Joroma 15:13 - KITAWO MALEŊ

¹³ Were ma geno wok bonge wonyali poŋo win gi kisangala je kodi siem cungo kwoŋ yeyo mewin, ŋey geno mewin womedere dongo gi meni pa Cuny Maleŋ.

KITAWO MALEŊ Catholic

¹³ Were ma geno wok bonge wonyali poŋo win gi kisangala je kodi siem cungo kwoŋ yeyo mewin, ŋey geno mewin womedere dongo gi meni pa Cuny Maleŋ.

Joroma 15:13 ပူးပေါင်းရင်းမြစ်များ

Isaya 55:12

Kole wilaweyo Babilon gi kisangala, aka ilatelo win ka widok i siem. Gote gi tendere jolamwoc gi wer, aka yen madudi jolagoyo adhoŋ.

Yeremia 14:8

Iŋat'ibedo geno pa Isiraili, jaboth pere i hongo ma teko. Raŋo ibedo paka jakicar i piny, paka jawoth ma goyo ŋeti nyaka ma wor acel?

Yowel 3:16

Rwoth lakihola wok i Zayon, to miyo dwonde winjirok wok i Yerusalem, polo kodi piny jolayengere. To Rwoth obedo kabwok ri ji pere, kodi kapondo ri Joisiraili.

Yohana 14:1

Yesu owaco rijo ni, “Wikiri wirembi kosa wiguti. Yey win Were, aka yeyan win bende.

Yohana 14:27

“Siem am'onyo aweyo riwin; amiyo win siem paran; aka akimiy win paka piny miyo. Wikiri wirembi i cuny win; odoko wikiri wibedi gi lworo.

Joroma 12:12

Weyi geno mewin womiy win kisangala, diy win cuny win i teko mewin, aka kway win Were hongo je.

Joroma 14:17

Kole Ker pa Were k'obedo nyaka cemo gi oro gir'amadha, t'obedo tiro kodi siem kodi kisangala i Cuny Maleŋ.

Joroma 15:19

gi meni ma wok'iye ranyuth kodi gir'aura, gi meni pa Cuny Maleŋ pa Were. Gino omiyo kama awoth'iye je, cako Yerusalem tundo Ilirikam, atieko tito Wac Manyen Maber kwoŋ Kristo kicutho.

Joroma 15:5

Weyi Were ma jadiy cuny ji kendo jadwoki meni, womiy winyal bedo kanyacel i siem, munyo wiluwo ranen pa Yesu Kristo,

1 Jokorintho 2:4

Aka luwo paran gi mikwenda paran k'obedo i luwo ma rieko pa ji, t'inyutho kamaler meni pa Cuny Maleŋ,

2 Jokorintho 9:8

Aka Were nyalo miyo win i ŋono pere, gima kalo ma wiyenyo, ŋey ndir je wibedi gi gimoro je ma wiyenyo, kodi ma winyalo konyo gine tic je mabeyo.

Jogalasia 5:22

To Cuny Maleŋ nyak gigipiny me: Mar, kisangala, siem, diyo cuny, wor, bero, genirok,

Joefeso 1:2

Nema gi siem ma wok bongi Were Bawan kodi Rwoth Yesu Kristo wobedi gi win.

1 Jothesalonika 1:5

Kole Wac Manyen Maber ma wakelo riwin, k'obino nyaka i wac kende, to obino i meni kodi i Cuny Maleŋ, gi ridho kicutho kwoŋ adieri mere. Wiŋeyo paka kwo mawan obedo munyo oyido wanigi win kenyo; aka obedo ri bero mewin won.

1 Timothe 1:1

Balwa m'owok bongi Paulo, jamoor pa Kristo Yesu ro or pa Were ma Jaboth mawan kodi Kristo Yesu m'obedo geno mawan.

Joebulaniya 6:11

Wamito ni kisi dhano kwoŋ win wonyuthi kinen no kiri i gike, aka nyaka gigipiny ma wigeno bino bedo adieri.

1 Petero 1:8

Wimaro go kada fodi wikineno go; wiyeyo go, kada pama wikinen go; aka winigi kisangala ma didwoŋ ma kiwacere,

1 Samwiri 1:18

Go odwoko ni, “Noknok ipoyan.” Odok to cako cemo aka nge doko k'omako go.