Jolevi 6:7 - KITAWO MALEŊ

⁷ Jacway ri Were i wi migam latimo cowirok ma cwako reco perin ruwaŋ Rwoth, aka ilacwako rin ri gim'inotimi je to miyin bedo jabanja.

KITAWO MALEŊ Catholic

⁷ Jacway ri Were i wi migam latimo cowirok ma cwako reco perin ruwaŋ Rwoth, aka ilacwako rin ri gim'inotimi je to miyin bedo jabanja.

Jolevi 6:7 ပူးပေါင်းရင်းမြစ်များ

Kitawo mar'ario mapa Musa m'ilwoŋo ni Wok 34:7

Akuro cikirok paran ri luse ganin t'acwako raco gi reco, t'akibino weyo m'akimiyo gir'acula nyithindho gi nyikwaye tundo i luse mar'adek gi mar'aŋwen ro reco pa jonywol pajo.”

Isaya 1:18

Onyo biye win, weyi waluw kanyacel, Rwoth waco. Makada nende reco mewin obokere swa, lalony matar paka pe, paka yer rombo.

Ezekiel 33:19

Aka ka jakidakana owire wok i kidakana pere, to timo gima cik waco, m'otire, go lakwo ro gino.

Jolevi 2:1

Ka nyatoro miyo Rwoth mic ma cemo manyinge, mic no ripo bedo moko m'oregi m'onuŋere, go ripo nywowo gi mo oliv kodi buban.

Jolevi 4:20

Go latimo gi thwon me paka otimo gi thwon ma mic ma cwako reco. Jacway ri Were i wi migam lamiyo mic ma cwako reco pajo, aka ilacwako rijo.

Jolevi 4:26

Bor mere je go lawaŋo i wi migam, paka bor ma cowirok ma siem. Ameno jacway ri Were i wi migam lamiyo mic ma cwako reco pere, aka ilacwako rigo.

Jolevi 4:31

Go lawaro woko bor mere je, paka waro ma mic ma siem, aka jacway ri Were i wi migam lawaŋo i wi migam ri ŋwece kur mamit ri Rwoth. Ameno jacway ri Were i wi migam lamiyo mic ma cwako reco rigo, aka ilacwako rigo.

Jolevi 5:10

Aka mar'ario go lamiyo paka mic awaŋa cungo kwoŋ kwer mere. Ameno apaka jacway ri Were i wi migam lamiyo mic ma cwako reco perin m'itimo, aka ilacwako rin.

Jolevi 5:13

Ameno jacway ri Were i wi migam lamiyo mic ma cwako reco perin m'itimo, aka ilacwako rin. Paka mic ma cemo manyinge, m'odoŋ labedo apa jacway ri Were i wi migam.

Jolevi 5:18

Ilakelo bongi jacway ri Were i wi migam wod rombo m'ongoye gi ŋolo wok i mwendi perin, kosa gima rom gine, paka mic ma cwako reco, aka jacway ri Were i wi migam latimo cowirok ma cwako reco m'itimo m'ikiŋeyo, aka ilacwako rin.

Jolevi 6:8

Rwoth oluwo gi Musa ka waco ama:

Jolevi 7:2

i kabedo m'ithum'iye mic awaŋa, jobino thumo mic ma banja, aka remo mere wokiri i kisi thenge je ma migam.

Mika 7:18

Ongoye were man ma cale in Rwoth, icwako reco pa ji perin ma joboth, ikimaki nge kicutho, t'iwinjo maber i nyutho wan mar perin makiwire.

Matayo 12:31

Am'omiyo awaco riwin, ibino cwako ri ji reco kodi gima k'otire ma joluwi kwoŋ Were; to ŋat'oluwi gima k'otire kwoŋ Cuny Maleŋ, k'ocwaki go i hongo ma pama kiri gi i hongo ma bino yuwaŋe je.

1 Yohana 1:7

To ka kwo mawan nitie i lero paka go won nitie i lero, meno wanitie i riwirok gi jowoti wan, aka remo pa Yesu, Wod Were, loko wan m'olony kwoŋ reco je.

1 Yohana 1:9

To ka watuco reco mawan ri Were, go genere kendo otire aka bino cwako reco mawan, to lonyo wan kwoŋ tim mawan mareco je.