Joroma 4:25 - KITAWO MALEŊ

²⁵ Ojala Yesu ri tho ro reco mawan, aka ocerino go i kwo ŋey wokwan wan i tiro gi Were.

KITAWO MALEŊ Catholic

²⁵ Ojala Yesu ri tho ro reco mawan, aka ocerino go i kwo ŋey wokwan wan i tiro gi Were.

Joroma 4:25 ပူးပေါင်းရင်းမြစ်များ

Isaya 53:4

Adieri go ociro kumo m'oyido d'obedi mawan, to tiŋo rem mawan; kucel waparo ni ber ogoy go, aka ni Were won am'ogoyo go to miyo go litho.

Daniel 9:24

“Oro piero ario dibirio, Were otieko luwo kwoŋ ji perin kodi tindi perin maleŋ, cowo raco kodi reco, kodi cwako reco, kelo tiro ma cil gi cil, kodi kelo i kare menyirok kodi jatuci wac Were, kodi wiro gi mo Kamaleŋ Loyo.

Daniel 9:26

Rumacen ma oro dipiero aucel g'ario no, ilakwanyo woko ŋat'owir gi mo aka go langoye gi gimoro, to ji pere jolabino reyo woko tindi madwoŋ kodi Ot pa Were. Gike mere labino paka mikula pi, kelo lweny, rerok ma kiwacere.

Zekaria 13:7

Cew, Awi abor, kwoŋ jakwath rombo paran, kwoŋ jacwo ma cungo cegin kodan, Rwoth pa lwak jolweny waco. Neki Jakwath rombo, ŋey rombo jowokedhere, aka alawiro cingan kwoŋ mathindho mere.

Matayo 20:28

paka Wod Dhano ma k'obino ka ni wotiy rigo, to ni wotiy ri ji gi miyo kwo pere paka cul ri ji mathoth.”

Joroma 3:25

ma Were oketho paka cowirok, ŋey gi tho pere go wolokere royo ma cwako reco pa ji cungo kwoŋ yeyo pa dhano. Were otimo ameno ma nyutho tiro pere, rupiri i ndir m'okadho, go odiyo cunye to weyo ma k'okwano reco pa ji;

Joroma 5:18

Am'omiyo paka kibenga pa ŋat'acel omiyo banja oloyo ji je, ameno bende ibino kwanyo woko banja kwoŋ ji mathoth ro winjo pa ŋat'acel.

Joroma 8:3

Gima Cik k'onyalo timo ro nyapo ma del pa dhano, Were onyalo timo. Othumo banja loyo gimarac ma del, munyo ooro Wode won, m'obino i cal ma del pa dhano ma jagimarac, aka wonyali reyo woko gimarac.

1 Jokorintho 15:17

Aka ka Kristo k'ocerino, meno nyutho ni kere yeyo mewin bukony aka fodi wirwenyo i reco mewin.

2 Jokorintho 5:15

Aka go otho ri ji je, nike jomakwo kiri jowoteri kwo paka apajo wegi to paka apa Kristo m'otho rijo to icerino go kwoŋ jom'otho.

2 Jokorintho 5:21

Kristo oyido ongoye gi gimarac, to Were omiyo go riwirok gi wan i gimarac mawan, ŋey i Kristo, wanyal bedo paka tiro pa Were.

Jogalasia 1:4

Kristo omiyo kwo pere ro reco mawan, ŋey wobothi wan kwoŋ ndir marac ma pama, i mito pa Were mawan ma Bawan.

Jogalasia 2:20

pama onyo aŋat'akikwo, to Kristo ama kwo i an. Aka kwo ma pama an gine, nitie i yeyo Wod Were m'omaran to miyo kwo pere ran.

Jogalasia 3:13

Munyo Kristo olokere ŋat'okwoŋ ka waŋ wan, ogonyo wan woko kwoŋ ma Cik kelo, rupiri ndiko waco ni, “Nyatoro je m'olier wi yath meno ŋat'okwoŋ.”

Joefeso 5:2

Wiripo bedo gi mar paka Kristo omaro wan to miyo kwo pere ro wan paka cowirok maŋwe kur ri Were.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Joebulaniya 8:3

Kisi jadwoŋ pa jocway ri Were i wi migam je okethi ni wocwayi mic kodi le paka cowirok ri Were: Am'omiyo jadwoŋ pa jocway ri Were i wi migam me bende oyido ripo bedo kodi gi mic m'amiyo.

Joebulaniya 9:28

apaka Kristo bende ocway go dicel paka cowirok ma kwanyo woko reco pa ji kweth; aka go odoko bino nenirok mar'ario, ki ma tiŋo reco kendo, to ma botho joma jokuro go ayin.

1 Petero 1:21

I go wiyeyo Were, m'ocerino go kwoŋ jom'otho to miyo go dwoŋ, m'omiyo yeyo kodi geno mewin nitie kwoŋ Were.

1 Petero 2:24

Go won otiŋo reco mawan i delkwoŋe wi musalaba, ŋey wabedi jom'otho ri gimarac to wakwo ri tiro; cungo kwoŋ adholin pere, witieko cango.

1 Petero 3:18

Kole Kristo otho ri reco dicel kicutho, ŋataber, ri joreco, ŋey go wokel win bongi Were. Oneki go i delkwoŋe, to kareno omiy go kwo i cuny,

1 Yohana 2:2

Go won a cowirok ma miyo icwako reco mawan, to ki reco mawan kende, to reco pa ji je ma piny.

Menyirok ri Yohana 1:5

kodi ma wok bongi Yesu Kristo, jakony ma genere, Wode makayo m'otel cerino go kwoŋ jom'otho, aka obedo jadhum pa kerin je ma piny! Go omaro wan, aka gi remo pere ogonyo wan woko kwoŋ reco mawan,

Menyirok ri Yohana 5:9

Jowero wer manyen ni, “Iripo gi kwanyo kitawo gi halo woko gim'omwon gine. Kole onekin, aka gi remo perin, inyewo ri Were ji maleŋ, wok i nonin je, dhodhok je, piny je kodi ji ma piny gipi.

Menyirok ri Yohana 7:14

Adwoko ni, “Jadwoŋ, iŋat'iŋeyo.” Go owaco ran ni, “Me a ji ma jowok i candirok madwoŋ. Jolwoko ruk pajo to joloko matar i remo pa Nyathi rombo.