Joroma 3:5 - KITAWO MALEŊ

⁵ Onyo wanowaci nedi ka tim mawan ma k'otire konyo ma nyutho kamaler ni apa Were am'otire? Wawaci ni Were timo marac ka miyo wan gir'acula? (Meno onyo aluwo paka dhano.)

KITAWO MALEŊ Catholic

⁵ Onyo wanowaci nedi ka tim mawan ma k'otire konyo ma nyutho kamaler ni apa Were am'otire? Wawaci ni Were timo marac ka miyo wan gir'acula? (Meno onyo aluwo paka dhano.)

Joroma 3:5 ပူးပေါင်းရင်းမြစ်များ

Cakirok 18:25

Wobedi bor kodin timo nger gino, neko jom'otire kanyacel gi jokidakana, aka jom'otire jolimi gir'acula kanyacel gi jokidakana! Gino wobedi bor kodin! Jathum banja ma piny gibe k'otimi gim'otire!”

Yobu 8:3

Were kiwir tiro, aka go kimon timo gim'otire.

Nahum 1:2

Rwoth obedo Were ma janyeko, aka go culo kwor, Rwoth culo kwor aka mako keme. Rwoth culo kwor kwoŋ jokwor pere, aka mako keme kwoŋ jokwor pere.

Joroma 12:19

Wikiri wicul kwor wiwegi, jowotan; kucel weyi win keme pa Were ama woculi. Kole ndiko waco ni, “Rwoth waco ni, ‘Culo kwor obedo aparan; abino culo.’ ”

Joroma 2:5

To initie gi wictek aka cunyin dicay. Am'omiyo iwon imiyo gir'acula perin labedo madwoŋ swa i ndelo ma keme pa Were bino nyuther'iye ma thumo banja mar'adieri.

Joroma 3:19

Onyo pama watieko ŋeyo ni gimoro je ma Cik waco, mako kwoŋ joma fodi joluwo Cik, ŋey wogeŋ woko rendirok pa dhano, aka Were wonyali thumo banja ri piny gipi.

Joroma 3:7

To ka komo paran konyo ma nyutho tiro pa Were to kelo rigo dwoŋ, raŋo ma fodi ithumo ran banja paŋini ajareco?

Joroma 4:1

Onyo wanowaci aŋo kwoŋ Abraham, kwari wan i del?

Joroma 5:8

To Were otieko nyutho wan paka omaro wan, rupiri munyo fodi wabedo joreco, Kristo otho riwan.

Joroma 6:1

Onyo wawaci nedi? Nike wamedere gi timo gimarac aka ŋey nema pa Were bende womedere?

Joroma 6:19

Aoro wac manyadhanodhano ro nyapo ma winigine ma niaŋ. Paka yado oyido wimiyere ibedo ŋecin pa kidakana, kodi turo cik pa Were, onyo pama bende wiripo miyirok paka ŋecin pa tiro ri atoŋa ma lonyo.

Joroma 7:7

Onyo wawaci nedi? Ni Cik meno won a raco. K'ameno be! To ro Cik am'omiyan aŋeyo gimarac. Kole d'akiŋeyo gim'ilwoŋo ni awanya bedi Cik k'owaco ni “Ikir'iwanya.”

Joroma 8:31

Onyo wanyalo waco aŋo kwoŋ gigipiny me? Ka Were nitie yuthenge mawan, ŋata nyalo lwenyo gi wan?

Joroma 9:30

To wanowaci nedi? Jopath m'onwaŋo jokitem bedo i tiro gi Were, onyo okethi jo i tiro gine ro yeyo pajo;

1 Jokorintho 15:32

K'inen alwenyo g'ogwaŋe mager ma Efeso, nyaka ro mbusa paka dhano, bero aŋo ma alim'iye? Ka jom'otho kicerino paka jowaco, kere onyo, “Weyi wacem wamedhi rupiri dikin walatho.”

1 Jokorintho 9:8

Wiparo ni gim'awaco me wok i paro pa dhano? Cik bende kiwaci ameno won?

2 Jokorintho 6:4

Kucel, i gimoro je wanyutho ni wabedo jotic pa Were, munyo waciro aŋedha cuny, teko, kodi peko gi diyo cuny madwoŋ.

2 Jokorintho 7:11

Ere neni win gima rem ma wok bongi Were no otieko timo kwoŋ win; neni paka oloko win joma genere, ma cuny win olony. Neni paka cuny win ramere, bwok, paro, maro Were, aka mito tiro ama wobedi. Kole witieko nyutho ni wingoye gi raco i wac no je.

Jogalasia 2:18

K'acako kendo gero gim'atieko kedho woko, meno nyutho ni aturo Cik.

Jogalasia 3:15

Wutmera, weyi akel ranen kwoŋ gima kisi ndelo: Ka j'ario joyere kwoŋ wac moro to jotimo cikirok i ndiko, ngoye ŋata nyalo turo cikirok no kosa medo kwoŋe gimoro.

Menyirok ri Yohana 15:3

Onwaŋo jowero wer pa Musa, jatic pa Were kendo apa Nyathi rombo ni, “Tic perin dongo aka obedo gir'aura, Rwoth Were Majameni je! Royo perin otire aka obedo mar'adieri, Kere pa nonin je!

Menyirok ri Yohana 18:20

Sangala ro podho pere, a polo! Sangala win, ji maleŋ pa Were kodi jomoor kodi jotuci wac Were pere! Kole Were otieko thumo banja rigo ro gima go oyido timo riwin!