Joroma 16:26 - KITAWO MALEŊ

²⁶ To pama adieri no otiek wodho kamaler i ndiko pa jotuci wac Were; kodi i or pa Were ma cil gi cil, ma onyo imiyo nonin je ŋeyo, aka ji je jowoŋey odoko jowowinji.

KITAWO MALEŊ Catholic

²⁶ To pama adieri no otiek wodho kamaler i ndiko pa jotuci wac Were; kodi i or pa Were ma cil gi cil, ma onyo imiyo nonin je ŋeyo, aka ji je jowoŋey odoko jowowinji.

Joroma 16:26 ပူးပေါင်းရင်းမြစ်များ

Cakirok 21:33

Abraham opidho yath m'ilwoŋo ni tamarisk i Berseba, aka olamo Rwoth Were ma cil gi cil kenyo.

Isaya 40:28

Fodi ikiŋeyo? Fodi ikiwinjo? Rwoth obedo Were ma cil gi cil, jacwec ma witum ma piny. Go kiol kosa lacere, niaŋ pere kiŋeyere.

Isaya 9:6

Kole riwan, nyathi onywole! Omiy wan nyathi majayac! Dhum nitie i goke, aka ilalwoŋo go ni jadiy cuny ji ma Gir'aura, Were Majameni, bawan ma cil gi cil, Kere ma siem.

Mika 5:2

To in, a Bethelehem Efratha, m'ithin loyo i dier nonin ma Yuda, wok kwoŋin lawok ran, ŋata bino bedo jadhum i Isiraili, ma cakirok pere obedo cango con.

Mariko 16:15

Aka owaco rijo ni, “Kidhi win i piny je, wifonji nono je Wac Manyen Maber.

Tim pa Jomoor 10:43

Jotuci wac Were je joluwo kwoŋe, munyo jowaco ni nyatoro je m'oyey go ibino cwako reco pere gi meni ma nyingi go.”

Tim pa Jomoor 6:7

Gikenyo Wac pa Were omedere nyay. Welo pa jofonjirok ma Yerusalem omedo idho malo ma piyo, aka jocway ri Were i wi migam mathoth jojolo to yeyo.

Joroma 1:2

ma Were cango ociko munyo oro jotuci wac pere, t'iketho i Ndiko Maleŋ.

Joroma 1:20

Wok cuka Were cwey piny, kada go won kinenere i meni pere ma cil gi cil kodi i kite ma nyawerewere, gima nyutho ni go nitie nenere i gigipiny ma go ocweyo. Am'omiyo dhano ongoye kodi gigoŋirok!

Joroma 1:5

I go Were omiyan nema ma bedo jamoor ri Kristo, ŋey atel ji ma nonin je jowoyey odoko jowowinji or.

Joroma 15:18

Aka akibino yumirok gi giman makiweno gima Kristo otieko timo munyo oran i miyo Jopath winjo Were, gi wac kodi tim,

Joroma 15:4

Kole gimoro je m'ondiki i kitawo maleŋ ondiki ma fonjo wan, ŋey walimi geno i diyo cuny kodi i meni ma Ndiko Maleŋ miyo wan.

Joroma 3:21

To pama royo ma Were ketho gine ji i tiro gi go otieko nyuthere, aka kimaki kwoŋ cik. Cik kodi ndiko pa jotuci wac Were je joridho gima mako kwoŋ royo no.

Jogalasia 3:8

Aka ndiko oneno con ni Were d'oketho Jopath i tiro kodi go i yeyo. Am'omiyo, ndiko onyutho Abraham Wac Manyen Maber con kicutho ni, “Were bino miyo ji je silwany kwoŋin.”

Joefeso 1:9

Were otimo gim'onwaŋo otieko cano, to miyo wan ŋeyo can pere manyaliŋliŋ ma go onwaŋo otieko yiko timo i Kristo.

Joefeso 2:20

Wibende oger win i misingi ma jomoor kodi jotuci wac Were jokunyo aka tele ma mako tielo ot meno Yesu Kristo won gipi.

Kitawo mar'abic mapa Musa m'ilwoŋo ni Cik 33:27

Were ma cil gi cil obedo kabwok perin, cinge ma cil gi cil nitie i pendi piny, go lariemo woko jakwor perin ruwaŋin, aka owaco ni, “Reyi woko.”

Jokolosia 1:26

Me nyaliŋliŋ ma go onwaŋo fodi opano ri dhano je i hongo je m'okadho, t'onyo pama owodho kamaler ri ji pere maleŋ.

1 Timothe 1:17

Ri Kere ma cil gi cil, makitho aka kinenere, m'obedo Were kende, wor gi dwoŋ wobedi cil gi cil. Ameno.

1 Timothe 3:16

M'ongoye kiganagana, nyaliŋliŋ ma yeyo mawan dwoŋ: Go onenere i cal pa dhano, Cuny Maleŋ onyutho paka go otire, aka jomalaika joneno go. Ofonji kwoŋ go i piny je, oyey go i piny gipi, aka oter go i polo.

2 Timothe 1:10

aka pama onyo onyuthi wan i menyirok pa Jaboth mawan, Kristo Yesu, m'otieko reyo woko meni pa tho, to kelo kwo gi kiyindira makirum i lero munyo oro Wac Manyen Maber.

Joebulaniya 13:8

Yesu Kristo kiwire nyoro, konon, kodi cil gi cil.

Joebulaniya 9:14

Kosa to remo pa Kristo m'omiyere i leŋo cungo kwoŋ tic pa Cuny ma cil gi cil, nyalo lonyo paro ma cuny wan kalo kenyo didi, kwoŋ tim m'othotho, ŋey watiy ri Were makwo!

1 Yohana 5:20

Waŋeyo nike Wod Were otieko bino aka omiyo wan niaŋ m'omiyo waŋeyo Ŋat'obedo adieri. Kwo mawan nitie i Ŋat'obedo adieri, cungo kwoŋ Wode Yesu Kristo. Me a Were mar'adieri, won kendo a kwo makirum.

Menyirok ri Yohana 1:17

Munyo aneno go, apodho dho i tiende pa ŋat'otho, to go ogeyan gi cinge maracuc to waco ni, “Ikir'ilwor gimoro, me an, an marapena kendo macowe odoko akwo;

Menyirok ri Yohana 19:10

Gikenyo agore piny dho tiende ni alam go, to go owaco ran ni, “Ikir'itim ameno! A jatic nyawotin, acel kwoŋ wutmin in ma joridho adieri pa Yesu. Lami Were ayino! Kole adieri pa Yesu ama gudo cuny jatuci wac Were.”