Joroma 12:10 - KITAWO MALEŊ

¹⁰ Mare win gi owirok ma cuny paka wutmere i Kristo, odoko bedi win mayil i miyo jowoti win dwoŋ.

KITAWO MALEŊ Catholic

¹⁰ Mare win gi owirok ma cuny paka wutmere i Kristo, odoko bedi win mayil i miyo jowoti win dwoŋ.

Joroma 12:10 ပူးပေါင်းရင်းမြစ်များ

Cakirok 13:9

Riameno weyi wapokere. Yer adec ma lowo m'imito; aka an abino kadho racuc, to in ikadho racam.”

Yobu 1:4

Wot Yobu oyido jotimo kalima i weso i ot pa kisi dhano, ma joman oyido jokidho i ot pa ŋata timo kalima, aka oyido jolwoŋo nyimin jo.

Zabuli 133:1

Nga obedo gimaber aka ŋon, ka ji pa Were jobed'iy'acel!

Yeremia 38:12

Kenyo Ebed Melek Jaethopiya owaco ri Yeremia ama: Kethi okute kodi nangin i ywothin kodi thol. Yeremia otimo ameno.

Matayo 20:26

To k'obedi i dier win ameno. Kucel ka moro kwoŋ win mito bedo madwoŋ, go ripo bedo ŋeca mewin;

Luka 14:10

Kucel, k'ibedo wendo, comi yu kabedo ma piny t'ibedo kenyo, aka ka ŋat'olwoŋo win obino, ama wowaci rin ni, ‘Jawodhan, core ye yumalo kaca.’ Ameno dhano je ma nikodin i dhower kenyo bino miyin dwoŋ.

Yohana 15:17

Am'omiyo, me a gim'aoro win timo: Mare win”.

Yohana 17:21

Akwayo nike joje jowonyal bedo acel, Baba, paka initie i an aka anitie i in. Jo bende jowobedi i wan, ŋey piny woyeyi nike Iŋat'ioran.

Tim pa Jomoor 4:32

Kitipa pa jom'oyeyo obedo acel i paro kodi i cuny gin. Ongoye ŋat'owaco ni lim pere obedo mar'aora pere kende, to apa ji je.

Joroma 13:7

Am'omiyo, cul win gima wiripo culo dhano; cul misolo perin bongi ŋat'iripo culo, kodi lim perin bende ameno; aka wor win ŋata ripo awora, odoko miy dhano je dwoŋ, ma ripo amiya dwoŋ.

Jogalasia 5:13

To win, wutmera, olwoŋi win ni wibedi i siem. To siem me wokiri wolokere riwin gigoŋirok ma yeyo awanya ma del dhumo win. Kucel, konyere win cungo kwoŋ mar mewin.

Jogalasia 5:22

To Cuny Maleŋ nyak gigipiny me: Mar, kisangala, siem, diyo cuny, wor, bero, genirok,

Jogalasia 5:6

Kole i Kristo Yesu, thumirok kosa weyo ma k'othumere kikel pokirok moro; gimadwoŋ obedo yeyo ayino ma nyuthere i mar.

Jofilipi 2:3

Wikiri witim gimoro munyo wilaro dwoŋ, kosa wiyumere kicar; to bedi win gi bwonirok i waŋ jowoti win, munyo witero jo paŋini joloyo win gi dwoŋ.

Jokolosia 1:4

rupiri watieko winjo yeyo mewin i Kristo Yesu, kodi mar mewin ri ji pa Were je.

1 Jothesalonika 4:9

Ki yenyere ndiko riwin kwoŋ marok ma wiripo bedo gine ri jowot win ma bende joyeyo. Kole wiwegi Were otieko fonjo win paka wiripo marok.

2 Jothesalonika 1:3

Waripo foyo Were riwin hongo je, wutmin wan! Obedo riwan gim'otire timo ameno, rupiri yeyo mewin medo dongo swa aka mar ma kisi dhano kwoŋ win nitie gine ri nyawote onyo medere.

Joebulaniya 13:1

Medere win gi marok paka wutmere i Kristo.

1 Petero 1:22

To paka onyo wilony ro winjo adieri, aka winigi mar m'ocwiny ri jowoti win ma joyeyo, ere mare win adieri gi cuny win je.

1 Petero 2:17

Wor win ji je: Mar win jowoti win ma joyeyo, lwor win Were, aka wiwor kere ma piny.

1 Petero 5:5

Ameno bende, wijoma fodi soye wiripo winjo jotel mewin gi mwolo. Aka wijoje ruki win mwolo ma tiyo ri jowoti win pa nanga; kole ndiko waco ni, “Were lwenyo gi jopakirok, to miyo joma wegi jobwonere nema.”

2 Petero 1:7

kwoŋ lworo Were medi win'iye woro jom'oyeyo jowot win; aka kwoŋ woro jom'oyeyo jowot win medi win'iye marok.

1 Yohana 4:11

Jowotan m'amaro, k'inen me a paka Were omaro wan, meno wabende waripo marok.

1 Yohana 4:20

Ka nyatoro waco ni, omaro Were ma to go fodi odak omin, meno go jatwodo, kwoŋbedo go kinyal maro Were mafodi go k'oneno, to kwero maro omin ma go otieko neno.