Joroma 10:9 - KITAWO MALEŊ

⁹ Rupiri k'ituco gi dhokin ni, “Yesu meno Rwoth.” Aka iyeyo i cunyin nike Were ocerino go kwoŋ jom'otho, ibino both.

KITAWO MALEŊ Catholic

⁹ Rupiri k'ituco gi dhokin ni, “Yesu meno Rwoth.” Aka iyeyo i cunyin nike Were ocerino go kwoŋ jom'otho, ibino both.

Joroma 10:9 ပူးပေါင်းရင်းမြစ်များ

Luka 12:8

“Aka awaco riwin, dhano je ma tuco i dier ji nike go oyeyan, Wod Dhano bende bino tuco go ruwaŋ jomalaika pa Were.

Yohana 9:22

Jonywol pere jowaco ama kwoŋe rupiri oyido jolworo Joyuda; ato Joyuda oyido jotieko ridho ni moro je m'otuco ni Yesu obedo Kristo ibino riemo go woko i kitipa pa jom'oyeyo pa Joyuda.

Tim pa Jomoor 16:31

Jowaco ni, “Yey Yesu Kristo, aka ibino limo both, in kodi ot perin gipi.”

Tim pa Jomoor 2:24

To Were ocerino go kwoŋ jom'otho; okwanyo go woko i litho ma tho, rupiri onwaŋo kinyalere nike tho wotwey go.

Tim pa Jomoor 2:32

Were ocerino Yesu me kwoŋ jom'otho; aka wajoje wabedo jokony i wac me.

Tim pa Jomoor 8:36

Munyo fodi jowotho i royo, jotundo kama dipi, to jasirikale waco ni, “Kole pi moro ee. Aŋo ma geŋan limo batisimo?”

Joroma 10:10

Ato dhano yeyo gi i cunye to ikwanyo woko banja kwoŋe; aka tuco gi dhoke to limo both.

Joroma 14:11

Kole ndiko waco ni, “ ‘Paka akwo,’ Rwoth waco, ‘dhano je bino guro conge i ruwaŋan, Aka dhano je bino tuco ni abedo Were.’ ”

Joroma 14:9

Kole Kristo otho to cerino ŋey wobedi Rwoth pa jomakwo kodi jom'otho je.

Joroma 4:24

Ondiki riwan bende m'ibino kwano wan paka jom'otire, wan ma wayeyo Ŋat'ocerino Yesu Rwodhiwan kwoŋ jom'otho.

Joroma 8:34

To ŋa m'odoko othum rijo banja? Ki Kristo Yesu m'otho, kendo ma Were ocerino go kwoŋ jom'otho, aka onyo obedo yu cingi Were maracuc aka pido riwan bongi Were!

1 Jokorintho 12:3

Am'omiyo amito wiŋey ni ongoye ŋata luwo gi meni pa Cuny Maleŋ pa Were manyalo waco ni, “Wokwoŋ Yesu!” Odoko ongoye ŋata nyalo waco ni, “Yesu a Rwoth.” Ka Cuny Maleŋ ama k'omiyo go meni.

Jofilipi 2:11

Aka lew jo je bino tuco ni Yesu Kristo obedo Rwoth, ma miyo Were Bamere dwoŋ.

1 Petero 1:21

I go wiyeyo Were, m'ocerino go kwoŋ jom'otho to miyo go dwoŋ, m'omiyo yeyo kodi geno mewin nitie kwoŋ Were.

1 Yohana 4:15

Ŋata tuco ni Yesu obedo Wod Were, Were bedo i go aka go bende bedo i Were.

2 Yohana 1:7

Jotwodo megi jotieko ywoyirok i piny gipi; ji ma jokiyey ni Yesu Kristo obino i del paka dhano. Ŋata pameno jatwodo, kendo a jakwor pa Kristo.