Joroma 7:6 - KITAWO MALEŊ

⁶ To pama otiek gonyo wan woko kwoŋ Cik, rupiri watieko tho ma nyutho ni wakwero gima cango oyido otweyo wan. Pama onyo wakibedo jotic i cik macon m'ondiki, to wabedo jotic i kwo manyen ma Cuny ayino.

KITAWO MALEŊ Catholic

⁶ To pama otiek gonyo wan woko kwoŋ Cik, rupiri watieko tho ma nyutho ni wakwero gima cango oyido otweyo wan. Pama onyo wakibedo jotic i cik macon m'ondiki, to wabedo jotic i kwo manyen ma Cuny ayino.

Joroma 7:6 ပူးပေါင်းရင်းမြစ်များ

Ezekiel 11:19

Alamiyo jo cuny acel, t'aketho adundo manyen i jo, alakwanyo woko cuny matek pa tele wok i delkwoŋ jo, t'amiyo jo cuny mayom;

Ezekiel 36:26

Alamiyo win adundo manyen, t'aketho cuny manyen i win. Alakwanyo woko wok i delkwoŋ win adundo ma tele t'amiyo win adundo ma riŋo.

Joroma 1:9

Were nyalo ridho ni gim'awaco obedo adieri; Were no ama atiyo rigo gi cunyan je munyo afonjo Wac Manyen Maber kwoŋ Wode. Were oŋeyo nike ndir je apoyo win, i hongo je ka akwayo.

Joroma 12:2

Wikiri wiluw kula ma piny me, to bedi win ma wiwire i paro mewin, aka nyaka wibino ŋeyo mito pa Were; gimaber ma sangala go, odoko m'olony kicutho.

Joroma 6:11

I royo acel wibende wiripo tere paka jom'otieko tho ma nyutho kwero gimarac aka onyo jokwo ri Were i Kristo Yesu.

Joroma 6:19

Aoro wac manyadhanodhano ro nyapo ma winigine ma niaŋ. Paka yado oyido wimiyere ibedo ŋecin pa kidakana, kodi turo cik pa Were, onyo pama bende wiripo miyirok paka ŋecin pa tiro ri atoŋa ma lonyo.

Joroma 6:2

K'ameno be! K'inen watieko tho ma nyutho kwero gimarac, wanyalo nedi doko medirok gi timo gimarac?

Joroma 6:22

To paka onyo otiek theko win gi gimarac to wibedo ŋecin pa Were, bero ma winigine onyo obedo lonyo, ma i gike bino miyo wilimo kwo makirum.

Joroma 6:4

Riameno, batisimo mawan nyutho ni oyiki wan bende gi Yesu kendo wariwere gine i tho pere, ŋey paka Kristo ocerino kwoŋ jom'otho ro meni pa Bamere M'oasere, ameno bende wanyalo bedo i kwo manyen.

Joroma 7:1

Wikuya, wutmera, k'aluwo gi joma joŋeyo cik, ni cik dhumo dhano kende ka go fodi kwo?

Joroma 7:2

Paka ranen, Cik tweyo dhako m'onywomere kwoŋ cwore ka cwore fodi kwo; to tekin cwore tho, go gonyere woko kwoŋ cik ma mako kwoŋ cwore.

Joroma 7:4

Meno apaka nitie kodi win wutmera. Wibende witieko tho kwoŋ gima mako kwoŋ Cik, rupiri wilokere adec ma delkwoŋ Kristo; aka onyo win apa go m'ocerino kwoŋ jom'otho, ŋey wanyal kwo kareno wakonyo tic pa Were.

2 Jokorintho 3:6

Go omiyo wanyalo tiyo ri cikirok manyen, ma k'obedo apa Cik m'ondiki, to apa Cuny Maleŋ, rupiri Cik m'ondiki kelo tho, to Cuny miyo kwo.

2 Jokorintho 5:17

Am'omiyo ka moro nitie i Kristo, go obedo cwec manyen: Gima con okadho woko, manyen ama obino.

Jogalasia 3:13

Munyo Kristo olokere ŋat'okwoŋ ka waŋ wan, ogonyo wan woko kwoŋ ma Cik kelo, rupiri ndiko waco ni, “Nyatoro je m'olier wi yath meno ŋat'okwoŋ.”

Jogalasia 6:15

Ki wac moro kosa dhano othumere kosa be. Kole gimadwoŋ a lokirok cwec manyen ayin.

Joefeso 4:24

aka nyaka wiruki kwo manyen, m'ocwey i cal pa Were, i tiro kodi leŋo.

Jofilipi 3:3

Kole wan ayino ama watieko limo thumirok mar'adieri, wan ma walamo Were gi meni pa Cuny Maleŋ, aka wayumere i Kristo Yesu. Odoko wakikethi geno moro kwoŋ thumirok ma del,

Jokolosia 3:10

aka onyo wiruko kwo manyen, ma Were, jacwec mere, hongo je loko manyen i cal pere won, ŋey wokel win i ŋeyo go maber odoco.