Joroma 12:9 - KITAWO MALEŊ

⁹ Mar ripo bedo mar'adieri. Kwer gimarac, cwire kwoŋ gimaber.

KITAWO MALEŊ Catholic

⁹ Mar ripo bedo mar'adieri. Kwer gimarac, cwire kwoŋ gimaber.

Joroma 12:9 ပူးပေါင်းရင်းမြစ်များ

Zabuli 101:3

aka akibino ciro raco. Adaki tim pa ji ma jowire kwoŋ Were, akibino bedo gi gir'atima gi jo.

Zabuli 119:104

Alimo niaŋ wok i cik perin riameno adaki yo marac.

Zabuli 119:163

Adaki aka akimiti twodo, t'amaro cik perin.

Zabuli 34:14

Weyi timo raco, aka itimi bero, dwar siem gi cunyin je.

Zabuli 36:4

Jotimo can marac gi kanindo pajo, ongoye gimaber ma jotimi, aka jokikwer gimarac.

Zabuli 45:7

aka imaro gim'otire t'idak kidakana. Riameno Were, Were perin otieko yerin, aka omiyin kisangala maloyo, m'omiyo kerin man.

Zabuli 55:21

Luwo pere oyido foth loyo mo dhiaŋ, to dakirok oyido opoŋ i cunye; Wac pere oyido yom paka mo, to adieri oyido yaŋo cuny jo paka abor mabith.

Zabuli 97:10

Rwoth omaro jono ma jodak gimarac, go kwonga kwo pa ji pere, botho jo kwoŋ meni pa jokidakana.

Agecin 26:25

Ka jakwor oluwo gi mwolo, ikir'iyey, kwoŋbedo nitie amien abirio m'opanere i cunye.

Agecin 8:13

Lworo Rwoth obedo kwero gimarac. Noro, gero, tim marac, gi wac twodo adaki.

Ezekiel 33:31

Jobino bongin paka ji jobino, jobedo ro nyim win paka ji paran, aka jowinjo wac mewin, to jok'owor jo. Kole jonyutho mar mathoth gi dhok jo, to cuny gin nitie i magowa pajo.

Amos 5:15

Kwer win raco, aka wimar bero, aka neni win ni tiro nitie i kapido. Kono miti Rwoth, Were pa lwak jolweny, bino mako wor gi ji ma piny me ma fodi jodoŋ makwo.

Matayo 26:49

Yuda otundo to kidho tirtir bongi Yesu to waco ni, “Siem wobedi kodin, Jafonji.” To cwiyo lembe.

Yohana 12:6

Go owaco ama ki kwoŋbedo go paro kwoŋ jocandi, to rupiri go oyido jakwo. Go oyido a jamigowa pesa aka onwaŋo diceŋ konyere gi pesa me.

Tim pa Jomoor 11:23

Munyo go otundo to neno nema pa Were m'oyido nikenyo, osangala to kwayo joje ni jowobedi gi genirok kodi adieri ruwaŋ Rwoth gi ridho madwoŋ;

2 Jokorintho 6:6

Watieko nyutho ni wajotic pa Were gi lonyo, niaŋ, diyo cuny, kodi cuny maber, i Cuny Maleŋ, i mar mawan mar'adieri,

2 Jokorintho 8:8

Akikethi cik moro, to amito ŋeyo ka mar mewin obedo mar'adieri; am'omiyo anyutho win paka joman joketho kinen i miyo kony.

1 Jothesalonika 2:3

Kole wac ma wakelo ma tiŋo win malo k'ocungo kwoŋ komo kosa atoŋa marac, odoko bende wakitemo wondo moro.

1 Jothesalonika 5:15

Neni win ni nyatoro wokiri woculi reco gi reco, to hongo je atoŋa mewin wobedi ma timo bero ri jowoti win kodi ri ji man je.

1 Jothesalonika 5:21

to kaŋasa win gimoro je wiŋey adieri mere; cwire win kwoŋ gimaber,

1 Timothe 1:5

Atoŋa ma or me obedo mar, aka wok i cuny m'olony, kodi i paro m'otire, kodi i yeyo mar'adieri.

Joebulaniya 1:9

Imaro gim'otire aka idaki reco, am'omiyo Were, ma Were perin, owirin gi mo ma kisangala to miyin dwoŋ ma kalo ma go omiyo jowotin.”

Joebulaniya 12:14

Tem win paka winyalo bedo i siem gi ji je, gi woth i kwo ma leŋo, rupiri ongoye ŋata bino neno Rwoth ma bu leŋo.

Yakobo 3:17

To rieko ma wok i polo olony kutho marapena; odoko kelo siem, aka nitie iye mwolo; dewo kwoŋ ji, oasere gi wor aka nywolo tim mabeyo; ongoy'iye thumo banja m'okom kosa rendirok.

1 Petero 1:22

To paka onyo wilony ro winjo adieri, aka winigi mar m'ocwiny ri jowoti win ma joyeyo, ere mare win adieri gi cuny win je.

1 Petero 4:8

To maloyo gimoro je, mare win gi mar madwoŋ, rupiri mari umo reco madit.