Joroma 7:18 - KITAWO MALEŊ

¹⁸ Aŋeyo ni bero ongoye i an, kosa awaci ni i delkwoŋan paka dhano. Anyalo yenyo timo gimaber, to akinyali.

KITAWO MALEŊ Catholic

¹⁸ Aŋeyo ni bero ongoye i an, kosa awaci ni i delkwoŋan paka dhano. Anyalo yenyo timo gimaber, to akinyali.

Joroma 7:18 ပူးပေါင်းရင်းမြစ်များ

Cakirok 6:5

Rwoth oneno ni kidakana pa ji oyido dwoŋ i piny, aka kiri paro ma cuny jo je omedere bedo marac.

Cakirok 8:21

Kur ma cowirok osangala Rwoth to waco i cunye ni, “Doko akibino kwoŋo piny kwoŋbedo ji, rupiri wok i thino pajo paro pajo reco. Doko akibino reyo kisi cwec makwo paka atimo.

Yobu 14:4

Ŋa manyalo wodho gim'olony wok kwoŋ gimakoc? Ongoye kada ŋat'acel.

Yobu 25:4

Onyo dhano obedi nedi m'otire ruwaŋ Were, aka dhano m'onywol gi dhako obedi nedi macil?

Zabuli 119:173

Weyi cingin woyikere konyan, kole atieko yero or perin.

Zabuli 119:176

Alera paka rombo m'orwenyo, rangi ŋeca perin, kole wiyan kiwil gi or perin.

Zabuli 119:32

Alawinjo or perin gi mito je, kwoŋbedo ilamedo yawo niaŋ paran.

Zabuli 119:40

Neni, amito kuro or perin, miyan kwo manyen, kole itimo gim'otire.

Zabuli 119:5

Ageno ni alatimo adieri, kuro fonji perin.

Zabuli 51:5

Neni, abedo jareco wok i nywolirok paran, jareco munyo mama ogaman i iye.

Isaya 64:6

Wajoje watieko lokere ŋata koc, aka tim mawan maber je cal okuto. Wathwo paka boke, aka reco mawan kudho wan, paka koyo.

Matayo 15:19

Ato i adundo ama wok'iye paro mareco ma rwako go i nek, timo cot, kodi kidakana, kwo, roro, gi nyeko nyingi joman.

Luka 11:13

K'inen win ma wireco, wiŋeyo miyo nyithindho mewin gimaber, onyo Bawin ma i polo oloy win marom nedi i miyo joma kwayo go Cuny Maleŋ!”

Yohana 3:6

Gima del onywolo bedo ma del, aka gima Cuny onywolo bende bedo ma cuny.

Joroma 13:14

Kucel ruki win Rwoth Yesu Kristo, aka wikiri wiwey hola ri del, ma timo awanya mere.

Joroma 7:15

Akiniaŋ odoco kwoŋ gigipiny m'atimo, rupiri akitim gim'amito timo, kucel, atimo gim'akimiti mere ayino.

Joroma 7:19

Ato akitim gimaber m'amito timo; kucel atimo reco m'oyido akimito timo ayino.

Joroma 7:25

Am'omiyo, me apaka anitie: Abedo ŋeca ri cik pa Were i paro paran, to i del abedo ŋeca ri cik pa gimarac.

Joroma 7:5

Munyo oyido fodi watimo gima del yenyo, awanya mareco ma Cik osigila oyido tiyo i delkwoŋ wan, aka oyido kelo riwan tho.

Jogalasia 5:17

Kole awanya pa del lwenyo gi Cuny aka Cuny bende lwenyo kodi awanya pa del; jario me jobedo jokwor, aka gino miyo ikinyal timo gim'iyenyo ni itimi.

Jogalasia 5:24

Aka joma jobedo apa Kristo Yesu jotieko neko woko kula pajo ma del, kodi icirok mere kodi awanya mere.

Jofilipi 2:13

Kole Were ama tiyo i win, ma miyo wiyeyi aka winyal timo atoŋa pere.

Jofilipi 3:12

Akiwaci nike atieko nwaŋo gime, kosa ni atieko lokirok maleŋ. Fodi amedere gi tekirok cuka Anonwaŋ gim'omiyo Kristo Yesu olokan apere.

Tito 3:3

Kole wan wegi onwaŋo yado wamiŋ, wajocay, aka oyido orweny wan woko. Wan oyido wabedo ŋecin pa awanya kodi kisangala ma piny; oyido waoro kwo mawan ma timo ri ji raco kodi nyeko; oyido wadakere gi ji.

1 Petero 4:2

Riameno, wok gunyo ni, mito pa Were ama dhumo kwo pere gipi i piny ka makiweno awanya mareco ma del.