Joroma 8:28 - KITAWO MALEŊ

²⁸ Kole waŋeyo ni gimoro je timere kanyacel ma bero ri joma jomaro Were, jono ma go olwoŋo r'atoŋa pere won.

KITAWO MALEŊ Catholic

²⁸ Kole waŋeyo ni gimoro je timere kanyacel ma bero ri joma jomaro Were, jono ma go olwoŋo r'atoŋa pere won.

Joroma 8:28 ပူးပေါင်းရင်းမြစ်များ

Cakirok 50:20

Wicano ran gimarac, to Were owiro i bero, gwoko kwo pa ji kweth ma konon jokwo ro gim'otimere.

2 Samwiri 16:12

Kono Rwoth bino neno litho paran, aka Rwoth oculan bero i waŋ lam me.”

Nehemia 1:5

Awaco ni, “Awi Rwoth Were ma i polo, idwoŋ aka walworin. Ikuro cikirok perin gi mar perin makiwire ri jono ma jomarin aka jokuro or perin;

Zabuli 69:36

Nyithindho pa ŋecin pere jolalunjo, aka jono ma jomaro nyingi go jolabed'iye.

Kitawo mar'ario mapa Musa m'ilwoŋo ni Wok 20:6

T'anyutho mar paran makiwire ri luse ganin pa ji ma jomaran aka joluwo or paran.”

Yeremia 51:29

Piny kirin aka yengere, kwoŋbedo Rwoth timo can pere ma loko Babilon thim, m'ongoye ŋata bed'iye.

Zekaria 13:9

Alaketho adec mar'adek i mac, alathodho paka ithodho feza, aka alatemo jo paka itemo zahabu. Jolalwoŋo nyingan, aka aladwoko jo. Alawaco ni, Jobedo ji paran, aka jolawaco ni, Rwoth obedo Were paran.

Mariko 12:30

aka iripo maro Rwoth Were perin g'adundo perin je, gi cunyin je, gi paro perin je, gi meni perin je.’

Tim pa Jomoor 13:48

Munyo Jopath jowinjo gime josangala aka jopako fonji pa Rwoth. Aka jom'oyido oyer ri kwo makirum jolokere jom'oyeyo.

Joroma 11:29

Kole Were kiwir paro pere kwoŋ mic kodi lwoŋo pere ri nyatoro.

Joroma 8:30

Am'omiyo joma Were oyiko rijo kabedo con kicutho, bende olwoŋo jo; aka joma go olwoŋo, bende okwanyo woko banja kwoŋ jo; aka joma go okwanyo woko banja kwoŋ jo, bende opoko jo dwoŋ pere.

Joroma 9:11

Kada munyo fodi k'onywol jo aka onwaŋo fodi jok'otimo kiri gimoro maber kosa marac, (ma miyo yero pa Were wotimere,

1 Jokorintho 1:2

Ri kitipa pa jom'oyeyo Were manitie Korintho, ri ji je m'olwoŋ bedo ji pa Were, ma jobedo apere i riwirok gi Kristo Yesu, kanyacel gi ji je ma kamoro je ma jolwoŋo nyingi Rwodhiwan Yesu Kristo, Rwoth mawan gi jo.

1 Jokorintho 1:24

to ri jom'olwoŋ i dier Joyuda gi Jogris, obedo Kristo m'obedo meni pa Were gi rieko pa Were.

1 Jokorintho 1:9

Were m'olwoŋo win riwirok gi Wode Yesu Kristo Rwodhiwan genere.

1 Jokorintho 2:9

To paka ndiko waco ama: “Gima dhano fodi k'oneno kosa k'owinjo wok cene, gima dhano fodi k'oparo kwoŋe ni d'otimere a gima Were oyiko ri jom'omaro go.”

2 Jokorintho 5:1

Kole waŋeyo ni ka kayindi ma wabed'iye i piny, delkwoŋ wan me, okedhi woko, Were bino miyo wan ot ma cil gi cil i polo, ma dhano ama k'ogero.

Jogalasia 1:15

To Were won, gi nema pere am'oyeran denge mafodi k'onywolan, to lwoŋan tic rigo.

Jogalasia 1:6

Adhier kwoŋ win! I hongo macek won onyo wijala ŋat'olwoŋo win i nema pa Kristo, aka onyo wiluwo wac man ayino,

Jogalasia 5:8

Kiti adwoŋa no kiwoki kwoŋ ŋat'olwoŋo win be.

Joefeso 3:11

Were otimo ama i can pere ma bu gike, ma go oketho i tim kwoŋ gima Wode Yesu Kristo Rwodhiwan otimo.

Joefeso 4:1

Am'omiyo, an m'otweyan ro wac pa Yesu Kristo, akwayo win ni kwo mewin wobedi ma ripo gi lwoŋo mewin.

Kitawo mar'abic mapa Musa m'ilwoŋo ni Cik 6:5

Iripo maro Rwoth Were perin g'adundo perin je, gi cunyin je, gi meni perin je.

Kitawo mar'abic mapa Musa m'ilwoŋo ni Cik 8:16

Go m'opidho win i thim gi mana ma kwarere mewin oyido jokuya, mwolo win kodi temo win, aka i cowe timo riwin bero.

Jofilipi 3:14

Am'omiyo aringo m'adiyo cunyan, kareno acomere kodi gike, ŋey alimi kemba ma Were olwoŋan rigo, i polo malo i Kristo Yesu.

1 Jothesalonika 5:9

Were k'oyeyo ni keme pere wogey wan, to ni walimi both luwo kwoŋ Rwodhiwan Yesu Kristo,

2 Timothe 1:9

go m'obotho wan to lwoŋo wan bedo ji pere won, ki ro gima watieko timo, to r'atoŋa pere won kodi nema. Go omiyo wan nema no i Kristo Yesu mafodi ndir k'ocakere,

2 Timothe 2:19

To tiendi geto m'ocwiny ma Were otieko ketho kiyengere, aka me a wac m'ondiki kwoŋe: “Rwoth oŋeyo joma jobedo apere.” Odoko ni, “Nyatoro je m'obedo apa Rwoth ripo eye woko kwoŋ tim mareco.”

Joebulaniya 9:15

Ro wac me Kristo obedo jatim can ma miyo cikirok manyen wotiy, ŋey joma Were olwoŋo jowonyal limo silwany ma Were ociko. Kole go otieko tho paka cul ma gonyo ji woko kwoŋ kibenga ma jotimo munyo oyido jonitie i cikirok marapena.

Yakobo 1:12

Jasilwany a dhano ma cwire i yeyo i ndir ma tem, rupiri ka go onyalo loyo tem, bino limo sangaria ma kwo, kemba ma Were otieko ciko jom'omaro go.

Yakobo 2:5

Winji win wutmera! Wiparo ni Were k'oyero jocandi ma piny ka bedo jom'oŋaŋ i yeyo, gi lunjo Ker ma go ociko jom'omaro go?

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

1 Petero 3:9

Wikiri wicul reco gi reco kosa yet gi yet, to cul win gi silwany ayino; kole silwany a gima Were ociko miyo win munyo olwoŋo win.

1 Petero 5:10

To ka witieko candirok mathin, Were ma nigi nema je, m'olwoŋo win ni wopok win ye dwoŋ ma cil gi cil i Kristo, won bino miyo win meni, to miyo wicungo ma wicwiny i yeyo.

1 Yohana 4:10

Me a mar: Ki kwoŋbedo ni onwaŋo wamaro Were, to ni go ama omaro wan to dhiro Wode bedo cowirok ma kwanyo woko reco mawan.

1 Yohana 4:19

Wabedo gi mar rupiri Were ama otelo maro wan.

Menyirok ri Yohana 3:19

Joma amaro, apusa jo odoko atwenyo jo. Am'omiyo bedi g'adieri kendo ŋuti kwoŋ reco perin.