Joroma 4:17 - KITAWO MALEŊ

¹⁷ paka ndiko waco ni, “Alokin ba nonin mathoth.” Aka cikirok no otimere bongi Were won ma Abraham oyeyo; Were ma cerino jom'otho, ma or pere miyo gimoro m'oyido ongoye cako bedo.

KITAWO MALEŊ Catholic

¹⁷ paka ndiko waco ni, “Alokin ba nonin mathoth.” Aka cikirok no otimere bongi Were won ma Abraham oyeyo; Were ma cerino jom'otho, ma or pere miyo gimoro m'oyido ongoye cako bedo.

Joroma 4:17 ပူးပေါင်းရင်းမြစ်များ

Cakirok 17:16

Abino miyo go silwany, aka abino miyin wodin luwo i go. Abino miyo go silwany aka go bino bedo yok piny kweth; kerin jobino wok kwoŋ go.”

Cakirok 17:20

Paka ri Isimayil, atieko winjo kwac perin; neni, abino miyo go silwany t'amiyo go nyithindho kweth gi nyikwaye kweth. Go bino bedo ba wot kere apar g'ario, aka alatimo piny madwoŋ wok i go.

Cakirok 28:3

Were Majameni je womiyin silwany aka womiyin nyithindho kweth, ŋey ibedi ba piny kweth.

Isaya 43:6

Alawaco ri yumalo ni, “Weyere gi jo.” Alawaco ri yupiny ni, “Ikir'igeŋ, keli wotan wok bor, gi nyithindho paran manyir wok i witum ma piny,

Isaya 44:7

Ŋa ma cal an? Weyi go wotuci, weyi go wowodhi kamaler to jengo ruwaŋan. Ŋa m'otieko tuco wok cene gigipiny ma labino? Weyi go wowaci riwan gima fodi labino.

Isaya 48:13

Cingan am'ogeto misingi ma piny, aka cingan maracuc am'orieyo woko polo; k'alwoŋo piny gi polo, jowoay kiromo.

Isaya 49:12

Neni, ji paran jolawok bor swa, aka neni, jolawok yumalo gi yupodho ceŋ, gi wok i lowo ma Siyene yupiny.”

Isaya 51:2

Ŋiy win Abraham kwari win, gi Sara m'onywolo win. Kole Abraham oyido ongoye gi nyathi munyo alwoŋo go, to, amiyo go silwany gi nyithindho, aloko nyikway go kweth.

Isaya 55:12

Kole wilaweyo Babilon gi kisangala, aka ilatelo win ka widok i siem. Gote gi tendere jolamwoc gi wer, aka yen madudi jolagoyo adhoŋ.

Matayo 3:9

Aka wikiri wipar ni winyalo nwaŋo kagoŋirok munyo wiwaco ni, ‘Abraham obedo kwari wan.’ Awaco riwin ni Were nyalo kwanyo kada telin me to loko nyikway Abraham!

Yohana 5:21

rupiri paka Bamere cerino jom'otho aka miyo jo kwo, apaka Wode bende miyo joma go oyenyo kwo.

Yohana 5:25

Adieri awaco riwin, ndir bino tundo aka otieko kiri tundo ma jom'otho jobino winj'iye dwondi Wod Were, aka dhano je ma winjo dwonde bino kwo.

Yohana 6:63

Cuny pa Were ama miyo go kwo; delkwoŋe won bukony. Wac m'atieko waco obedo cuny kodi kwo.

Tim pa Jomoor 15:18

“Rwoth, m'omiyo gime oŋeyere wok con ama owaco ameno.”

Joroma 3:29

Kosa Were obedo Were pa Joyuda kende? Go k'obedo Were pa Jopath bende? Kole go obedo Were pa Jopath bende.

Joroma 4:18

Abraham oyeyo aka ogeno, munyo geno oyido ongoye kiri kony, am'omiyo go olokere Ba nonin mathoth paka ndiko waco ni, “Nyikwayin jolatiŋo piny pa kweth micala.”

Joroma 4:2

Bedi kwany woko banja kwoŋe cungo kwoŋ gigipiny ma go otimo, di go onyalo bedo kodi yumirok, to go kinyal yumere ruwaŋ Were.

Joroma 8:11

Ka Cuny Maleŋ pa Were m'ocerino Yesu kwoŋ jom'otho nitie i win, meno ŋat'ocerino Kristo kwoŋ jom'otho bende bino miyo delkwoŋ win ma tho no kwo ro Cuny Maleŋ ma bedo i win.

Joroma 9:11

Kada munyo fodi k'onywol jo aka onwaŋo fodi jok'otimo kiri gimoro maber kosa marac, (ma miyo yero pa Were wotimere,

Joroma 9:26

Aka i kabedo m'onwaŋo owac'iye rijo ni, ‘Wikibedo ji paran.’ Kenyo am'ibino lwoŋ'iye jo ni nyithindho pa Were makwo.”

1 Jokorintho 1:28

Were Oyero gima piny ŋisa aka cayo, aka paro ni meno ki gimoro, ŋey wonyeki woko gima piny paro nike gimadwoŋ.

1 Jokorintho 15:45

Am'omiyo ndiko waco ni, “Adam, dhano marapena olimo kwo.” To Adam macowe obedo Cuny ma miyo kwo.

1 Timothe 6:13

Ruwaŋ Were ma miyo gimoro je kwo, kodi Kristo Yesu m'otuco maber yeyo no ruwaŋ Ponsio Pilato, aorin

Joebulaniya 11:12

Kada go oyido cale p'otho, wok kwoŋ ŋat'acel me nyithindho onywole mathoth paka micalin ma polo, mathoth paka nyingi kwoyo ma dho nam.

Joebulaniya 11:3

Yeyo ama miyo waniaŋ nike Were am'ocweyo polo gi piny munyo wodho or, m'omiyo gima nenere ocwey wok kwoŋ gima kinenere.

Joebulaniya 11:7

Yeyo am'omiyo Nowa owinjo wac pa Were kwoŋ gigipiny ma go oyido fodi k'oneno. Go owinjo Were, to geto ye ma go gi peco pere joboth'iye. Ro yeyo pere go okwero reco m'oyido timere i piny, aka olimo bongi Were tiro ma wok i yeyo.

1 Petero 2:10

I hongo m'okadho oyido wikibedo ji m'oyer, to pama onyo wibedo ji pa Were; i hongo m'okadho oyido wikijolo wor pa Were, to pama onyo wijolo wor pere.

2 Petero 3:8

To jowotan, wiy win wokiri wowili gi gimoro acel! Ri Were pokirok ongoye i dier ndelo acel kodi oro gana acel; rigo gigipiny me romaroma.