Joroma 2:4 - KITAWO MALEŊ

⁴ Kosa miti icayo bero pere m'oasere, ka diyo cunye gi ji aka kudere. Adieri iŋeyo ni Were ber rupiri go temo tero win i ŋuto!

KITAWO MALEŊ Catholic

⁴ Kosa miti icayo bero pere m'oasere, ka diyo cunye gi ji aka kudere. Adieri iŋeyo ni Were ber rupiri go temo tero win i ŋuto!

Joroma 2:4 ပူးပေါင်းရင်းမြစ်များ

Zabuli 10:11

Jokidakana joparo i cuny gin ni Were wiye owil, opano waŋe aka kilaneno jo.

Zabuli 104:24

Rwoth, tic perin thoth! Icweyo joje i rieko perin; piny opoŋ gi cwec perin.

Zabuli 31:19

Gigipiny maber m'ikano ri jono ma joworin, obedo ma gir'aura! Kisi dhano oŋeyo bero perin, gi nger m'ikwong'iye jono ma joketho geno pajo kwoŋin.

Zabuli 78:38

Kucel, cunye Were oramo ri ji pere, ocwako reco pajo, aka k'oreyo jo. Go ojuko nge pere aka k'oywoyo kwoŋ ji pere.

Zabuli 86:15

To in Rwoth, ibedo Were ma jawor aka nitie gi mar, ikimaki nge piyo, ipoŋ gi mar makiwire aka itimo adieri.

Zabuli 86:5

Iber riwan aka icwako, ipoŋ gi mar makiwire ri jono ma jokwayin.

Kitawo mar'ario mapa Musa m'ilwoŋo ni Wok 34:6

Kenyo Rwoth oluwo ruwaŋ Musa aka olwoŋo, “An Rwoth, Abedo Were m'opoŋ gi wor kodi kisa, ma kimaki nge piyo aka nyutho mar makiwire kodi adieri.

Jafonji 8:11

Kwoŋbedo thumo banja kwoŋ tim marac kitim i kwakirok, riameno cuny ji oyikere timo gimarac.

Isaya 30:18

Riameno Rwoth kuro nyutho win wor; go laay malo nyutho win wor. Kole Rwoth obedo Were ma timo tiro, josilwany a jono je ma jokuro go.

Yeremia 7:10

nyaka to wibino to wicungo ruwaŋan i ot me, m'ilwoŋo gi nyingan, to wiwaco ni, “Wangoye gi teko!” Kareno wimedere gi timo amien me je?

Ezekiel 11:19

Alamiyo jo cuny acel, t'aketho adundo manyen i jo, alakwanyo woko cuny matek pa tele wok i delkwoŋ jo, t'amiyo jo cuny mayom;

Ezekiel 16:63

Kenyo nyaka ilapoyo to wiyin kwot, aka ikilayawo dhokin kendo, ro wickwot, k'atieko cwako rin tim perin marac je, Rwoth Were waco.

Hoseya 3:5

Rumacen Joisiraili jolawire to jodwaro Rwoth Were pajo, kodi Daudi kere pajo. Jolabino gi kirin bongi Rwoth kodi i bero pere i ndelo ma rumacen.

Yona 4:2

Go owaco ri Rwoth ni, “A Rwoth, me a gim'awaco mafodi akiay peco nike ibino timo. Am'omiyo atemo kiri ŋwec kadho i tindi Tarsis. Oyido aŋeyo paka in Were m'omaro ji aka ipoŋ gi wor. In Were ma kimaki nge piyo rupiri ipoŋ gi mar m'oasere. Inyalo wiro paro perin, t'iweyo m'ikimiyo gir'acula.

Kwan 14:18

“Rwoth kimaki nge piyo, aka opoŋ gi mar makiwire, cwako reco kodi kibenga, aka i nger moro je cwako reco, aka go k'owey ma k'omiyo nyithindho gi nyikway jo, gir'acula kiri i luse mar'adek kodi mar'aŋwen ri reco pa jonywol pajo.”

Joroma 10:12

Me mako kwoŋ dhano je, rupiri pokirok ongoye i dier Joyuda kodi Jopath; Were acel am'obedo Rwoth pa ji je, aka go miyo dhano je ma lwoŋo go silwany.

Joroma 11:22

Onyo neni win paka Were cunye ber aka odoko nyutho gero bende. Go ger kodi joma jopodho, to nyutho win bero tekin wicwire i bero pere; to ka wikitimo ameno, wibende ibino jwero win woko.

Joroma 11:33

Thutho ma ŋaŋo pa Were kodi rieko kodi niaŋ pere rom nedi! Ŋa manyalo tito paro ma go ocano? Ŋa manyalo niaŋ kwoŋ royo pere?

Joroma 3:25

ma Were oketho paka cowirok, ŋey gi tho pere go wolokere royo ma cwako reco pa ji cungo kwoŋ yeyo pa dhano. Were otimo ameno ma nyutho tiro pere, rupiri i ndir m'okadho, go odiyo cunye to weyo ma k'okwano reco pa ji;

Joroma 6:1

Onyo wawaci nedi? Nike wamedere gi timo gimarac aka ŋey nema pa Were bende womedere?

Joroma 6:15

Kere onyo aŋo m'odoŋ? Watim reco ni rupiri wakinitie i meni pa cik to i nema pa Were ayino? Be!

2 Jokorintho 8:2

I tem pajo ma loŋo gi teko ma jolimo, kisangala pajo omedere cuka omiyo jobedo gi yomo ma cuny i wodho mic pajo, kada wegi oyido jocandi.

Joefeso 1:18

Odoko akwayo nike paro ma cuny win woyawere ma neno lero pa Were, to wiŋeyo geno ma go olwoŋ'iye win, kodi silwany madwoŋ ma go ociko ji pere,

Joefeso 1:7

Kole remo pa Kristo okelo riwan siem, kodi cwaki mareco mawan, ro nema pa Were m'oasere

Joefeso 2:4

To Were m'oŋaŋ gi ŋono, i mar pere madwoŋ m'omaro gine wan,

Joefeso 2:7

Otimo ama ma nyutho nema pere m'oŋaŋ m'oasere, munyo timo riwan bero i Kristo Yesu.

Joefeso 3:16

Akwayo Were ni cungo kwoŋ dwoŋ pere m'oasere, womiy win meni i cuny win, gi meni pa Cuny Maleŋ pere.

Joefeso 3:8

Kad'oyido aŋat'aasa thin kwoŋ jomaleŋ je, omiyan nema me ma tito ri Jopath Wac Manyen Maber kwoŋ ŋaŋo pa Kristo ma bu gike.

Jofilipi 4:19

Aka Were paran bino miyo win gimoro je ma wiyenyo, wok kwoŋ ŋaŋo pere gi dwoŋ pere i Kristo Yesu,

Jokolosia 1:27

Kole Were oyiko wodho nyaliŋliŋ pere ri Jopath, jowoŋey ŋaŋo madwoŋ manitie i iye, aka manago Kristo manitie i win, ma miyo wigeno limo dwoŋ pa Were.

Jokolosia 2:2

Atimo ameno ŋey miseni wopoŋ i cuny jo aka ŋey jowobedi kanyacel i mar to jolimo silwany ma niaŋ wac kicutho. Meno aka jobino ŋeyo nyaliŋliŋ pa Were, m'obedo Kristo won gipi.

1 Timothe 1:16

to ro wac me Were onyuthan wor, ŋey Kristo Yesu wonyuthi diyo ici pere i tiyo kwoŋan, ŋatarac maloyo joreco je, paka ranen ri joma rumacen di joyeyo go to jolimo kwo makirum.

1 Timothe 6:17

Or jom'oŋaŋ i kwo ma piny me ni kiri jowokwoti, kosa ketho geno pajo kwoŋ gigipiny ma kigenere paka ŋaŋo, to kwoŋ Were ayino, ma poko wan gimoro je ma kisangala mawan.

1 Petero 3:20

Me oyido obedo cuny ma jokwero winjo Were munyo go otemo kuro jo munyo diyo cunye i ndir ma Nowa oyido ger'iye ye. Ji manok ma jobedo i ye; ji aboro kende, ama joboth i pi,

2 Petero 1:11

Ameno, ibino jolo win maber donjo i Ker makirum mapa Rwodhiwan kendo Jaboth mawan Yesu Kristo.

2 Petero 3:15

Ŋey win ni kudirok pa Rwodhiwan, nyutho ni omiyo win hongo ma both, paka omin wan Paulo m'amaro ondiko riwin gi rieko ma Were omiyo go.

2 Petero 3:3

Marapena, wiripo ŋeyo nike i ndelo macowe me, jonyero jobino fudhirok ma joluwo royo mar'awanya pajo mareco gi nyero ma cay.

2 Petero 3:9

Rwoth kigal gi timo gima go otieko ciko paka jomegi joparo. Kucel, go diyo cunye kodi win, rupiri go kimiti nyatoro woreyere woko, to mito dhano je wonyali ŋuto reco pere.

Menyirok ri Yohana 2:21

Atieko miyo go hongo ma weyo woko reco pere, to go kimiti weyo tim pere ma wickwot.

Menyirok ri Yohana 3:20

Aka ee acungo dho thigo agudo; ka moro owinjo dwondan to yawo, abino donjo i ot pere t'acemo gine, to bende cemo kodan.