Joroma 8:30 - KITAWO MALEŊ

³⁰ Am'omiyo joma Were oyiko rijo kabedo con kicutho, bende olwoŋo jo; aka joma go olwoŋo, bende okwanyo woko banja kwoŋ jo; aka joma go okwanyo woko banja kwoŋ jo, bende opoko jo dwoŋ pere.

KITAWO MALEŊ Catholic

³⁰ Am'omiyo joma Were oyiko rijo kabedo con kicutho, bende olwoŋo jo; aka joma go olwoŋo, bende okwanyo woko banja kwoŋ jo; aka joma go okwanyo woko banja kwoŋ jo, bende opoko jo dwoŋ pere.

Joroma 8:30 ပူးပေါင်းရင်းမြစ်များ

Isaya 41:9

in m'akwanyin wok witum ma piny, t'alwoŋin wok i sonda mere mabor, k'awaco rin ni, “Ibedo ŋeca paran, atieko yerin, ak'obolin woko!”

Yohana 17:22

Amiyo jo dwoŋ m'imiyan, ŋey jowobedi acel paka wan kodin wabedo acel;

Yohana 17:24

“Baba, itieko miyan jo, aka ayenyo jowobedi kodan kam'an'iye, jowonyal neno dwoŋ paran m'imiyan; kole imaran kiri mafodi k'ocwey piny.

Yohana 5:24

“Adieri awaco riwin, nyatoro je ma winjo wac paran, to yeyo ŋat'ooran, nitie gi kwo makirum. Aka k'othumi rigo banja rupiri go otieko wok i tho odonjo i kwo.

Joroma 1:6

Me bende mako win ma winitie Roma, ma Were olwoŋo bedo ji pa Yesu Kristo.

Joroma 11:29

Kole Were kiwir paro pere kwoŋ mic kodi lwoŋo pere ri nyatoro.

Joroma 8:1

Pama onyo kidok kethi banja kwoŋ jomakwo pajo nitie i Kristo Yesu,

Joroma 8:21

Nike ndelo moro ibino gonyo cwec wok kwoŋ topo mafodi dhumo go, to limo siem i dwoŋ ma nyithindho pa Were jobino limo.

Joroma 8:28

Kole waŋeyo ni gimoro je timere kanyacel ma bero ri joma jomaro Were, jono ma go olwoŋo r'atoŋa pere won.

1 Jokorintho 1:2

Ri kitipa pa jom'oyeyo Were manitie Korintho, ri ji je m'olwoŋ bedo ji pa Were, ma jobedo apere i riwirok gi Kristo Yesu, kanyacel gi ji je ma kamoro je ma jolwoŋo nyingi Rwodhiwan Yesu Kristo, Rwoth mawan gi jo.

1 Jokorintho 1:9

Were m'olwoŋo win riwirok gi Wode Yesu Kristo Rwodhiwan genere.

1 Jokorintho 2:7

Rieko ma wafonjo obedo rieko pa Were m'opanere, m'opan ri ji, ma Were oyido otieko yiko miyo wan wok con ma piny fodi k'ocwey.

1 Jokorintho 6:11

To onyo otiek lonyo win kwoŋ gimarac: Okethi win i tiro gi Were i nyingi Rwoth Yesu Kristo gi meni pa Cuny Maleŋ pa Were mawan.

2 Jokorintho 4:17

Aka teko mathin ma hongo macek me bino kelo riwan dwoŋ m'oasere ma cil gi cil, maloyo teko no bor.

Jogalasia 1:15

To Were won, gi nema pere am'oyeran denge mafodi k'onywolan, to lwoŋan tic rigo.

Jogalasia 1:6

Adhier kwoŋ win! I hongo macek won onyo wijala ŋat'olwoŋo win i nema pa Kristo, aka onyo wiluwo wac man ayino,

Jogalasia 5:8

Kiti adwoŋa no kiwoki kwoŋ ŋat'olwoŋo win be.

Joefeso 1:11

Kole gimoro je timere gi can pa Were kodi paro pere; aka Were oyero wan bende bedo ji pere i can pere ma go oridho wok i cakirok.

Joefeso 1:5

Mar pa Were, omiyo go oridho con ni walokere nyithindho pere i Yesu Kristo. Me obedo foyo pere kodi atoŋa pere.

Joefeso 2:6

Aka Were ocerino wan gi Kristo, to ketho wan kanyacel gine i kabedo ma polo i Kristo Yesu.

Joefeso 3:11

Were otimo ama i can pere ma bu gike, ma go oketho i tim kwoŋ gima Wode Yesu Kristo Rwodhiwan otimo.

Joefeso 4:4

Del nitie acel, paka geno obedo acel ma Were olwoŋ'iye wijoje.

Jokolosia 3:4

Aka ka kwo mewin, m'obedo Kristo onenere kamaler, aka nyaka wibende wibino nenere gine kanyacel i dwoŋ pere.

1 Jothesalonika 2:12

Waruma win gi miyo win miseni, wadiyo cuny win, aka wakwayo win nike kwo mewin wobedi ma sangala Were, ma lwoŋo win donjo i Ker kodi i dwoŋ pere.

2 Timothe 2:11

Me obedo wac m'otire: “Ka watieko tho gine, wabende wabino kwo gine;

Joebulaniya 9:15

Ro wac me Kristo obedo jatim can ma miyo cikirok manyen wotiy, ŋey joma Were olwoŋo jowonyal limo silwany ma Were ociko. Kole go otieko tho paka cul ma gonyo ji woko kwoŋ kibenga ma jotimo munyo oyido jonitie i cikirok marapena.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

1 Petero 3:9

Wikiri wicul reco gi reco kosa yet gi yet, to cul win gi silwany ayino; kole silwany a gima Were ociko miyo win munyo olwoŋo win.

1 Petero 5:10

To ka witieko candirok mathin, Were ma nigi nema je, m'olwoŋo win ni wopok win ye dwoŋ ma cil gi cil i Kristo, won bino miyo win meni, to miyo wicungo ma wicwiny i yeyo.

2 Petero 1:10

Am'omiyo, jowotan, tem win paka winyalo ridho lwoŋo kodi yer mewin; ka witimo ameno wik'opodhi i yeyo mewin.

Menyirok ri Yohana 17:14

Jobino lwenyo gi Nyathi rombo, to Nyathi rombo bino loyo jo, rupiri go obedo Rwoth kodi Kere pa kerin, aka joma ni bonge jobedo jom'olwoŋ kendo m'oyer aka jogenere.”

Menyirok ri Yohana 19:9

Gikenyo malaika owaco ran ni, “Ndiki gime: Josilwany a jom'olwoŋ i kalima ma nywomirok pa Nyathi rombo.” Malaika no omedo waco ni, “Me obedo wac mar'adieri mapa Were.”