Joroma 8:16 - KITAWO MALEŊ

¹⁶ Meno meni pa Cuny no ama nyutho wan i cuny wan ni wabedo nyithindho pa Were.

KITAWO MALEŊ Catholic

¹⁶ Meno meni pa Cuny no ama nyutho wan i cuny wan ni wabedo nyithindho pa Were.

Joroma 8:16 ပူးပေါင်းရင်းမြစ်များ

Hoseya 1:10

Kucel welo pa Joisiraili lacale paka kwoyo ma nam, ma kipimere kosa kwanere; aka i kabedo m'owac'iye rijo ni, “Wikibedo ji paran.” Ilalwoŋo jo ni, “Nyithindho pa Were makwo.”

Matayo 5:9

Josilwany a joma kweyo piny, kole ibino lwoŋo jo ni nyithindho pa Were.

Luka 20:36

Ato kareno jokinyal tho kendo, rupiri jocale jomalaika. Aka jobedo nyithindho pa Were, rupiri otiek cerino jo kwoŋ jom'otho.

Yohana 1:12

To jono je ma jojolo go ma joyeyo i nyinge, omiyo jo meni ma lokirok nyithindho pa Were.

Tim pa Jomoor 5:32

Kendo wan wabedo jokony i gigipiny me. Wa jokony kanyacel gi Cuny Maleŋ mic pa Were ri joma winjo or pere.”

Joroma 8:14

Ato joma Cuny Maleŋ pa Were ama telo jo ama jobedo nyithindho pa Were.

Joroma 8:19

Cwec gipi kiyo neno gima Were bino nyutho nyithindho pere.

Joroma 8:23

Aka k'ameno kende, to wan ma wanitie gi Cuny paka mic pa Were marapena, wabende wacur gi litho i iy wan koro munyo wakuro Were woloki wan nyithindho pere aka wokethi wan i siem.

Joroma 8:26

I royo acel no bende, Cuny Maleŋ konyo wan i nyapo mawan; rupiri wakuya paka waripo kwayo; aka Cuny won ama pido riwan bongi Were gi cur ma wac kinyal tuco.

Joroma 9:26

Aka i kabedo m'onwaŋo owac'iye rijo ni, ‘Wikibedo ji paran.’ Kenyo am'ibino lwoŋ'iye jo ni nyithindho pa Were makwo.”

Joroma 9:8

Ma nyutho ni nyithindho m'onywol i yo ma kisi ndelo manyadel jok'obedo nyithindho pa Were; kucel, nyithindho m'onywol cungo kwoŋ cikirok pa Were ama ikwano paka nyikway go mar'adieri.

2 Jokorintho 1:12

Me a gima wapakere gine: Paro ma cuny wan miyo waridho ni i kwo mawan i piny ka, tektek mere i riwirok mawan gi win kanyacel, wawotho i leŋo kodi i adieri pa Were. Aka watimo ameno gi meni ma nema pa Were, makiweno gi rieko pa dhano.

2 Jokorintho 1:22

to ketho ranyuth pere kwoŋ wan paka wabedo apere, to ketho Cuny Maleŋ i cuny wan ma ridho ni lamiyo wan gimoro je ma go okano riwan.

2 Jokorintho 5:5

Were am'oyiko wan ri wirok me, aka omiyo wan Cuny Maleŋ ma ridho ni lamiyo wan gimoro je ma go ociko miyo wan.

2 Jokorintho 6:18

Abino bedo Bawin, aka wibino bedo wotan gi nyingan. Rwoth Majameni je waco.”

Jogalasia 3:26

Kole i Kristo Yesu wijoje onyo wibedo nyithindho pa Were cungo kwoŋ yeyo mewin.

Jogalasia 4:6

Paka wibedo wote, Were ooro Cuny Maleŋ pa Wode i cuny wan, Cuny ma koko ni, “Aba, Baba.”

Joefeso 1:13

Wibende munyo wiwinjo wac mar'adieri, Wac Manyen Maber m'okelo riwin both, wiyeyo Kristo aka Were oketho ranyuth pere kwoŋ win, munyo miyo win Cuny Maleŋ ma go won oyido otieko ciko win.

Joefeso 4:30

Wikiri wimiy Cuny Maleŋ gut, rupiri go obedo ranyuth ma Were oketho kwoŋ win ri ndelo ma both.

Kitawo mar'abic mapa Musa m'ilwoŋo ni Cik 14:1

Wibedo nyithindho pa Rwoth Were mewin. Wikiripi gwerok kosa ŋwekirok ka dhano otho.

1 Yohana 3:1

Neni win paka Bawan omaro wan m'oasere m'omiyo ilwoŋo wan ni nyithindho pa Were, aka iy'adieri, wabedo ameno. Gim'omiyo piny kuya wan obedo rupiri k'oŋeyo Were.

1 Yohana 3:10

Me apaka wanyalo poko maber i dier nyithindho pa Were kodi apa jwogi: Nyatoro je ma kitim gim'otire kosa ma k'omaro omin go, meno k'obedo nyathi pa Were.

1 Yohana 3:2

Jowotan, pama onyo wabedo nyithindho pa Were, aka fodi kiŋeyere gima wabino bedo. To waŋeyo ni ka Kristo onenere wabino bedo paka go, rupiri wabino neno go paka go nitie won.

1 Yohana 4:13

Me apaka waridho maber ni wanitie i Were aka go bende nitie i wan; go otieko miyo wan Cuny Maleŋ pere won.

1 Yohana 5:10

Nyatoro je ma yeyo Wod Were meno ridho adieri no i cunye; to ŋata kiyey Were, meno oloko go jatwodo, rupiri go k'oyeyo gima Were owaco ma ridho adieri ma mako kwoŋ Wode.

Menyirok ri Yohana 21:7

Ŋat'oloy lweny bino limo gime je. Abino bedo Were pere, aka go bino bedo wodan.