Jolevi 4:32 - KITAWO MALEŊ

³² Ka mic m'ikelo paka mic ma cwako reco obedo rombo, ripo bedo min rombo m'ongoye gi ŋolo.

KITAWO MALEŊ Catholic

³² Ka mic m'ikelo paka mic ma cwako reco obedo rombo, ripo bedo min rombo m'ongoye gi ŋolo.

Jolevi 4:32 ပူးပေါင်းရင်းမြစ်များ

Kitawo mar'ario mapa Musa m'ilwoŋo ni Wok 12:3

Miy Joisiraili je cik me; k'apar ma dwe me, kisi jacwo ripo yero nyathi rombo kosa nyathi diel wok i ot pere.

Kitawo mar'ario mapa Musa m'ilwoŋo ni Wok 12:5

Winyalo yero nyathi rombo kosa diel, to joripo bedo ma jokitwo, ma k'oŋol kosa waŋe k'otho.

Isaya 53:7

Olimo adica, to limo litho, kucel go k'oyawo dhoke; paka rombo m'itero yaŋo, paka rombo m'icegin lielo, ameno go k'oyawo dhoke.

Jolevi 1:3

Ka mic pere obedo mic awaŋa ma dhiaŋ, ripo bedo rwath m'ongoye gi ŋolo. Go won wokel i dhiot ma Wema ma romo, ŋey wojol rigo ruwaŋ Rwoth.

Jolevi 4:28

tekin go niaŋ kwoŋe, go lakelo min diel m'ongoye gi ŋolo paka mic, ri reco ma go otimo.

Jolevi 5:6

Ilakelo ri Rwoth, paka cul ma reco m'itimo, min rombo kosa min diel, paka mic ma cwako reco. Jacway ri Were i wi migam latimo rin cowirok ma cwako reco perin.

Luka 1:35

To malaika waco rigo ni, “Cuny Maleŋ bino loro kwoŋin, aka meni pa Were Madwoŋ Maloyo bino umin; am'omiyo nyathi m'ibino nywolo ibino lwoŋo ni ŋataleŋ, Wod Were.

Yohana 1:29

Yawere mere Yohana oneno Yesu munyo bino bonge to waco ni, “Neni Nyathi rombo pa Were ma kwanyo woko gimarac ma piny!

Yohana 1:36

aka munyo oneno Yesu wotho, owaco ni, “Neni Nyathi rombo pa Were!”

Joefeso 5:27

ŋey wokel kitipa no bonge m'otieko lony ma bu cilo, kosa m'ongoye kam'ojony kendo m'ongoye kwoŋe sandi moro je.

Joebulaniya 7:26

Jadwoŋ pa jocway ri Were i wi migam, ma kite no, ama nyalo konyo wan i gima wayenyo. Ato go leŋ, ongoye kodi kibenga kosa gimarac moro, olony, m'opok kwoŋ joreco, aka otiŋ go malo kalo polo.

Joebulaniya 9:14

Kosa to remo pa Kristo m'omiyere i leŋo cungo kwoŋ tic pa Cuny ma cil gi cil, nyalo lonyo paro ma cuny wan kalo kenyo didi, kwoŋ tim m'othotho, ŋey watiy ri Were makwo!

1 Petero 2:22

Ndiko waco ni, “Go k'otimo gimarac moro, aka ongoye twodo m'owok i dhoke.”

1 Petero 2:24

Go won otiŋo reco mawan i delkwoŋe wi musalaba, ŋey wabedi jom'otho ri gimarac to wakwo ri tiro; cungo kwoŋ adholin pere, witieko cango.

1 Petero 3:18

Kole Kristo otho ri reco dicel kicutho, ŋataber, ri joreco, ŋey go wokel win bongi Were. Oneki go i delkwoŋe, to kareno omiy go kwo i cuny,

Menyirok ri Yohana 5:6

Aka aneno Nyathi rombo moro ocungo i diere dho kom ma dhum, ma cwec makwo aŋwen kodi jodongo no jothoko. Nyathi rombo no ocale pa m'oneki ma cowirok. Rombo no onwaŋo nitie gi tunge abirio kodi waŋe abirio, ma jobedo cuny m'omakere abirio mapa Were m'odhir i piny gipi.