Joroma 5:17 - KITAWO MALEŊ

¹⁷ K'inen ro gimarac pa ŋat'acel am'omiyo tho ocako dhum kwoŋbedo ŋat'acel no, meno kere adieri joma jonwaŋo nema mathoth kodi mic ma nono ma tiro bende jobino dhumo maloyo i kwo ro ŋat'acel, Yesu Kristo.

KITAWO MALEŊ Catholic

¹⁷ K'inen ro gimarac pa ŋat'acel am'omiyo tho ocako dhum kwoŋbedo ŋat'acel no, meno kere adieri joma jonwaŋo nema mathoth kodi mic ma nono ma tiro bende jobino dhumo maloyo i kwo ro ŋat'acel, Yesu Kristo.

Joroma 5:17 ပူးပေါင်းရင်းမြစ်များ

Cakirok 2:17

t'ikir'icam yath ma ŋeyo gimaber gi gimarac, rupiri i ndelo m'inocam'iye ilatho.”

Cakirok 3:19

I kwok perin ibino camo mugat cuka inogiki i lowo; rupiri ocweyin wok i lowo, aka doko ibino lokere lowo.”

Cakirok 3:6

Ameno dhako oneno nger ma yath no oyido ber'iye, kodi nger mar'olemo mere oyido ber acama; aka oparo nger ma ber'iye lokirok mariek. Kenyo go okwanyo olemo to camo, aka omiyo cwore bende ni wocam.

Isaya 61:10

Alafore tektek i Rwoth, adundo paran gipi layodere i Were paran; kole go otieko rukan gi law ma both, go otieko uman gi kanzu ma tiro, paka jamweha koda wiye sangaria, paka mweha kikere gi thiwino pere.

Matayo 25:34

Gikenyo Kere bino waco ri joma ni cinge maracuc ni, ‘Biye win, josilwany pa Baba, lunji win Ker m'oyik riwin wok i cwec pa piny;

Yohana 10:10

Jakwo bino nyaka kwalo, neko kodi nyeko woko. An abino nike jowolimi kwo, aka kwo ma gibe.”

Joroma 5:12

Gimarac obino i piny ka luwo kwoŋ ŋat'acel, aka gimarac pere okelo tho. Gim'owok'iye, tho olak kwoŋ dhano je, rupiri ji je jonigi gimarac.

Joroma 5:15

To mic pa Were ma nono no, kicale gi gimarac ma Adam otimo. K'inen ji mathoth jotho ro gimarac pa Adam ŋat'acel no, ameno nema pa Were kodi mic ma nono man nema pa ŋat'acel, Yesu Kristo, loyo meno bor swa.

Joroma 5:20

Munyo Cik obino, kibenga manyaturo Cik omedere; to kama reco meder'iye, nema pa Were bende medere loyo.

Joroma 6:14

Gimarac wokiri wodhum win paka onyo wikibedi i meni pa cik, to i nema pa Were ayino.

Joroma 6:23

Kole kemba pa gimarac obedo tho; to mic ma Were miyo wan obedo kwo makirum i Kristo Yesu Rwoth mawan.

Joroma 8:39

kosa ŋawirok pa gimoro, kosa thutho pa gimoro, kosa gimoro je i cwec, kinyal poko wan gi mar pa Were i Kristo Yesu Rwodhiwan.

1 Jokorintho 15:49

Aka paka waruko cal pa ŋat'ocwey gi fukefuke, ameno bende apaka wabino ruko cal pa ŋati m'owok i polo.

1 Jokorintho 4:8

Kole kere witieko riwin limo gimoro je ma wiyenyo! Witieko ŋaŋo! Witieko lokirok kerin, kada wawegi wakibedo ameno! Bedi nyalere di wibedo kerin adieri, aka di wabende wabedo kerin kanyacel gi win.

Jofilipi 3:9

ŋey abedi i go. Aka adoko akibedi gi tiro paran won, i royo ma kuro Cik, to pama anitie gi tiro ma wok bongi Were, aka ma cungo kwoŋ yeyo Kristo.

1 Timothe 1:14

Rwoth okonjo ran nema pere m'oasere to miyan yeyo gi mar manitie i Kristo Yesu.

2 Timothe 2:12

Ka waciro candirok, wabende wabino dhumo gine; Aka ka wakwedere kwoŋe, go bende bino kwedere kwoŋ wan;

Yakobo 2:5

Winji win wutmera! Wiparo ni Were k'oyero jocandi ma piny ka bedo jom'oŋaŋ i yeyo, gi lunjo Ker ma go ociko jom'omaro go?

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

Menyirok ri Yohana 1:6

to loko wan bedo ker, kendo joma cwayo wi migam pa Were kendo Bamere. Dwoŋ kodi meni wobedi rigo cil gi cil. Ameno.

Menyirok ri Yohana 20:4

Rumacen aneno kombere ma dhum, aka jom'obedo kwoŋ jo obedo joma omiy jo thumo banjin. Aka aneno bende joma ndir ca oŋadi woko ŋuti jo ro ridho yeyo pajo kwoŋ Yesu kodi wac pa Were, ma jok'oyeyo lamo ogwaŋ kosa cal pere, aka jok'oyeyo womwon ranyuth pere ruwaŋ jo kosa i cingi jo. Odwoki rijo kendo kwo pajo to jodhumo gi Kristo oro gana acel.

Menyirok ri Yohana 20:6

Ji je ma jokwanere i cerino marapena me, meno josilwany odoko joleŋ! Ato tho mar'ario kilabedo gi meni kwoŋ jo, to jobino bedo jocway ri Were i wi migam ma jotiyo ri Were gi Kristo munyo jodhumo gine cowo oro gana acel.

Menyirok ri Yohana 22:5

Colo ma wor odoko kilabedo, aka jokibino yenyo lero ma tala kosa lero ma waŋceŋ, Rwoth Were won ama bino bedo lero pajo, aka jobino dhumo cil gi cil.

Menyirok ri Yohana 3:21

Ŋat'oloy lweny abino miyo meni ma bedo bongan i kom paran ma dhum, paka abende atieko loyo lweny aka onyo abedo kabuti Baba i kom pere ma dhum.