Joroma 14:9 - KITAWO MALEŊ

⁹ Kole Kristo otho to cerino ŋey wobedi Rwoth pa jomakwo kodi jom'otho je.

KITAWO MALEŊ Catholic

⁹ Kole Kristo otho to cerino ŋey wobedi Rwoth pa jomakwo kodi jom'otho je.

Joroma 14:9 ပူးပေါင်းရင်းမြစ်များ

Matayo 28:18

Yesu ocore cegin to waco rijo ni, “Otiek miyan meni i polo kodi i piny.

Luka 24:26

Wiparo ni onwaŋo kiripi ni Kristo wokutho wocandere i yo no aka nyaka wodonji i dwoŋ pere?”

Yohana 12:24

Adieri awaco riwin, ka nyingi kal moro k'opidhi i lowo to tho, go doŋadoŋa acel mangil. To k'otho, nyaka nywolo nyingi kal kweth.

Tim pa Jomoor 10:36

Wiŋeyo fonji ma go odhiro ri ji ma Isiraili, ma tito Wac Manyen Maber ma kelo siem i Yesu Kristo, m'obedo Rwoth pa ji je.

Tim pa Jomoor 10:42

Aka go ooro wan fonjo ji Wac Manyen Maber, gi nyutho jo kamaler nike go a ŋata Were oketho thumo banja pa jomakwo gi jom'otho.

Joroma 10:9

Rupiri k'ituco gi dhokin ni, “Yesu meno Rwoth.” Aka iyeyo i cunyin nike Were ocerino go kwoŋ jom'otho, ibino both.

2 Jokorintho 5:14

Ato mar pa Kristo ama dhumo wan, kareno waŋeyo ni dhano acel otho ri ji je, ma nyutho ni kere ji je jotieko tho.

1 Jothesalonika 4:14

Ato paka wayeyo ni Yesu otho aka ocerino kendo, meno wayeyo ni Were bende bino dwoko joma jotieko nindo i Yesu kanyacel gine.

1 Jothesalonika 5:10

m'otho riwan ŋey kada wakwo kosa watho, je fodi wabino kwo gine.

2 Timothe 4:1

I waŋ Were kodi Yesu Kristo ma bino thumo banja ri ji je, jomakwo kodi jom'otho, odoko ro wac dwoko pere kodi bino pa Ker pere, aorin gi meni m'oasere ni:

Joebulaniya 12:2

wakethi win waŋ wan kwoŋ Yesu ma yeyo mawan cungo kwoŋe wok i cako tundo i gike. Go ociro musalaba ro kisangala m'onwaŋo kuro go yuwaŋe; k'oparo kwoŋ wickwot ma tho kwoŋ musalaba oyido kidho kelo rigo, kendo onyo pama obedo yuracuc ma kom ma dhum pa Were.

1 Petero 1:21

I go wiyeyo Were, m'ocerino go kwoŋ jom'otho to miyo go dwoŋ, m'omiyo yeyo kodi geno mewin nitie kwoŋ Were.

1 Petero 4:5

to jobino tito wac ri ŋat'oyikere thumo banja ri jomakwo kodi jom'otho.

Menyirok ri Yohana 1:18

onwaŋo atho, to neni, onyo akwo cil gi cil. Anitie gi meni kwoŋ tho kodi piny pa jom'otho je.

Menyirok ri Yohana 2:8

Ri malaika ma kitipa pa jom'oyeyo ma Simirina ndiki ama: Me mikwenda ma wok bongi ŋati marapena kendo macowe, m'otho aka doko onyo kwo.