Joroma 15:14 - KITAWO MALEŊ

¹⁴ Wutmera, awon anitie gi geno kwoŋ win, nike withoth gi bero, nike wipoŋ gi rieko, aka wiwegi winyalo fonjo jowoti win.

KITAWO MALEŊ Catholic

¹⁴ Wutmera, awon anitie gi geno kwoŋ win, nike withoth gi bero, nike wipoŋ gi rieko, aka wiwegi winyalo fonjo jowoti win.

Joroma 15:14 ပူးပေါင်းရင်းမြစ်များ

1 Jokorintho 1:5

Kole i riwirok gi Kristo wilokere joŋaŋo i gimoro je, tektek mere i luwo kodi i rieko mewin

1 Jokorintho 12:8

Cuny no miyo ŋat'acel mikwenda ma rieko, ŋatiman Cuny miyo mikwenda ma ŋeyo gimoro.

1 Jokorintho 13:2

Kad'abedi gi mic ma tuco mikwenda pa Were kodi ma niaŋ kwoŋ nyaliŋliŋ je; odoko kad'abedi gi yeyo manyalo ŋilo woko gote, t'angoye gi mar, meno je fodi angoye kony.

1 Jokorintho 8:1

Onyo, i wac ma mako kwoŋ cemo m'ocow gine cal makicar: Ato adieri, wajoje wanigi ŋeyo kwoŋ wac, paka jowaco. Ŋeyo no adieri, kelo ri dhano winjirok nono; to mar ama miyo dhano dongo i yeyo.

1 Jokorintho 8:10

Ka dhano ma paro pere nyap i wac me nenin, in m'iŋoyo ni initie gi ŋeyo nago, munyo i cemo i migam pa cal makicar, gino k'omedi go meni ma camo cemo m'ocow gine cal makicar?

1 Jokorintho 8:7

To ki ji je ma jonitie gi ŋeyo i gime. Jomegi oyido joasa ŋiyo gi cal makicar ma kiri konon ka jocamo nger cemo no fodi joparo nike meno cemo m'ocow gine cal makicar; aka paka paro pajo fodi nyap, joneno ni cemo no onyo obedo gimakoc.

2 Jokorintho 8:7

Paka wimiyere i gimoro je ma winigine: I yeyo, i luwo, kodi niaŋ, iketho kinen kodi i maro wan ameno bende neni win ni wimedere loyo i silwany ma poko bende.

Joefeso 5:9

Kole gima kelo lero obedo gigipiny mabeyo, m'otire kodi mar'adieri.

Jofilipi 1:11

Kwo mewin bino nyak olemo ma kite mabeyo, ma Yesu Kristo won ama kelo, to miyo Were dwoŋ kodi pak.

Jofilipi 1:7

Obedo gimaber ran paro ama kwoŋ win rupiri winitie i cunyan. Odoko, wiriwere kodan i nema ma Were omiyan me, ma bedo i twec kodi ma gwoko gi ridho Wac Manyen Maber.

Jokolosia 3:16

Weyi mikwenda pa Kristo gi ŋaŋo mere je, wobedi i cuny win, munyo wifonjo aka wimedo jowoti win meni gi rieko je, kareno wiwero wer Zabuli, kodi wer ma cuny ka wifoyo Were i cuny win.

1 Jothesalonika 5:11

Ro wac me, kwey win cuny jowot win, aka konyere win paka eno witimo.

1 Jothesalonika 5:14

Jowoti wan ma wamaro, waruma win ni, gwok win joma bed'abeda m'ongoye tic; miy win joma lworlwor miseni; kony win joma nyap; aka bedi win moth gi kisi dhano.

2 Jothesalonika 1:11

Me am'omiyo wakwayo riwin noknok, ni Were mawan wokonyi win winyal ripo gi kwo m'olwoŋ'iye win. Aka gi meni pere, woyeŋi cuny win iy'atoŋa maber ma winigine, kodi tic ma witimo wok kwoŋ yeyo.

2 Timothe 1:5

Apoyo yeyo perin m'ocwiny, kiti yeyo ma adhenin Loy kodi yokin Yunisi oyido jonigine, aka aridho nike ibende inigine.

Filimon 1:21

Aridho adieri, munyo andiko gime, nike ibino timo gim'akwayin, odoko ma kalo kiri m'akwayin.

Joebulaniya 5:12

Kabedo ma di wibedi jofonji, odoko fodi yenyere moro wofonji win ayino adieri pa Were m'icako gine! Kama di wicam'iye cemo pa jom'otegino, fodi wiyenyo cak amadha ayino!

Joebulaniya 6:9

To kada waluwo ama, merin mawan ma swa, wageno riwin gigipiny mabeyo ma both kelo.

2 Petero 1:12

Am'omiyo ndir je abino poyo win gigipiny me, kada witieko ŋeyo jo aka wicungo kiri matek i adieri ma witieko jolo.

1 Yohana 2:21

Riameno andiko riwin, ki ni rupiri wikuya adieri; to rupiri wiŋeyo, aka bende wiŋeyo ni ongoye twodo ma wok kwoŋ adieri.