Joroma 8:24 - KITAWO MALEŊ

²⁴ Kole geno am'omiyo obothi wan; to geno m'otieko nenere meno kidok bedi geno. Ŋa ma geno gima go neno?

KITAWO MALEŊ Catholic

²⁴ Kole geno am'omiyo obothi wan; to geno m'otieko nenere meno kidok bedi geno. Ŋa ma geno gima go neno?

Joroma 8:24 ပူးပေါင်းရင်းမြစ်များ

Zabuli 146:5

Jakisangala a ŋata kony pere obedo Were pa Yakobo, ŋata geno pere nitie i Rwoth Were pere,

Zabuli 33:18

Adieri Rwoth como waŋe kwoŋ jono ma jolworo go, jono ma jogeno mar pere makiwire.

Zabuli 33:22

Weyi mar perin makiwire wobedi gi wan, Awi Rwoth, ka waketho geno mawan i in.

Agecin 14:32

Jokidakana ikengila jo gi tim pajo marac, to jom'otire jonwaŋo kapondo i tiro pajo.

Yeremia 17:7

Jasilwany a ŋata geno Rwoth, ma geno pere nitie i Rwoth.

Zekaria 9:12

Gik win i kapondo, Awi jotwec ma jogeno, konon awaco nike alaculo win dirio.

Joroma 12:12

Weyi geno mewin womiy win kisangala, diy win cuny win i teko mewin, aka kway win Were hongo je.

Joroma 15:13

Were ma geno wok bonge wonyali poŋo win gi kisangala je kodi siem cungo kwoŋ yeyo mewin, ŋey geno mewin womedere dongo gi meni pa Cuny Maleŋ.

Joroma 15:4

Kole gimoro je m'ondiki i kitawo maleŋ ondiki ma fonjo wan, ŋey walimi geno i diyo cuny kodi i meni ma Ndiko Maleŋ miyo wan.

Joroma 4:18

Abraham oyeyo aka ogeno, munyo geno oyido ongoye kiri kony, am'omiyo go olokere Ba nonin mathoth paka ndiko waco ni, “Nyikwayin jolatiŋo piny pa kweth micala.”

Joroma 5:2

Go am'okelo wan i nema pa Were ma pama wacung'iye. Am'omiyo wasangala i geno ma wanitie gine ma limo dwoŋ pa Were!

Joroma 8:20

Kole omiy piny lokirok gim'ongoye kony, ki ro mito pere, to Were won am'omito ni wobedi ameno. Kad'ameno, geno oyido nitie ama:

1 Jokorintho 13:13

Onyo gigipiny adek me: Yeyo, geno kodi mar je joyindira, to mar ama loyo je.

2 Jokorintho 4:18

Am'omiyo waketho paro mawan, ki kwoŋ gigipiny ma nenere, to kwoŋ gigipiny ma kinenere rupiri gima nenere cowo nyaka hongo macek; to gima kinenere yindira cil gi cil.

2 Jokorintho 5:7

Kole wakwo gi yeyo, makiweno gi gima waneno.

Jogalasia 5:5

To wan gi geno ni Were bino ketho wan i tiro gi go, gi meni pa Cuny Maleŋ pa Were ma tiyo i yeyo mawan; aka meno a gima wakuro.

Jokolosia 1:23

Ato wiripo medirok gi yeyo mewin, ma wiridhere aka wicwiny, ma wikiyengere i geno ma wilimo munyo wiwinjo Wac Manyen Maber. Me a wac ma wiwinjo aka otiek fonjo dhano je i piny, ma an Paulo, alokere jatic mere.

Jokolosia 1:27

Kole Were oyiko wodho nyaliŋliŋ pere ri Jopath, jowoŋey ŋaŋo madwoŋ manitie i iye, aka manago Kristo manitie i win, ma miyo wigeno limo dwoŋ pa Were.

Jokolosia 1:5

Yeyo kodi mar no owok i geno gim'okan riwin i polo ma witieko winjo kwoŋe i wac mar'adieri, aka Wac Manyen Maber.

1 Jothesalonika 5:8

To wan wakwo odieceŋ, aka waripo bedo milengela. Weyi waruki i kor wan yeyo kodi mar paka gilweny, gi geno kwoŋ both paka junga ma lweny.

2 Jothesalonika 2:16

Weyi Rwodhiwan Yesu Kristo won gipi, kodi Were Bawan, m'omaro wan aka i nema pere omiyo wan miseni makirum kodi geno maber,

Tito 3:7

nike paka otieko ketho wan i tiro gi nema pere, wanyal bedo nyithindho pere makayo kareno wageno lunjo kwo makirum.

Joebulaniya 11:1

Onyo bedo gi yeyo meno ŋeyo adieri nike wabino limo gigipiny ma wageno, bedo gi ridho ni wabino limo gigipiny ma wakinen.

1 Petero 1:21

I go wiyeyo Were, m'ocerino go kwoŋ jom'otho to miyo go dwoŋ, m'omiyo yeyo kodi geno mewin nitie kwoŋ Were.

1 Petero 1:3

Weyi wapaki Were Ba Rwodhiwan Yesu Kristo. Ro ŋono pere m'oasere, go omiyo wanywole i kwo manyen munyo ocerino Yesu Kristo kwoŋ jom'otho to miyo wan geno ma kwo i cuny wan,

1 Yohana 3:3

Nyatoro je manitie gi geno me i Kristo ripo lonyo kwo pere paka Kristo olony.