Joroma 12:16 - KITAWO MALEŊ

¹⁶ Nyuthi win dhano je cuny maber marom. Wikiri wibedi jokwoto, to joli win tic kada ma piny. Wikiri wibedi gi paro ni wiriek.

KITAWO MALEŊ Catholic

¹⁶ Nyuthi win dhano je cuny maber marom. Wikiri wibedi jokwoto, to joli win tic kada ma piny. Wikiri wibedi gi paro ni wiriek.

Joroma 12:16 ပူးပေါင်းရင်းမြစ်များ

2 Kigana kwoŋ Kerin 30:12

Were oyido tiyo i Yuda to riwo ji kanyacel gi ridho ma timo gima go yenyo cungo kwoŋ or pa kere kodi jotel pere.

Yobu 36:5

Were jameni, aka go kicay dhano moro je, go tek i meni gi iniaŋ.

Agecin 17:5

Jono ma jonyoma jacandi joyeto Jacwec pajo, aka jono ma josangala ri teko jolalimo gir'acula.

Agecin 19:17

Ŋata nyutho jocandi wor cal ŋata kopa Rwoth gimoro, aka Rwoth laculo go m'opoŋ.

Agecin 19:22

Gima mitere i dhano obedo adieri, aka ber bedo jacandi makiweno jatwodo.

Agecin 19:7

K'inen kiri wade pa jacandi jodak go, t'onyo kosa merin pere jodak go nedi.

Agecin 26:12

Dhano mariek ruwaŋe, kiri jamiŋo nitie gi geno loyo go.

Agecin 26:5

Dwoki jamiŋo cungo kwoŋ miŋo pere, aka go lacale ŋatariek ruwaŋe.

Agecin 3:7

Ikir'ibedi mariek ruwaŋin, lwor Rwoth, aka iwey timo gimarac.

Isaya 5:21

Kidamba riwin, ma wiriek ruwaŋ win wegi, aka wijorieko kweth!

Yeremia 32:39

Alamiyo jo bedo gi cuny acel kodi yo acel, ŋey jowolworan i hongo je, ri bero pajo wegi kodi bero pa nyithindho pajo ma joluw jo

Yeremia 45:5

To in, idwaro gimadwoŋ ri in won? Ikir'idwar jo; kole akidho kelo teko kwoŋ kwo je, Rwoth waco; to alamiyin kwo perin paka cul ma lweny i kabedo je m'inokadh'iye.”

Matayo 11:5

Joma waŋ gin otho joneno, jom'oŋol jowotho, jodhowo jolony, joma ithi gin otho jowinjo, aka jom'otho icerino jo, aka ifonjo jocandi Wac Manyen Maber.

Matayo 26:11

Winitie gi jocandi noknok, to wikilabedo kodan noknok.

Luka 14:13

To ka iyiko kalima madwoŋ, lwoŋ jocandi, jom'ogiyagiya, jom'oŋol kodi joma waŋ gin otho bende,

Luka 6:20

Gikenyo Yesu otiŋo waŋe malo, oŋiyo jofonjirok pere, to waco ni, Josilwany a win ma wicandere i cuny win, Kole Ker pa Were obedo mewin.

Tim pa Jomoor 4:32

Kitipa pa jom'oyeyo obedo acel i paro kodi i cuny gin. Ongoye ŋat'owaco ni lim pere obedo mar'aora pere kende, to apa ji je.

Joroma 11:20

Meno otire, ojwer woko jo rupiri jok'oyeyo, to wikiri wibedi gi paro ma pakirok kwoŋ gime; kucel, bedi win gi lworo ayino.

Joroma 11:25

Amito ni winiaŋ nyaliŋliŋ me, wutmera, ŋey wikiri wipar ni wiriek swa: Wictek pa ji ma Isiraili k'obedo makiwire, to bino bedo cuka welo kwan pa Jopath ma mitere jowobin bongi Were worom.

Joroma 12:3

Aka gi mic ma nema ma Were omiyan awaco gime ri wijoje: Wikiri wipar ni win malo loyo kama di wipar'iye. Kucel, bedi win milengela i paro mewin, kisi dhano kwoŋ win, ma ripo gi yeyo ma Were omiyo go.

Joroma 15:5

Weyi Were ma jadiy cuny ji kendo jadwoki meni, womiy winyal bedo kanyacel i siem, munyo wiluwo ranen pa Yesu Kristo,

Joroma 6:2

K'ameno be! K'inen watieko tho ma nyutho kwero gimarac, wanyalo nedi doko medirok gi timo gimarac?

1 Jokorintho 1:10

Agoyo koko riwin wutmera i nyingi Rwodhiwan Yesu Kristo: Yere win wijoje, i gima wiwaco, aka nyaka tiakirok wokiri wobedi i dier win; riwere win swa munyo winitie gi paro acel kodi atoŋa acel.

1 Jokorintho 3:18

Moro wokiri wowondere. Ka moro kwoŋ win paro nike go riek i hongo ma pama me, go ripo bedo pa ŋatamiŋ, ŋey wolokere ŋatariek.

1 Jokorintho 4:10

Wabedo jomamiŋ kwoŋbedo Kristo; to wiriek riwin i Kristo! Wanyap, to witek riwin! Ocay wan, to win omiy win dwoŋ!

1 Jokorintho 6:5

Meno awaco ma kwoto wiy win! Ongoye kada ŋat'acel i dier win mariek manyalo cowo dhawirok manitie i dier jom'oyeyo!

1 Jokorintho 8:2

Dhano nyalo paro nike go oŋeyo gimoro, to kere fodi ongoye gi ŋeyo m'otire ma go oyido ripo bedo gine.

2 Jokorintho 13:11

Onyo jowotan, kutho win! Tir win kwo mewin; winji win gim'awaco; yere win wiwegi, bedi win i siem; aka Were ma jamar kodi siem bino bedo gi win.

Jofilipi 1:27

Kad'obedi nedi, bedi win gi kite ma ripo gi Wac Manyen Maber pa Kristo, ŋey kada k'anobin neno win, kosa k'awinjo awinja ayino kwoŋ win, obedi ni wicungo matek kodi atoŋa acel, aka wilwenyo kanyacel, gi paro acel kende ri yeyo ma Wac Manyen Maber kelo.

Jofilipi 3:16

To kad'ameno, weyi wakidhi yumalo gi kite ma watieko luwo kiri konon.

Jofilipi 4:2

Yudia kodi Sintike, mondo, akwayo win, tem win yerok paka nyimere i Rwoth.

Joebulaniya 13:5

Kur win kwo mewin ma wikimunyere i maro pesa, aka gima winigine worom win. Kole Were owaco ni. “Akibino weyo win; ak'ojala win.”

1 Petero 3:8

Macowe, wijoje, riwere win i cuny win, bedi win gi wor ri jowoti win, odoko mare win paka wutmere, bedi win gi dewo kodi mwolo ri jowoti win.

1 Petero 5:3

Wikiri widhum joma okethi i kur mewin gi mbaka, to bedi win ranen ri sidwol.

3 Yohana 1:9

Andiko balwa macek ri kweth pa jokristo, to Diotirefe, ma mito bedo marapena i gimoro je, kiyeny dewo kwoŋ gim'awaco.