Jolevi 3:17 - KITAWO MALEŊ

¹⁷ Me obedo cik ma cil gi cil i luse mewin je, kama winobed'iye je; wikiripi camo bor je kodi remo je.

KITAWO MALEŊ Catholic

¹⁷ Me obedo cik ma cil gi cil i luse mewin je, kama winobed'iye je; wikiripi camo bor je kodi remo je.

Jolevi 3:17 ပူးပေါင်းရင်းမြစ်များ

Cakirok 9:4

Kwanyowoko, gimoro acel ma wikiripi timo, acamo riŋo manitie remo; akwero rupiri kwo nitie i remo.

2 Kigana kwoŋ Kerin 29:35

Medo kwoŋ miyo cowirok m'owaŋ gipi, jocway ri Were i wi migam am'oyido jowaŋo bor m'omiy wok kwoŋ cowirok ma ji jocamo, gi konjo vini m'omiy kodi cowirok awaŋa. Aka gikenyo to lamo i Ot pa Rwoth cakere kendo.

Nehemia 8:10

Nehemia owaco ri ji ni, “Kadhi win yo mewin, cami win cemo aka wimadhi vini to wipoko ji ma jongoye gine. Konon me obedo ndelo maleŋ ri Rwoth Were mawan, aka wikiri wikumi. Kole kisangala pa Rwoth obedo meni mewin.”

Kitawo mar'ario mapa Musa m'ilwoŋo ni Wok 27:21

Aron gi wote ama jowocwinyo tala i Wema Maleŋ woko ma nanga ma geŋo manitie ruwaŋ Kakan ma Cikirok. Kenyo ruwaŋan woliel wok othieno tundo odikin. Cik me Joisiraili gi nyikway jo jowokuri cil gi cil.”

Kitawo mar'ario mapa Musa m'ilwoŋo ni Wok 28:43

Aron gi wote joripo ruko noknok ka jodonjo i Wema Maleŋ kosa ka jocore i migam tiyo paka jocway ri Were i wi migam i Kabedo Maleŋ, ŋey wokiri woneki jo ro thangirok. Me cik ri Aron gi nyikwaye cil gi cil.”

Ezekiel 33:25

Riameno wac rijo, Rwoth Were waco ama: Wicamo riŋo gi remo, to witiŋo waŋ win malo ri cal mewin, aka wineko ji; winoloki lowo mewin?

Ezekiel 44:15

Jocway ri Were i wi migam ma jobedo Jolevi ma nyikway Zadok, ma jokuro ot paran munyo Joisiraili jonyeko, jolacore cegin kodan tiyo ran. Jolamiyan mic mabor, kodi remo, Rwoth Were waco.

Ezekiel 44:7

Wiyeyo jopath, ma jok'othumere donjo i ot paran, wikoco ot paran ka wimiyan cemo, bor kodi remo. Witieko turo cikirok paran g'amien mewin.

Jolevi 10:15

Eme maracuc kodi thundho jolakelo gi mic ma bor, ri mic m'itiŋo malo ruwaŋ Rwoth, aka labedo aperin, kodi nyithindho perin, jobedo adec ma wiripo limo cil gi cil, paka Rwoth otieko miyo or.”

Jolevi 10:9

Ikiripi madho medho makec, in kosa wotin, ka widonjo i Wema ma romo, kosa wilatho. Me labedo cik riwin cil gi cil i luse mewin je;

Jolevi 16:29

Aka labedo cik riwin cil gi cil ni k'apar i dwe mar'abirio, wilamiyo delkwoŋ win litho aka wik'otim tic moro je, obedi japiny kosa jakicar ma bedo i dier win.

Jolevi 16:34

Aka me labedo cik cil gi cil riwin, timo cowirok ma cwako reco ri Joisiraili dicel i oro. Aka go otimo paka Rwoth omiyo Musa or.

Jolevi 17:7

Aka ŋey jokiri jowomiy cowirok pajo ri jwogi diegi, ma jokocere gine. Me wobedi cik rijo cil gi cil i luse pajo je.

Jolevi 19:26

Wikiri wicam gimoro je gi remo mere. Wikiri wifonjere yido kosa jwok.

Jolevi 23:14

Wikiripi camo mugat kosa ŋano m'obul kosa ranyak ma nyaka okec cuka ndelo no won, cuka winotiek kelo mic pa Were mewin. Obedo cik ma cil gi cil i luse mewin je, kama winobed'iye je.

Jolevi 23:21

I ndelo acel no won wiripo tuco; wiripo bedo gi cokirok maleŋ aka wikiripi timo tic mewin ma kisi ndelo. Me obedo cik ma cil gi cil kamoro je ma winobed'iye i luse mewin je.

Jolevi 24:3

Aron wokethi malo i wi Wema ma romo, woko ma nanga m'oliero ruwaŋ Kakan ma Cikirok, woliel wok othieno tundo odikin ruwaŋ Rwoth makitho; aka wobedi cik ma cil gi cil i luse mewin je.

Jolevi 24:9

Jolabedo ri Aron kodi nyikwaye, ma jolacamo jo i Kabedo Maleŋ, rupiri jobedo adec maleŋ loyo rigo wok mic awaŋa ri Rwoth, ma cil gi cil.

Jolevi 3:16

Jacway ri Were i wi migam lawaŋo i wi migam paka mic ma cemo manyinge m'owaŋ gi mac maŋwe kur mamit ri Rwoth. Bor je obedo apa Rwoth.

Jolevi 4:1

Rwoth oluwo gi Musa, ka waco ama:

Jolevi 6:15

Jolajowo moko masi cingi jo kodi mo ma mic ma cemo manyinge, kanyacel gi buban manitie i mac, aka jolawaŋo i wi migam ri ŋwece kur mamit ri Rwoth.

Jolevi 6:18

Nyikway Aron ma cwo je joripo camo, paka adec pajo ma cil gi cil i luse pajo je, wok i mic pa Rwoth m'iwaŋo gi mac; kisi gim'ogey jo je labedo maleŋ.

Jolevi 6:22

Aka jacway ri Were i wi migam, m'owir gi mo, kwoŋ wot Aron, lamiyo. Me obedo adec pa Rwoth m'iripo waŋo cil gi cil.

Jolevi 7:23

Luw gi Joisiraili iwaci rijo ni, jokiripi camo bor dhiaŋ, rombo, kosa diel.

Jolevi 7:34

Kole atieko kwanyo thundho ma mic m'itiŋo malo kodi eme maracuc, wok kwoŋ cowirok ma mic ma siem, ma Joisiraili jomiyo, aka atieko miyo Aron kodi wote, paka mic ma joripo limo wok bongi Joisiraili cil gi cil.

Jolevi 7:36

Me gigipiny ma Rwoth omiyo or nike iripo miyo jo, wok i ndelo ma go owiro jo gi mo, paka gima Joisiraili joripo miyo jo cil gi cil i luse pajo je.

Kwan 19:21

Bino bedo cik ma cil gi cil rijo. Nyatoro ma kiro pi ma cwako reco bino lwoko nangin pere, aka ŋatimoro m'ogey pi ma cwako reco bino bedo makoc tundo othieno.

Matayo 16:24

Gikenyo Yesu owaco ri jofonjirok pere ni, “Ka moro mito luwan, go won kutho ripo kwerere kende, wotiŋ musalaba pere, aka woluwan.

Matayo 26:28

“Madhi win giman'iye, wijoje; rupiri vini me obedo remo paran ma ridho cikirok manyen ma Were otimo gi ji pere, m'ooy ri ji mathoth ma cwako reco.

Tim pa Jomoor 15:29

Wikiri wicam gim'ocow gine jwogi; wikiri wicam remo; wikiri wicam le m'odey; aka kure win kwoŋ kite ma kidakana. Wibino timo maber ka wikure kwoŋ gigipiny me. Kutho win.”

Joefeso 1:7

Kole remo pa Kristo okelo riwan siem, kodi cwaki mareco mawan, ro nema pa Were m'oasere

Joefeso 5:26

nike woloki go maleŋ kareno lonyo go gi pi kodi wac ma kwo,

Kitawo mar'abic mapa Musa m'ilwoŋo ni Cik 12:16

To wikiripi camo remo mere, wiripo konjo woko i lowo paka pi.

Kitawo mar'abic mapa Musa m'ilwoŋo ni Cik 12:23

Kende neni win nike wikicamo remo; kole remo obedo kwo, aka wikiripi camo kwo gi riŋo.

Kitawo mar'abic mapa Musa m'ilwoŋo ni Cik 12:24

Wikiri wicam, wiripo konjo piny i lowo paka pi.

Kitawo mar'abic mapa Musa m'ilwoŋo ni Cik 15:23

To kad'ameno, wikiripi camo remo mere, wiripo konjo piny paka pi.

Kitawo mar'abic mapa Musa m'ilwoŋo ni Cik 32:14

Mo dhiaŋ kodi cak mwendi, gi bor nyithindhi rombo kodi wot rombo. Dhok ma Basan kodi diegi, kanyacel gi ŋano m'oyer ayera kodi vini ndoto ma wimadho.

1 Timothe 4:4

Gimoro je ma Were ocweyo ber, ongoye gima wocayi, to wojol je gi kwayo munyo ifoyo Were.