Joroma 13:11 - KITAWO MALEŊ

¹¹ Medo kwoŋ meno, wiŋeyo ndir ma pama ni ndir otundo riwin ma cew. Kole ndir ma both mawan onyo ocore cegin loyo munyo nyaka wacako yeyo.

KITAWO MALEŊ Catholic

¹¹ Medo kwoŋ meno, wiŋeyo ndir ma pama ni ndir otundo riwin ma cew. Kole ndir ma both mawan onyo ocore cegin loyo munyo nyaka wacako yeyo.

Joroma 13:11 ပူးပေါင်းရင်းမြစ်များ

Jafonji 9:10

Gimoro je ma cingin nwaŋo atima, tim gi meni perin, kole ongoye tic kosa paro kosa ŋeyo kosa rieko i piny pa jom'otho, kam'ikadh'iye koro.

Yona 1:6

Jatel ma mel onwaŋo go kenyo aka owaco rigo ni, “Ay malo ikway were perin poyo nyalo mako gi wan wor to botho kwo mawan.”

Matayo 16:3

Aka odikin maŋic wiwaco ni, ‘Koth lacwe, rupiri pondeponde obokere aka piny odisa.’ Wiŋeyo tito cal pa piny gi ŋiyo pondeponde; to wikinyal tito ranyuth ma mako kwoŋ ndir ma pama!

Luka 21:28

Ka gigipiny me cako timirok, cungi win, witiŋ waŋ win malo rupiri both mewin ocore cegin.”

1 Jokorintho 10:11

Gigipiny me je otimere paka gir'anena ri joman, aka ondiki ma fonjo wan ma wanitie i hongo ma gik ndir cegin tund'iye.

1 Jokorintho 15:34

Dwoki win i paro mewin m'otire wiwey timo reco. Awaco gime ma kwoto wiy win; ato jomegi kwoŋ win jokuya Were.

Joefeso 5:14

ato gimoro je m'othangi kamaler lokere lero. Am'omiyo nitie wac ma waco ni, “Cew, in janindo me, aka ay ieye woko kwoŋ jom'otho, aka Kristo bino liel kwoŋin.”

Yakobo 5:8

Aka wibende wiripo diyo cuny win. Cuny win matek rupiri ndelo ma dwoko pa Rwoth orikere nicegin.

1 Petero 4:7

Gik gimoro je orikere ocore cegin, am'omiyo bedi win milengela kendo ma widhumo kwo mewin aka winyal kwayo.

2 Petero 3:11

Paka gigipiny me je ibino nyeko woko, onyo wiripo bedo ji ma cal nedi? Kwo mewin ripo bedo maleŋ ma wilworo Were,

2 Petero 3:9

Rwoth kigal gi timo gima go otieko ciko paka jomegi joparo. Kucel, go diyo cunye kodi win, rupiri go kimiti nyatoro woreyere woko, to mito dhano je wonyali ŋuto reco pere.

1 Yohana 2:18

Nyithindho paran, kole me ndir ma gike; ato witieko winjo paka Jakwor pa Kristo bino; gunyo ni jokwor pa Kristo kweth jotieko nenere, aka meno apaka waŋeyo ni gike nicegin.

Menyirok ri Yohana 1:3

Ŋata soma wac atuca me jasilwany, aka joma ciko ithi jo ri wac me gi ketho i cuny jo jonigi silwany, rupiri ndir cegin tundo ma gigipiny me bino timer'iye.

Menyirok ri Yohana 22:10

Gikenyo owaco ran ni, “Ikir'ipan wac m'otuci i kitawo me rupiri ndir orikere.

Menyirok ri Yohana 22:12

Yesu owaco ni, “Neni, abino mayot. Anigi kemba paran, m'abino miyo kisi nyatoro cungo kwoŋ gima go otimo.

Menyirok ri Yohana 22:20

Jaridhi mikwenda me waco ni, “Adieri, abino mayot.” Ameno. Biye, Rwoth Yesu!