Joroma 6:14 - KITAWO MALEŊ

¹⁴ Gimarac wokiri wodhum win paka onyo wikibedi i meni pa cik, to i nema pa Were ayino.

KITAWO MALEŊ Catholic

¹⁴ Gimarac wokiri wodhum win paka onyo wikibedi i meni pa cik, to i nema pa Were ayino.

Joroma 6:14 ပူးပေါင်းရင်းမြစ်များ

Jolevi 25:41

Nyaka gi nyithindho pajo jodok peco pajo, i lim pa kwarere pajo.

Mika 7:19

Go bino bedo riwan gi wor kendo, go bino nyono reco mawan gi tiende. Go bino bolo reco mawan je i lutho ma nam.

Matayo 1:21

Go bino nywolo nyathi majayac, aka ibino cwoko nyinge ni Yesu; rupiri go ama bino botho ji pere kwoŋ reco pajo.”

Yohana 1:14

Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri.

Yohana 1:17

Kole Cik obino luwo i cingi Musa, to nema kodi adieri obino riwan luwo bongi Yesu Kristo.

Yohana 8:36

Ka Wod Were omiyo win siem, wibino bedo joma ni siem adieri.

Joroma 11:6

K'obedo ro nema pere, meno yero pa Were kicungi kwoŋ tim mabeyo ma dhano timo, rupiri d'onyo nema no kidok bedi nema m'otire.

Joroma 4:16

Riameno cikirok no cungo kwoŋ yeyo, ŋey wothenere kwoŋ nema pa Were aka womiy nyikway Abraham je, aka ki nyaka joma jokuro Cik kende, to joma joyeyo paka cango Abraham bende oyeyo. Ato Abraham obedo ba wajoje ma cuny,

Joroma 5:17

K'inen ro gimarac pa ŋat'acel am'omiyo tho ocako dhum kwoŋbedo ŋat'acel no, meno kere adieri joma jonwaŋo nema mathoth kodi mic ma nono ma tiro bende jobino dhumo maloyo i kwo ro ŋat'acel, Yesu Kristo.

Joroma 5:18

Am'omiyo paka kibenga pa ŋat'acel omiyo banja oloyo ji je, ameno bende ibino kwanyo woko banja kwoŋ ji mathoth ro winjo pa ŋat'acel.

Joroma 6:12

Gimarac odoko wokiri wodhum i delkwoŋ win ma tho me, kareno witimo gim'awanya mere yenyo.

Joroma 6:15

Kere onyo aŋo m'odoŋ? Watim reco ni rupiri wakinitie i meni pa cik to i nema pa Were ayino? Be!

Joroma 8:12

Am'omiyo, wutmera, wanitie gi banja, to ki ri del ni watim gima del yenyo.

Joroma 8:2

rupiri cik ma Cuny ma kelo riwan kwo i Kristo Yesu, otieko thekan gi cik m'okelo gimarac kodi tho.

Jogalasia 3:23

Mafodi ndir ma yeyo k'otundo, Cik onwaŋo oketho wajoje i twec, cuka wonyuthi yeyo kamaler.

Jogalasia 4:21

Weyi apenji win ma fodi wimito bedo ŋecin i Cik: Wikiwinji gima Cik waco?

Jogalasia 5:18

Ka Cuny ama telin, meno nyutho ni ikitudere i luwo Cik.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Joebulaniya 8:10

Onyo me a cikirok m'abino timo gi ji ma Isiraili ka ndelo no okadho, abino ketho cik paran i paro pajo, odoko abino ndiko cik no i cuny jo to abedo Were pajo, aka jobino bedo ji paran.