Joroma 4:6 - KITAWO MALEŊ

⁶ Me a dwoŋ gima Daudi owaco munyo luwo kwoŋ kisangala pa ŋata Were jolo paka ŋat'otire ma k'okwano tic ma go otieko timo:

KITAWO MALEŊ Catholic

⁶ Me a dwoŋ gima Daudi owaco munyo luwo kwoŋ kisangala pa ŋata Were jolo paka ŋat'otire ma k'okwano tic ma go otieko timo:

Joroma 4:6 ပူးပေါင်းရင်းမြစ်များ

Zabuli 112:1

Pak Rwoth! Jasilwany a ŋata lworo Rwoth, ŋata winjo maber luwo Or pere.

Isaya 54:17

Ongoye gilweny m'ilathedho ma lweny kodin ma lakiyindira, aka ilawiro woko lew je m'oay kwoŋin i thumo banja. Me alunja pa ŋecin pa Rwoth, gi gwok pajo wok bongan.” Rwoth waco.

Yeremia 22:6

Kole Rwoth waco ama kwoŋ ot pa kere ma Yuda: Wicale ran Giliad, paka acurcur ma Lebanon, t'akwoŋere ni alaloko win thim, tindi madwoŋ ma kibed'iye.

Yeremia 33:16

I ndir no, ilabotho Yuda aka siem labedo i Yerusalem. Me a nyinge m'ilalwoŋo gine, “Rwoth, obedo tiro mawan.”

Daniel 9:24

“Oro piero ario dibirio, Were otieko luwo kwoŋ ji perin kodi tindi perin maleŋ, cowo raco kodi reco, kodi cwako reco, kelo tiro ma cil gi cil, kodi kelo i kare menyirok kodi jatuci wac Were, kodi wiro gi mo Kamaleŋ Loyo.

Matayo 25:19

Rumacen munyo hongo okadho malac, rwoth pa jotic no odwoko to kaŋasa kwan ma gigipiny no gi jo.

Joroma 1:17

Kole Wac Manyen Maber nyutho paka Were ketho ji i tiro gine luwo kwoŋ yeyo, wok i cakirok tundo i gike. Ato randik waco ni, “Ŋat'okethi i tiro gi Were bino kwo gi yeyo.”

Joroma 3:27

Onyo aŋo ma wanyalo yumirok gine? Kole ongoye! I royo mene? I royo ma kuro Cik? Be, i royo ma bedo gi yeyo ayino.

Joroma 4:11

Othum go rumacen paka ranyuth ma ridho ni ro yeyo pere munyo fodi go k'othumere am'omiyo Were okwano go paka ŋat'otire. Meno am'omiyo Abraham obedo ba joma yeyo Were ma cuny, ma Were jolo jo paka jom'otire, kada jok'othumere.

Joroma 4:24

Ondiki riwan bende m'ibino kwano wan paka jom'otire, wan ma wayeyo Ŋat'ocerino Yesu Rwodhiwan kwoŋ jom'otho.

Joroma 4:5

To ka dhano kikethi geno kwoŋ tic pere, to ketho i yeyo Were ma kwanyo woko banja kwoŋ ji ayino, kiti yeyo no miyo ikwano rigo tiro.

Joroma 4:7

“Josilwany a joma reco pajo Were otieko cwako; joma go oumo reco pajo!

Joroma 4:9

Silwany ma Daudi oluwo kwoŋe me bedo apa jom'othumere kende? Be. Bedo apa joma jok'othumere bende, rupiri watieko nyutho wac wok i randik ni, “Abraham oyeyo Were, aka ro yeyo pere Were okwano go paka ŋat'otire.”

1 Jokorintho 1:30

Were am'okelo win i riwirok gi Kristo Yesu, to loko Kristo bedo rieko mawan, tiro mawan gi leŋo mawan, kodi cul mareco mawan to walimo siem.

2 Jokorintho 5:21

Kristo oyido ongoye gi gimarac, to Were omiyo go riwirok gi wan i gimarac mawan, ŋey i Kristo, wanyal bedo paka tiro pa Were.

Jogalasia 3:14

Meno, aka ŋey womiy Jopath silwany ma Were ociko Abraham i Yesu Kristo, aka wanyal jolo Cuny ma Were ociko cungo kwoŋ yeyo.

Jogalasia 4:15

To aŋo m'onyo odoko otimere ma to onwaŋo wisangala? Aka aridho ni onwaŋo winyalo kiri golo woko waŋ win won, bedi nyalere, to wimiyan!

Joefeso 1:3

Were wofoy, Ba Rwodhiwan Yesu Kristo, m'omiyo wan silwany gi mic je ma cuny ma wok i polo i Kristo.

Kitawo mar'abic mapa Musa m'ilwoŋo ni Cik 33:29

Sangala, Awi Isiraili! Ŋa ma cale win, ji ma Rwoth obotho, kwot ma kony mewin, aka abor maloyo mewin! Jokwor mewin jolabino gi twodo bongi win, aka wilanyono ŋey jo.

Jofilipi 3:9

ŋey abedi i go. Aka adoko akibedi gi tiro paran won, i royo ma kuro Cik, to pama anitie gi tiro ma wok bongi Were, aka ma cungo kwoŋ yeyo Kristo.

2 Timothe 1:9

go m'obotho wan to lwoŋo wan bedo ji pere won, ki ro gima watieko timo, to r'atoŋa pere won kodi nema. Go omiyo wan nema no i Kristo Yesu mafodi ndir k'ocakere,

Yakobo 2:18

To moro kwoŋ win bino waco ni, “Kole in gi yeyo; aka an gi tim.” Meno adwoko ni: “Nyuthan paka inyalo bedo gi yeyo m'ongoye tim; to an abino nyuthin yeyo paran i tim paran.”

2 Petero 1:1

Balwa m'owok bongi Simon Petero, jatic kendo jamoor pa Yesu Kristo. Ri joma i tiro pa Were mawan kendo Jaboth, Yesu Kristo, omiy jo yeyo ma diwelo paka mawan.