Joroma 7:4 - KITAWO MALEŊ

⁴ Meno apaka nitie kodi win wutmera. Wibende witieko tho kwoŋ gima mako kwoŋ Cik, rupiri wilokere adec ma delkwoŋ Kristo; aka onyo win apa go m'ocerino kwoŋ jom'otho, ŋey wanyal kwo kareno wakonyo tic pa Were.

KITAWO MALEŊ Catholic

⁴ Meno apaka nitie kodi win wutmera. Wibende witieko tho kwoŋ gima mako kwoŋ Cik, rupiri wilokere adec ma delkwoŋ Kristo; aka onyo win apa go m'ocerino kwoŋ jom'otho, ŋey wanyal kwo kareno wakonyo tic pa Were.

Joroma 7:4 ပူးပေါင်းရင်းမြစ်များ

Isaya 54:5

Kole jacwec perin obedo cworin, Rwoth pa lwak jolweny obedo nyinge; Were Maleŋ pa Isiraili obedo Jaboth perin, ilwoŋo go ni Were ma piny gibe.

Isaya 62:5

Kole paka jayac nywomo dhako mambula, ameno apaka yac perin lanywomin. Aka paka jamweha fore gi mweha pere, ameno apaka Were perin lafore kodin.

Matayo 26:26

Munyo jocemo, Yesu okwanyo mugat, to miyo silwany to turo, to poko jofonjirok pere munyo waco ni, “Kwany win wicam; me delkwoŋ.”

Mariko 4:20

To ji megi jocale kodhi m'ocwoy i lowo maber ma diwa. Jowinjo wac, jojolo, aka wac nyak: Megi piero adek, megi piero aucel, megi miya acel.”

Yohana 15:8

Me apaka Baba bino limo dwoŋ: Ka wiwodho gima nyak madit ma nyutho ni wibedo jofonjirok paran.

Yohana 3:29

“Jamweha ama mweha bedo apere; jakony pa jamweha cungo ruŋete to ciko ithe wowinji gima timere, aka go sangala swa k'owinjo dwondi jamweha. Meno bende apaka kisangala paran onyo oromo.

Yohana 6:51

Abedo mugat ma kelo kwo m'obino i piny wok i polo. Ŋat'ocam mugat me bino kwo cil gi cil. Aka mugat m'abino miyo win meno a delkwoŋan, m'abino miyo aka nyaka piny wolimi kwo.”

Joroma 6:11

I royo acel wibende wiripo tere paka jom'otieko tho ma nyutho kwero gimarac aka onyo jokwo ri Were i Kristo Yesu.

Joroma 6:14

Gimarac wokiri wodhum win paka onyo wikibedi i meni pa cik, to i nema pa Were ayino.

Joroma 6:2

K'ameno be! K'inen watieko tho ma nyutho kwero gimarac, wanyalo nedi doko medirok gi timo gimarac?

Joroma 6:22

To paka onyo otiek theko win gi gimarac to wibedo ŋecin pa Were, bero ma winigine onyo obedo lonyo, ma i gike bino miyo wilimo kwo makirum.

Joroma 7:3

Am'omiyo, ka go obedo gi jacwo man munyo fodi cwore nitie, ibino tero go paka jatim cot; to ka cwore otieko otho, go nitie i siem i kite ma cik, aka go kitim cot ka go odoko obedo gi jacwo man.

Joroma 7:6

To pama otiek gonyo wan woko kwoŋ Cik, rupiri watieko tho ma nyutho ni wakwero gima cango oyido otweyo wan. Pama onyo wakibedo jotic i cik macon m'ondiki, to wabedo jotic i kwo manyen ma Cuny ayino.

Joroma 8:2

rupiri cik ma Cuny ma kelo riwan kwo i Kristo Yesu, otieko thekan gi cik m'okelo gimarac kodi tho.

1 Jokorintho 10:16

Ka wafoyo Were ri agwata ma disilwany ma wamadho, meno wakibedo i riwirok acel gi remo pa Kristo? Aka mugat ma waturo aka wacamo; k'obedo riwirok i acel gi Kristo?

2 Jokorintho 11:2

Atimo nyeko riwin paka Were timo; ato wicale nyako maliw m'atieko yiko ni wonywomere gi jacwo acel kende, aka manago Kristo.

Jogalasia 3:13

Munyo Kristo olokere ŋat'okwoŋ ka waŋ wan, ogonyo wan woko kwoŋ ma Cik kelo, rupiri ndiko waco ni, “Nyatoro je m'olier wi yath meno ŋat'okwoŋ.”

Jogalasia 5:18

Ka Cuny ama telin, meno nyutho ni ikitudere i luwo Cik.

Joefeso 2:15

Okwanyo woko Cik pa Joyuda gi thenethene mere gi delkwoŋe, ŋey woloki nonin ario me ji acel i go, to kelo siem.

Jofilipi 1:11

Kwo mewin bino nyak olemo ma kite mabeyo, ma Yesu Kristo won ama kelo, to miyo Were dwoŋ kodi pak.

Jofilipi 4:17

K'obedo nike arango limo mic; to amito ni womedi win magowa i migowe kani mewin.

Jokolosia 1:10

Wakwayo ameno ŋey kwo mewin wobedi paka Rwoth mito, to witimo gima sangala go hongo je. Kwo mewin bino nyak kiti tic mabeyo je, aka wibino medere gi ŋeyo Were.

Jokolosia 1:22

To pama, kwoŋ tho ma delkwoŋ Wode, Were onyo odwoko win i tiyirok gine, ŋey go wokel win ruwaŋe, ma wileŋ ma bu raco.

Jokolosia 1:6

Wac Manyen Maber me otieko bino riwin, aka nyay ka medere i piny je, paka onyay i dier win wok i ndelo ma wipen winj'iye kwoŋ nema pa Were to wiŋeyo adieri mere je.

Jokolosia 2:14

Were oreyo woko gim'onwaŋo ondiki kwoŋ wan marac, gi cik mere m'oyido yenyo kwoŋ wan gigipiny kweth, to kwanyo woko kicutho munyo oguro gino kwoŋ musalaba.

Jokolosia 2:20

K'inen onyo witieko tho gi Kristo aka okethi win i siem munyo wieye woko kwoŋ cuny ma dhumo polo gi piny, raŋo ma fodi kwo mewin bedo paka apa ji ma piny me? Raŋo ma wikuro cik masisiri paka ni,

Joebulaniya 10:10

Aka Yesu Kristo otieko timo gima Were omito ni go wotim, am'omiyo wajoje onyo oloki wan m'olony kwoŋ reco i cowirok ma go otimo ma delkwoŋe won, dicel kende to kicutho.

1 Petero 2:24

Go won otiŋo reco mawan i delkwoŋe wi musalaba, ŋey wabedi jom'otho ri gimarac to wakwo ri tiro; cungo kwoŋ adholin pere, witieko cango.

Menyirok ri Yohana 19:7

Weyi wayodere wasangala; weyi wapaki dwoŋ pere m'oasere! Kole ndir otundo ma nywomirok maleŋ mapa Nyathi rombo, aka mweha pere otieko yikirok.

Menyirok ri Yohana 21:9

Acel kwoŋ jomalaika abirio m'onwaŋo jonitie kodi atewe abirio ma thoyamo opoŋ'iye obino bongan to waco ni, “Biye anyuthin Mweha, cipa Nyathi rombo.”