Joroma 8:32 - KITAWO MALEŊ

³² K'inen Were k'ogwoko kiri Wode won, to omiyo go ri wajoje! Onyo go k'omiy wan gimoro je nono kanyacel gi Wode?

KITAWO MALEŊ Catholic

³² K'inen Were k'ogwoko kiri Wode won, to omiyo go ri wajoje! Onyo go k'omiy wan gimoro je nono kanyacel gi Wode?

Joroma 8:32 ပူးပေါင်းရင်းမြစ်များ

Cakirok 22:12

Malaika owaco ni, “Ikir'ikethi cingin kwoŋ jayac, kosa ikir'itim rigo gimoro je. Pama onyo aŋeyo ni ilworo Were, rupiri ikithwono go nyaka wodin acel.”

Zabuli 84:11

Rwoth Were obedo waŋceŋ kodi kwot, miyo wan silwany, wor gi dwoŋ. Go kithwon jono ma jotimo gim'otire, gimaber.

Isaya 53:10

Kucel obedo mito pa Rwoth ni go wolimi litho; to miyo go kumo, munyo olokere cowirok ma cwako reco, go laneno nyikwaye, go lamedo ndelo pere; aka luwo i go atoŋa pa Rwoth latundo i kare.

Matayo 3:17

Gikenyo dwondi nyatoro oluwo wok i polo ni, “Me a Wodan won m'amaro, aka asangala gine.”

Matayo 7:11

Kole kada wireco ameno, wiŋeyo miyo nyithindho mewin gigipiny mabeyo. Aka Bawin manitie i polo oloy win didi i miyo joma kwayo go, gigipiny mabeyo!

Yohana 3:16

Kole Were omaro piny tektek to miyo Wode acel g'acel, ni nyatoro je ma yeyo go wokiri wotho to wobedi gi kwo makirum.

Joroma 11:21

Ato k'inen Were k'oworo Joyuda ma jobedo paka jangi yen m'otire mere, wiparo nike go bino woro win ayino?

Joroma 4:25

Ojala Yesu ri tho ro reco mawan, aka ocerino go i kwo ŋey wokwan wan i tiro gi Were.

Joroma 6:23

Kole kemba pa gimarac obedo tho; to mic ma Were miyo wan obedo kwo makirum i Kristo Yesu Rwoth mawan.

Joroma 8:28

Kole waŋeyo ni gimoro je timere kanyacel ma bero ri joma jomaro Were, jono ma go olwoŋo r'atoŋa pere won.

1 Jokorintho 2:12

Wakilimo cuny manyapiny, to walimo Cuny m'owok bongi Were, ma miyo waniaŋ kwoŋ gimoro je ma Were omiyo wan ma nono.

2 Jokorintho 4:15

Gino je bedo ma bero mewin, ŋey nema pa Were ma tundo ri ji m'omore jowomedi foyo Were gi miyo go dwoŋ.

2 Jokorintho 5:21

Kristo oyido ongoye gi gimarac, to Were omiyo go riwirok gi wan i gimarac mawan, ŋey i Kristo, wanyal bedo paka tiro pa Were.

2 Jokorintho 6:10

kada miy wan gut, to ndir je wasangala; wacale pa jocandi, to wamiyo jomathoth ŋaŋo; wacale pa joma jongoye gi gimoro, ma to wanitie gi gimoro je.

1 Yohana 4:10

Me a mar: Ki kwoŋbedo ni onwaŋo wamaro Were, to ni go ama omaro wan to dhiro Wode bedo cowirok ma kwanyo woko reco mawan.

Menyirok ri Yohana 21:7

Ŋat'oloy lweny bino limo gime je. Abino bedo Were pere, aka go bino bedo wodan.