Jolevi 26:22 - KITAWO MALEŊ

²² Alagonyo ogwaŋe mager kwoŋ win, jolaneko nyithindho mewin t'areyo woko mwendi mewin; jolaloko win manok, aka royin mewin lajwangere.”

KITAWO MALEŊ Catholic

²² Alagonyo ogwaŋe mager kwoŋ win, jolaneko nyithindho mewin t'areyo woko mwendi mewin; jolaloko win manok, aka royin mewin lajwangere.”

Jolevi 26:22 ပူးပေါင်းရင်းမြစ်များ

2 Kerin 17:25

Munyo nyaka jocako bedo kenyo, jok'olamo Rwoth, aka Rwoth odhiro simbwore m'oneko megi kwoŋ jo.

2 Kerin 2:24

Elisa owire, oŋiyo jo, to kwoŋo jo i nyingi Rwoth. Kenyo arara ario ma mon jowok i lul to joyeco woko yac piero aŋwen g'ario no mathindho thindho.

2 Kigana kwoŋ Kerin 15:5

I hongo no woth oyido tek, rupiri teko kodi mienirok oyido nitie ri ji je ma i piny.

Isaya 24:6

Riameno lam oreyo woko piny, aka ji mere jocandere ro reco pajo, ji ma jobedo i piny jowaŋ, aka odoŋ ji manok.

Isaya 33:8

Royo odoŋ nono, jowoth joweyo royo. Cikirok otur woko, dhano ocayo tindin madongo, aka ongoye ŋata woro dhano.

Yeremia 15:3

Alaketho rijo nger gima reyo jo aŋwen, Rwoth waco. Abor ma laneko, gwokere ma laywayo woko, winyin ma koyo kodi ogwaŋe madudi mager ma lacuto to reyo.

Yeremia 42:2

bongi Yeremia jatuci wac Were aka jowaco rigo ni, “Bedi ŋataber iwinji ywak mawan, ikway Rwoth Were mawan ri ji ma jodoŋ je. Kole wadoŋ nyaka manok kwoŋ kweth m'oyido wanitie, paka in bende ineno gi waŋin.

Ywakirok 1:4

Royin ma kidho Zayon ywak, kole ongoye ŋata bino i kalimin. Waŋkace pere je odoŋ nono, jocway ri Were i wi migam pere joywak, Nyir pere jonitie i rem, aka go odoŋ i geregere.

Ezekiel 14:15

“Kabedi adhiri ogwaŋe madudi luwo i piny to joreyo woko ji, cuka piny doŋ nono, m'ongoye ŋata woth'iye;

Ezekiel 14:21

“Kole Rwoth Were waco ama. Aladhiro gir'acula paran aŋwen mareco i Yerusalem, Toŋ kodi kec kodi ogwaŋe madudi kodi two nundu, reyo woko ji kodi ogwaŋe.

Ezekiel 33:28

Alaloko lowo marac m'ongoye kony; aka kwoto pere ma meni bino tundo i gike; gote ma Isiraili jolalokere m'osika ma nyatoro k'onyal luw'iye.

Ezekiel 5:17

Aladhiro kwoŋ win kec kodi ogwaŋe madudi, jolaweyo win ma bu nyithindho. Two nundu kodi oyo remo layweyo woko win, aka alakelo abor kwoŋ win; An Rwoth atieko luwo.

Jolevi 26:6

Aka alamiyo piny siem, wilanindo, aka ongoye ŋat'obwoki win; alakwanyo woko ogwaŋe ma kelo teko i piny, aka lweny moro k'obedi i piny mewin.

Mika 3:12

Riameno kwoŋbedo win ibino furo Zayon paka ndelo, Yerusalem bino cale kidhur gundin, aka tendere ma Ot pa Were bino lokere lul.

Zekaria 7:14

Akedho jo g'asur i dier nonin je m'oyido fodi jokuya. Ameno lowo ma joweyo odoŋ m'ojwangere, m'ongoye ŋata oluw'iye kosa dwok'iye, lowo m'oyido ber to jwangere.

Kitawo mar'abic mapa Musa m'ilwoŋo ni Cik 32:24

Kec ama lanyapo jo, two nundu oreyo woko jo. Aladhiro kwoŋ jo lak ogwaŋe, gi kwir gigipiny ma jomol i fukefuke.

Jothum Banja 5:6

I ndir pa Samigar, wod pa Anath, i ndir pa Yael, royin jocegere, aka jowoth jotho i royo m'oban.