kada gimoro nyaka mathin kwoŋ Cik aka ofonji joman bende timo ameno, bino bedo ŋata loyo thino i Ker ma polo. Kucel nyatoro je m'owinji Cik aka ofonji joman bende timo ameno, bino bedo ŋatadwoŋ swa i Ker ma polo.

Yohana 7:7

Ji ma piny kinyal dak win, to jodakan, rupiri amena waco rijo nike tim pa joreco.

Joroma 1:28

Paka ji jokwero ketho i paro pajo rieko mar'adieri ma mako kwoŋ Were, go onyo ojala jo ri paro m'otop, ma miyo jo timo gim'oyido jokiripi timo.

Joroma 1:30

aka joluwo kicar kwoŋ ji; jodak Were, joyetere, jobedo jopakirok, jokwoto; joparo yo m'omore ma timo reco; aka jokiwinji jonywol pajo;

Joroma 3:31

Onyo nyutho ni wabol woko Cik ro yeyo me? K'ameno be; kucel, waridhi Cik bende.

Joroma 5:10

Wan oyido wabedo jokwor pa Were, to Were odwoko wan i tiyirok gine kwoŋ remo pa Wode. Aka paka onyo watieko dwoko i tiyirok gi Were, kwo pa Wode onyo bino botho wan kicutho.

Joroma 7:22

Kwo ma cunyan sangala i cik pa Were,

Joroma 8:4

Meno aka ŋey gima Cik mito ama wotimere i wan, ma wakiter kwo mawan i timo gima del yenyo, t'itimo gima Cuny ama yenyo.

1 Jokorintho 2:14

To ŋat'ongoye gi Cuny kinyal limo mic ma wok bongi Cuny Maleŋ pa Were, rupiri obedo rigo gimiŋo: Go kinyal niaŋ kwoŋe, kwoŋbedo dwoŋ mere niaŋere ri ŋata bende nigi Cuny Maleŋ pa Were.

1 Jokorintho 9:21

K'anitie i dier Jopath, abende abedo paka Japath woko ma Cik pa Joyuda, ŋey ayway jo. Me kinyuthi ni akiwinji cik pa Were, rupiri anitie i cik pa Kristo.

Jokolosia 1:21

Aka yado onwaŋo winitie bor gi Were, kareno wibedo jokwor pere i paro mewin kodi i gigipiny mareco m'oyido witimo.

Jokolosia 2:18

Wikiri wiyeyi moro womayi win kemba mewin munyo ŋoyo ni loyo win gi dwoŋ ro lek ma go nwaŋo, kareno nyutho bwonirok ma rendirok aka lamo jomalaika. Dhano ma pameno pakirok ama opoŋ kwoŋe, aka paro pere obedo ma nyadhano.

2 Timothe 3:4

Jobino bedo jokwedirok, joma kidew gimoro, joma kwot gi pakirok, jobino maro kisangala ma piny loyo Were.

Joebulaniya 8:10

Onyo me a cikirok m'abino timo gi ji ma Isiraili ka ndelo no okadho, abino ketho cik paran i paro pajo, odoko abino ndiko cik no i cuny jo to abedo Were pajo, aka jobino bedo ji paran.

Yakobo 4:4

Ji ma kigenere! Wikuya ni mako mere gi piny meno bedo i kwor gi Were? Ŋata mito mako mere gi piny meno mito bedo jakwor pa Were.

2 Petero 2:14

Gi waŋ gin ma neno gimoro gi cot, jogomba kisi dhako ma joneno. Awanya pajo ma timo gimarac kikwe; jodwoŋo joma nyap, aka joŋiyo timo woro. Jobedo ji m'otiek kwoŋo!