Joroma 2:16 - KITAWO MALEŊ

¹⁶ Onyo, cungo kwoŋ Wac Manyen Maber m'afonjo, me apaka bino bedo i ndelo no munyo Were, i Yesu Kristo, bino thumo banja ri paro manyaliŋliŋ je ma cuny ji.

KITAWO MALEŊ Catholic

¹⁶ Onyo, cungo kwoŋ Wac Manyen Maber m'afonjo, me apaka bino bedo i ndelo no munyo Were, i Yesu Kristo, bino thumo banja ri paro manyaliŋliŋ je ma cuny ji.

Joroma 2:16 ပူးပေါင်းရင်းမြစ်များ

Cakirok 18:25

Wobedi bor kodin timo nger gino, neko jom'otire kanyacel gi jokidakana, aka jom'otire jolimi gir'acula kanyacel gi jokidakana! Gino wobedi bor kodin! Jathum banja ma piny gibe k'otimi gim'otire!”

Zabuli 50:6

Polo waco ni Were timo gi tiro, kole Were won obedo jathum banja.

Zabuli 96:13

ka Rwoth obin dhumo piny. Go bino thumo banja ri piny je, gi tiro kodi adieri pere.

Zabuli 98:9

kwoŋbedo Rwoth bino dhumo piny. Go bino dhumo nonin ma piny, gi tiro g'adieri.

Jafonji 11:9

Fore awi jayac, kafodi ibedo soye, aka weyi cunyin wosangala in i hongo perin ma soye. Wothi i yo ma cunyin gi gima waŋin neno ni ber, to ŋey ni ri gigipiny me je Were lathumo rin banja.

Jafonji 12:14

Kole Were lathumo banja ri kisi tim je, gi kisi gimoro je m'opanere, obedi maber kosa marac.

Jafonji 3:17

Awaco i cunyan ni, “Were lathumo banja ri joma timo gim'otire gi jokidakana, rupiri go otieko yiko hongo ma ripo ri kisi gimoro, gi kisi tim.”

Matayo 16:27

“Kole Wod Dhano labino gi dwoŋ pa Bamere gi jomalaika pere, aka bino culo dhano je kemba pere cungo kwoŋ tim pere.”

Luka 8:17

Kole ongoye gim'opanere ma k'othangi kamaler, kosa gima nyaliŋliŋ ma k'oŋeyere kamaler.”

Yohana 12:48

Nitie ŋata bino thumo banja ri nyatoro je ma kweran aka kijol fonji paran; wac m'atieko luwo ama bino bedo jathum rigo banja i ndelo ma rumacen,

Tim pa Jomoor 10:42

Aka go ooro wan fonjo ji Wac Manyen Maber, gi nyutho jo kamaler nike go a ŋata Were oketho thumo banja pa jomakwo gi jom'otho.

Tim pa Jomoor 17:31

rupiri go otieko yiko ndelo ma go bino thum'iye banja ri piny gipi i tiro, aka ŋata go oyero ama bino thumo. Go otieko ridho wac no ri dhano je munyo cerino ŋato kwoŋ jom'otho.

Joroma 16:25

Weyi wamiy Were dwoŋ manyalo miyo wicungo matek i yeyo, i Wac Manyen Maber m'afonjo win, mikwenda kwoŋ Yesu Kristo, kodi kwoŋ nyutho adieri manyaliŋliŋ m'onwaŋo opan oro kweth m'okadho.

Joroma 2:5

To initie gi wictek aka cunyin dicay. Am'omiyo iwon imiyo gir'acula perin labedo madwoŋ swa i ndelo ma keme pa Were bino nyuther'iye ma thumo banja mar'adieri.

Joroma 3:6

K'ameno be! Ka Were k'otire nyalo nedi thumo banja ri piny?

1 Jokorintho 15:1

Onyo wutmera, amito poyo win, Wac Manyen Maber m'atieko fonjo win, ma wijolo, ma yeyo mewin onyo ocung'iye matek.

1 Jokorintho 4:5

Am'omiyo wikiri withum ri nyatoro banja mafodi ndir k'otundo. Kutho kur win bino pa Rwoth, ma bino wodho i lero gimoro je m'opondo i mudho kendo bino thango kamaler atoŋa ma cuny ji. I hongo no ama nyaka dhano je bino lim'iye pak ma ripo gine wok bongi Were.

2 Jokorintho 5:10

Kole wajoje waripo cungo ruwaŋ Kristo, go wothum riwan banja, ŋey kisi dhano kwoŋ wan wolimi gima ripo gine cungo kwoŋ gima go otimo gi delkwoŋe, maber kosa marac.

Jogalasia 1:11

Amito ni wiŋey gime, wutmera: Wac Manyen Maber ma afonjo dhano ama k'ocwogo.

1 Timothe 1:11

ma cungo kwoŋ Wac Manyen Maber ma didwoŋ, ma Were ma ripo g'apaka oketho i cingan.

2 Timothe 2:8

Poyi Yesu Kristo, ma Were ocerino go kwoŋ jom'otho, m'obedo nyakwar Daudi. Me a Wac Manyen Maber m'afonjo,

2 Timothe 4:1

I waŋ Were kodi Yesu Kristo ma bino thumo banja ri ji je, jomakwo kodi jom'otho, odoko ro wac dwoko pere kodi bino pa Ker pere, aorin gi meni m'oasere ni:

2 Timothe 4:8

Aka pama onyo otiek yiko ran sangaria ma tiro, ma Rwoth, Jathum banja m'otire, bino miyan i Ndelo no, aka ki an kendan, to go bino miyo ji je ma jokuro go wonenere.

Joebulaniya 9:27

Paka okethi ri dhano je tho dicel, to Were thumo rigo banja,

1 Petero 4:5

to jobino tito wac ri ŋat'oyikere thumo banja ri jomakwo kodi jom'otho.

2 Petero 2:9

Am'omiyo, kere Rwoth oŋeyo nger ma botho ji mabeyo ma jolworo Were i candirok ma temo jo, kodi weyo joreco i gir'acula pajo cuka ndelo ma thumo banja,