Joroma 14:3 - KITAWO MALEŊ

³ Ŋata camo gimoro je wokiri wocayi dhano ma kitim ameno; aka ŋata camo fufa kende wokiri wothum banja ri ŋata camo gimoro je, kole Were otieko jolo go.

KITAWO MALEŊ Catholic

³ Ŋata camo gimoro je wokiri wocayi dhano ma kitim ameno; aka ŋata camo fufa kende wokiri wothum banja ri ŋata camo gimoro je, kole Were otieko jolo go.

Joroma 14:3 ပူးပေါင်းရင်းမြစ်များ

Zekaria 4:10

Kole ŋa m'ocayo ndelo ma gigipiny mathindho? Kole jolafore, aka jolaneno kikebe i cingi Zerubabel. Abirio me obedo waŋ Rwoth abirio ma kaŋasa piny gibe.

Matayo 18:10

“Neni ni wikicay nyaka jomathindho me; kole awaco riwin, i polo koro jomalaika pajo jonitie ruwaŋ Baba man polo hongo je.

Matayo 9:14

Gikenyo joma luwo Yohana Jakibatisa, jobino bongi Yesu gi penji ni, “Raŋo wan kodi Jofarisayo wariyo kec noknok, to jofonjirok perin jokiriy kada dicel?”

Luka 18:9

Yesu oluwo iy'ageca ri ji ma joŋoyo ni jobeyo i cuny gin aka jocayo wadi gin ama:

Tim pa Jomoor 10:34

Petero ocako luwo ni, “Onyo pama aneno adieri ni Were tero dhano je marom.

Tim pa Jomoor 10:44

Munyo Petero fodi luwo, Cuny Maleŋ oloro kwoŋ joje m'onwaŋo jociko ithi jo jowinjo fonji.

Tim pa Jomoor 28:2

Ji ma kenyo josangala swa gi wan. Koth oyido ocako cwe aka piny oyido ŋic swa, am'omiyo jomoko riwan mac to jolwoŋo wan oyo.

Joroma 11:15

K'inen munyo obol jo woko, odwoki piny gipi i tiyirok gi Were, onyo aŋo man m'obedi ka ojol jo, loyo nwaŋo kwo wok i tho!

Joroma 14:1

Joli win i dier win ŋata nyap i yeyo; to wikiri wipiem gine kwoŋ paro pere.

Joroma 14:10

Onyo raŋo m'ithumo banja ri omerin? Aka in! Raŋo m'icayo omerin? Kole wajoje wabino cungo i nyim Were, go wothum riwan banja.

Joroma 14:13

Am'omiyo wawey win thumo banja ri jowoti wan. Kucel, me a gima wiripo ridho: Wikiri witim gimoro je ma miyo nyawoti win cer, kosa podho i gimarac.

Joroma 14:15

K'imiyo nyawotin ramirok ro gim'icamo, meno kere ikitim gino gi mar. Ikir'imiy cemo m'icamo wokel ri nyawotin ma Kristo otho rigo podho.

Joroma 14:21

Gim'otire a weyo camo riŋo, madho vini, kosa timo gimoro man je ma miyo omerin podho, kosa cunye ŋedhere, kosa lokere manyap i yeyo.

Joroma 15:7

Am'omiyo jolere win paka Kristo ojolo wan, ma miyo Were dwoŋ.