Jolevi 19:10 - KITAWO MALEŊ

¹⁰ Ikir'ifoni olemo ma ndelo vini perin je, kosa icoki olemo m'ooy i ndelo vini perin; weyi ri jocandi kodi jopath: An abedo Rwoth Were mewin.

KITAWO MALEŊ Catholic

¹⁰ Ikir'ifoni olemo ma ndelo vini perin je, kosa icoki olemo m'ooy i ndelo vini perin; weyi ri jocandi kodi jopath: An abedo Rwoth Were mewin.

Jolevi 19:10 ပူးပေါင်းရင်းမြစ်များ

Isaya 17:6

Ilakeco abudha abudha, paka k'igoyo yath oliv, nyinge ario kosa adek, aŋwen kosa abic, i jange ma wilwindi, kosa i jangi yath olemo. Rwoth Were pa Isiraili waco.

Isaya 24:13

Ameno apaka labedo i dier piny, kodi i dier nonin, paka ijwero yen oliv kosa ndelo vini, to doŋ nono k'ifono nyingi vini.

Yeremia 49:9

Ka jofoni nyingi vini jobino bongin, jokiwey ye moro wi yath vini, ka jokwo jobino kwo wor, jokikwal ye nyaka gima jomito?

Jolevi 11:44

Kole an, abedo Rwoth Were mewin, lokere win maleŋ, aka wibedi maleŋ, kole Aleŋ. Wikiripi kocirok gi cwec ma lak piny.

Jolevi 19:11

Ikir'ikwal; ikir'ibedi jabanirok, kosa iwondi nyawotin.

Jolevi 19:25

To i oro mar'abic, winyalo camo olemo pajo, ŋey ranyak pa womedere ri rin: An abedo Rwoth Were mewin.

Jolevi 19:9

K'ikeco ranyak ma ndelo perin, Ikir'ikeci kiri i thengi ndelo, aka ikir'igiki i ndelo keco m'obudhi.

Jolevi 23:22

Ka wikeco ranyak ma ndelo mewin, wikiri wikec kiri i thengi ndelin mewin, kosa wicoki withi ranyak ma oy; wiripo weyo jo ri jocandi kodi jokicar: An abedo Rwoth Were mewin.

Jolevi 25:6

Winyalo camo gim'onyak i lowo i hongo ma sabato mere; win, ŋecin mewin ma cwo kodi ma mon, jotic mewin ma wipangisa kodi jokicar ma jobedo gi win,

Obadia 1:5

Ka jokwo jobino bongin, ka jokinyaga jobino wor, jokwanyo gima jomito kende. Ka ji jofono nyingi vini, joweyo ye manok. To jokwor perin jotieko kisika in woko kicutho.

Mika 7:1

Kidamba ran! Kole onyo acalo, ŋata kec neko ma kinwaŋ olemo m'odoŋ wi yen, kosa nyingi vini i tiendi yath vini acama. Nyingi vini je gi nyandere je mamit otiek fono woko.

Kitawo mar'abic mapa Musa m'ilwoŋo ni Cik 24:19

K'ikeco ranyak perin i ndelo perin aka wiyin owil gi mweniko man i ndelo, ikir'igiki omo, meno weyi ri japath, nyithindho kic, kodi citho, ŋey Rwoth Were perin womiy tic je ma cingin silwany.

Kitawo mar'abic mapa Musa m'ilwoŋo ni Cik 24:20

K'ifono yen oliv perin, ikir'iyengi m'odoŋ, labedo apa japath, nyithindho kic, kodi citho.

Kitawo mar'abic mapa Musa m'ilwoŋo ni Cik 24:21

K'ifono nyingi vini i ndelo vini perin, ikir'iluw fono m'odoŋ, labedo apa japath, nyithindho kic, kodi citho.

Jothum Banja 8:2

Gideon odwoko jo ni, “Onyo aŋo m'atieko timo paka win? Fono nyingi vini ma Efrayim kiber loyo ma Abieza?

Ruth 2:2

Ruth Jamowab owaco ri Naume ni, “Weyi akidhi i ndelo adim withi ŋano m'okec odoŋ i masembo pa ŋat'omaki kodan wor.” Naume to dwoko go ni, “Kadhi nyaran.”