Joroma 11:28 - KITAWO MALEŊ

²⁸ Rupiri jokwero Wac Manyen Maber, Joyuda jolokere jokwor pa Were ma bero mewin, win Jopath. To i yero pa Were, jobedo mere pere ma bero pa kwarere pajo.

KITAWO MALEŊ Catholic

²⁸ Rupiri jokwero Wac Manyen Maber, Joyuda jolokere jokwor pa Were ma bero mewin, win Jopath. To i yero pa Were, jobedo mere pere ma bero pa kwarere pajo.

Joroma 11:28 ပူးပေါင်းရင်းမြစ်များ

Cakirok 26:4

Alamiyin nyikwayin kweth pa micalin ma polo, aka alamiyo nyikwayin lowo me. Nonin je jobino kwayan miyo jo silwany paka amiyo nyikwayin.

Cakirok 28:14

Nyikwayin jobino cale fukefuke ma piny. Jobino nyay i thenge gi thenge aka luwo kwoŋ jo abino miyo piny je silwany.

Yeremia 31:3

Rwoth onenere ran wok bor. Atieko marin gi mar ma cil gi cil, riameno amedo timo rin adieri.

Mika 7:20

Ibino nyutho Yakobo adieri, kodi mar makiwire ri Abraham, paka inyutho kwarere mawan wok cango con.

Matayo 21:43

Am'omiyo awaco riwin, Ker pa Were ibino kwanyo woko kwoŋ win t'imiyo ji ma jobino nyak gim'otire.

Luka 1:54

Go okonyo ŋeca pere Isiraili, munyo opoyo wor pere

Tim pa Jomoor 14:2

To Joyuda ma jok'onyalo yeyo josigila Jopath to joruwo paro pajo ni joeye kwoŋ jom'oyeyo no.

Tim pa Jomoor 18:6

Munyo jopiemo gine to joluwo wac mareco kwoŋ go, Paulo oteŋo woko fukefuke ma nangin pere ka waco rijo ni, “Ka wirwenyo, remo mewin wodoŋ i wiy wiwegi! K'obedo wac paran. Wok pama kadho yuwaŋe abino kidho bongi Jopath ayino.”

Joroma 11:11

Am'omiyo apenjo ni: Munyo Joyuda jocer, jopodho to jorere woko? K'ameno be! Rupiri jotimo gimarac, both obino ri Jopath, ŋey womiy Joyuda jowotimi nyeko gi jo.

Joroma 11:30

Gime rom kodi gim'otimere riwin Jopath; con oyido wicayo Were, to kole pama onyo wilimo wor pa Were rupiri Joyuda jotimo cay.

Joroma 11:7

Onyo aŋo to? Gima Joisiraili jorango tektek jok'onwaŋo; jom'oyer ama jonwaŋo, to jom'odoŋ jobedo gi cuny jo matek.

Joroma 5:10

Wan oyido wabedo jokwor pa Were, to Were odwoko wan i tiyirok gine kwoŋ remo pa Wode. Aka paka onyo watieko dwoko i tiyirok gi Were, kwo pa Wode onyo bino botho wan kicutho.

Joroma 9:5

jowok kwoŋ kwarere wan macon, aka Kristo, paka dhano, onywole wok i dier jo. Weyi Were ma dhumo gimoro je, wopak cil gi cil. Ameno.

Kitawo mar'abic mapa Musa m'ilwoŋo ni Cik 10:15

kucel Rwoth oketho cunye i maro kendo to yero kwarere mewin, nyikway jo, kwoŋ ji je, paka nitie konon.

Kitawo mar'abic mapa Musa m'ilwoŋo ni Cik 4:31

Kwoŋbedo Rwoth Were mewin obedo Were ma jakisa, go kilajwango win kosa reyo woko win, wiye k'owil gi cikirok m'otimo gi kwarere mewin m'okwoŋere rijo.

Kitawo mar'abic mapa Musa m'ilwoŋo ni Cik 8:18

To poyi win Rwoth Were mewin, kole go ama miyo win meni ma nwaŋo lim, ŋey woridhi cikirok pere m'okwoŋere ri kwarere mewin, paka go timo konon.

Kitawo mar'abic mapa Musa m'ilwoŋo ni Cik 9:5

K'obedo kwoŋbedo witimo gim'otire kosa cuny win cil am'omiyo wikadho donjo lunjo lowo pajo, to ro kidakana pa nonin me, Rwoth Were mewin riemo woko jo ruwaŋ win, ŋey wokethi i kare gim'ociko i kwoŋirok ri kwarere mewin Abraham, Isaka, kodi Yakobo.