Joroma 3:26 - KITAWO MALEŊ

²⁶ to i ndir ma pama go kaŋasa reco pa ji, ma nyutho paka go won otire, aka go ama kwanyo woko banja kwoŋ ŋata nitie gi yeyo i Yesu.

KITAWO MALEŊ Catholic

²⁶ to i ndir ma pama go kaŋasa reco pa ji, ma nyutho paka go won otire, aka go ama kwanyo woko banja kwoŋ ŋata nitie gi yeyo i Yesu.

Joroma 3:26 ပူးပေါင်းရင်းမြစ်များ

Isaya 42:21

Rwoth osangala ro timo gim'otire, ma tiŋo malo cik pere gi miyo dwoŋ.

Isaya 45:21

Biye win wikel banja mewin i kapido, weyi jowomiyere rieko kanyacel! Ŋa m'owaco gime cango? Ŋa m'otuco con? K'obedo an, Rwoth? Ongoye were man kendo, Were ma timo gim'otire aka botho, ongoye ŋatiman kendo.

Zefania 3:15

Rwoth otieko kwanyo woko thumo banja kwoŋ win, go otieko kwanyo woko jokwor mewin. Kere pa Isiraili, Rwoth, nitie i dier win, wik'olwor teko kendo.

Zefania 3:5

Rwoth timo gim'otire, go kitim gima butiro. Kisi odikin go thumo banja pere, i lero m'ongoye keŋ, to ŋata butiro kuya wickwot.

Zekaria 9:9

Fore swa, Awi nyar Zayon! Koki ri kisangala, Awi nyar Yerusalem! Eno, kere perin labino bongin, gi tiro kodi loyo, gi mwolo ka gweyo punda madhako, i wi nyathi punda madhako.

Luka 1:80

Nyathi no odongo to bedo gi meni i cunye kendo obedo i thim cuka ndelo otundo to nyuthere kamaler ri Joisiraili.

Joroma 3:25

ma Were oketho paka cowirok, ŋey gi tho pere go wolokere royo ma cwako reco pa ji cungo kwoŋ yeyo pa dhano. Were otimo ameno ma nyutho tiro pere, rupiri i ndir m'okadho, go odiyo cunye to weyo ma k'okwano reco pa ji;

Joroma 3:27

Onyo aŋo ma wanyalo yumirok gine? Kole ongoye! I royo mene? I royo ma kuro Cik? Be, i royo ma bedo gi yeyo ayino.

Joroma 3:30

Were nitie acel, aka go bino kwanyo woko banja kwoŋ Joyuda cungo kwoŋ yeyo pajo, aka bende bino kwanyo woko banja kwoŋ Jopath ro yeyo bende acel no won.

Joroma 4:5

To ka dhano kikethi geno kwoŋ tic pere, to ketho i yeyo Were ma kwanyo woko banja kwoŋ ji ayino, kiti yeyo no miyo ikwano rigo tiro.

Joroma 8:33

Ŋa ma bino kelo banja kwoŋ ji pa Were m'oyer? Kole Were won ama kwanyo woko banja kwoŋ jo!

Kitawo mar'abic mapa Musa m'ilwoŋo ni Cik 32:4

Go tele, tic pere nitie i kare, yo pere je otire. Were ma timo adieri, m'ongoye gi banirok, go jatiro aka timo gim'otire.

Menyirok ri Yohana 15:3

Onwaŋo jowero wer pa Musa, jatic pa Were kendo apa Nyathi rombo ni, “Tic perin dongo aka obedo gir'aura, Rwoth Were Majameni je! Royo perin otire aka obedo mar'adieri, Kere pa nonin je!