Joroma 11:20 - KITAWO MALEŊ

²⁰ Meno otire, ojwer woko jo rupiri jok'oyeyo, to wikiri wibedi gi paro ma pakirok kwoŋ gime; kucel, bedi win gi lworo ayino.

KITAWO MALEŊ Catholic

²⁰ Meno otire, ojwer woko jo rupiri jok'oyeyo, to wikiri wibedi gi paro ma pakirok kwoŋ gime; kucel, bedi win gi lworo ayino.

Joroma 11:20 ပူးပေါင်းရင်းမြစ်များ

2 Kigana kwoŋ Kerin 20:20

Jocewi odikin i ndelo ma luwo, joay to jokadho i thim ma Tekowa, aka paka jokadho, Yehosafat ocungo to waco ni, “Winjan win ji ma Yuda kodi Yerusalem! Yey win Rwoth Were; aka wilacungo matek; yey win jotuci wac Were pere aka wilanwaŋo gima wimito.”

Zabuli 138:6

Kole kada Rwoth oŋawere, go paro kwoŋ ji masisiri, to ŋeyo jodelok gi bor.

Agecin 28:14

Kisangala bedo ri ŋata lworo jo, to ŋata cunye tek lapodho i teko.

Agecin 28:26

Jono ma joluwo paro pajo wegi jomiŋ, to jono ma jowotho i rieko jobedo maber.

Isaya 2:11

Waŋ ji ma pakirok iladwoko piny, aka delok pa kisi dhano ilamwolo aka Rwoth kende am'ila tiŋo malo i ndelo no.

Isaya 2:17

Pakirok pa ji ilamwolo, aka delok pa kisi dhano iladwoko piny aka Rwoth kende am'ila tiŋo malo i ndelo no.

Isaya 66:2

An, aŋat'acweyo gigipiny me gi cingan, aka je jobedo aparan, Rwoth waco. To me a ŋat'aladwaro, ŋata mwole aka bwonere i cuny ma kirin i wac paran.

Isaya 7:9

Wic Isiraili obedo Samaria, aka wic Samaria obedo wod pa Remalia. K'ikicungo matek i yeyo, ik'ocungi kada mathin.

Habakuk 2:4

Kole janoro, kitim gim'otire, to joma timo gim'otire, jolakwo gi yeyo pajo.

Zefania 3:11

I ndelo no, wik'obedi giwickwot, ro tim je m'omiyo win gwenyirok kwoŋan, kole alakwanyo woko i dier win, jonoro je, aka wik'odele kendo, wi got paran maleŋ.

Luka 18:14

Awaco riwin, jal me odok peco munyo otire ruwaŋ Were loyo Jafarisayo no. Ato ŋata won miyere dwoŋ ibino bwono, to ŋata bwonere am'ibino miyo dwoŋ.”

Tim pa Jomoor 18:6

Munyo jopiemo gine to joluwo wac mareco kwoŋ go, Paulo oteŋo woko fukefuke ma nangin pere ka waco rijo ni, “Ka wirwenyo, remo mewin wodoŋ i wiy wiwegi! K'obedo wac paran. Wok pama kadho yuwaŋe abino kidho bongi Jopath ayino.”

Joroma 11:18

onyo wikiri wipakere ri jangi yen m'ojwer woko ca, rupiri wibedo nyaka jangi yen, aka wiŋati wikithiel tiendi yath to tiendi yath ama thielo win.

Joroma 11:21

Ato k'inen Were k'oworo Joyuda ma jobedo paka jangi yen m'otire mere, wiparo nike go bino woro win ayino?

Joroma 12:16

Nyuthi win dhano je cuny maber marom. Wikiri wibedi jokwoto, to joli win tic kada ma piny. Wikiri wibedi gi paro ni wiriek.

Joroma 12:3

Aka gi mic ma nema ma Were omiyan awaco gime ri wijoje: Wikiri wipar ni win malo loyo kama di wipar'iye. Kucel, bedi win milengela i paro mewin, kisi dhano kwoŋ win, ma ripo gi yeyo ma Were omiyo go.

Joroma 3:3

Aŋo to, ka jomegi kwoŋ jo jobedo joma kigenere? Onyo ro gino, nyutho ni Were kigenere?

1 Jokorintho 10:12

Ŋata paro ni ocungo m'otire wogwokere ŋey wokiri wopodhi.

1 Jokorintho 15:1

Onyo wutmera, amito poyo win, Wac Manyen Maber m'atieko fonjo win, ma wijolo, ma yeyo mewin onyo ocung'iye matek.

1 Jokorintho 16:13

Bedi win waŋ win, cungi win matek i yeyo, bedi win miseni, bedi win gi meni.

2 Jokorintho 1:24

Onyo wakitem cuko win gi gima wiripo yeyo, rupiri wicungo matek i yeyo. Kucel, watiyo gi win ri kisangala mewin won.

2 Jokorintho 10:5

gi kedho woko rageŋ je ma piem, kodi gimoro je ma tiŋere malo aka temo juko rieko pa Were, to mako paro manyadhanodhano je wogiki winjo Kristo.

Jofilipi 2:12

Am'omiyo, wutmera, paka noknok wiwinjo or, ki nyaka ruwaŋan kende, to tektek paka onyo angoye, tiyi win ri both mewin gi lworo kodi kirin.

Jokolosia 2:7

Pidhi win tiendi win i go, aka go wobedi misingi ma kwo mewin. Ridhi win yeyo mewin paka ofonji win, munyo hongo je wifoyo Were.

2 Jothesalonika 2:4

Go bino piemo gi gimoro je ma ji jolamo kosa jotero paka were, to won tiŋere malo to jengere i Ot pa Were munyo ŋoyo ni go a Were!

1 Timothe 6:17

Or jom'oŋaŋ i kwo ma piny me ni kiri jowokwoti, kosa ketho geno pajo kwoŋ gigipiny ma kigenere paka ŋaŋo, to kwoŋ Were ayino, ma poko wan gimoro je ma kisangala mawan.

Joebulaniya 3:12

Kure win, jowotan, aka moro kwoŋ win wokiri wobedi gi cunye marac ma kiyey ma eye woko kwoŋ Were makwo.

Joebulaniya 3:19

Onyo waneno ni jok'onyalo donjo rupiri jok'oyeyo.

Joebulaniya 4:11

Am'omiyo, weyi watem paka wanyalo donjo i ywomirok no. Kiripi moro kwoŋ wan cayo dwondi Were paka jotimo, to wakeŋ donjo.

Joebulaniya 4:6

Joma jopen winjo wac pa Were jok'onyalo nwaŋo ywomirok no; rupiri jok'oyeyo am'omiyo nitie joman m'oyey jo limo kaywomirok me.

Yakobo 2:19

Wiyeyo nike Were nitie acel? Meno ber! Kole jwogi bende joyeyo ameno aka jokirin gi lworo.

Yakobo 4:6

To Were nyutho wan nema mathoth loyo. Am'omiyo ndiko waco ni, “Were ciro japakirok, to nyutho ŋata mwol ayino nema.”

1 Petero 1:17

Kole wilwoŋo Were ni Baba ka wikwayo, aka go ama thumo banja ri ji je marom. Am'omiyo or win kwo mewin i piny ka paka joma wendo munyo wimiyo go dwoŋ.

1 Petero 5:12

Andiko riwin balwa macek me gi kony pa Silvano, m'atero paka omera m'ogenere. Amito medo win meni gi ridho riwin nike me obedo nema pa Were adieri. Cungi win matek iye.

1 Petero 5:9

Piem win gine, munyo wicungo matek i yeyo mewin, rupiri wiŋeyo ni jowoti win ma joyeyo i piny gipi bende onyo joluwo i kiti candirok no.

Menyirok ri Yohana 18:7

Miy go candirok kodi rem, marom gi dwoŋ kodi yodirok ma go oyido omiyere. Ato go kwot ka waco gi i cunye ni, ‘An abedo paka kere madhako; akibedo citho, odoko ak'owinji rem moro je!’

Menyirok ri Yohana 3:17

Ato iwaco ni, “Aŋaŋ kendo anitie maber.” Iwaco kendo ni, “Anitie gi gimoro je m'ayenyo.” T'ikuya paka icandere. Kole yenyere womaki kodin wor ayino, ijacandi, initie kinyoro, aka waŋin je otho.