Jolevi 18:25 - KITAWO MALEŊ

²⁵ Ameno lowo olokere makoc; t'amiyo go gir'acula ro reco mere, aka piny oŋoko woko ji ma jobed'iye.

KITAWO MALEŊ Catholic

²⁵ Ameno lowo olokere makoc; t'amiyo go gir'acula ro reco mere, aka piny oŋoko woko ji ma jobed'iye.

Jolevi 18:25 ပူးပေါင်းရင်းမြစ်များ

1 Kerin 21:26

Ahab otimo reco ma wickwot loyo to lamo cal pa Bal paka Joamor ma Rwoth oriemo wok i lowo no ndir ma Joisiraili jodonj'iye.)

Ezira 9:11

m'imiyo wan luwo kwoŋ ŋecin perin jotuci wac Were. Jowaco riwan ni lowo m'oyido wadonjo bed'iye wok i gike tundo i gike obedo lowo makoc ro tim ma mienirok pa nonin m'oyido jobed'iye.

Zabuli 106:38

Joneko nyithindho ma bubanja, aka lowo olokere makoc gi neki.

Zabuli 89:32

kenyo abino miyo jo gir'acula ro reco pajo, abino miyo jo candirok ro komo jo.”

Isaya 24:5

Piny oduwere, i cingi ji ma jobed'iye, joturo cik, jok'oluwo fonji, joturo cikirok m'oyido ripo bedo cil gi cil.

Isaya 26:21

Kole Rwoth bino wok i kabedo pere, miyo ji ma piny gir'acula ro reco pajo, piny laŋulo remo m'ooy i iye, aka kilaumo kendo jom'onek jo.

Yeremia 14:10

Rwoth waco ama kwoŋ ji me: “Adieri jomaro kilera, jokiywom par tiendi jo; riameno Rwoth kijol jo, onyo go lapoyo reco pajo to miyo jo gir'acula ro reco pajo.”

Yeremia 16:18

Alamiyo jo gir'acula dirio ro reco kodi reco pajo kwoŋbedo jotieko koco piny paran gi cal kodi mulambin pajo, aka jotieko poŋo gir'alunja paran g'amien pajo.

Yeremia 2:7

Akelo win i piny m'oŋaŋ ni wicam ranyak mere kodi gigipiny mere mabeyo. To munyo widonjo wikoco lowo paran, to wiloko alunja paran gir'amien.

Yeremia 23:2

Riameno me apaka Rwoth, Were pa Isiraili waco, kwoŋ jokwath ma jokwayo ji paran: “Obedo win ma witieko kedho rombo paran, aka witieko riemo jo woko, aka wikidewo kwoŋ jo. Riameno alatic gi win ro tim mewin marac, Rwoth waco.

Yeremia 5:29

“Ak'omiy jo gir'acula ri gigipiny me?” Rwoth penjo. “Ak'ocul kwor kwoŋ nono ma cale me?

Yeremia 5:9

Ak'omiy jo gir'acula ri gigipiny me? Rwoth penjo; ak'ocul kwor kwoŋ nger nono me?

Yeremia 9:9

“Ak'omiy jo gir'acula ro gigipiny me?” Rwoth penjo; Ak'ocul kwor kwoŋ nono paka me? An Rwoth, atieko luwo.

Hoseya 2:13

Alamiyo go gir'acula ro ndelin ma go otim'iye kalima ri Bal, ma go owaŋ'iye buban rijo, to ruko peta pere ma thiwino, to kadho dwaro jomitirok pere, to wiye wil kodan, Rwoth waco.

Hoseya 8:13

Cowirok ma jocowere gine; ma riŋo to jocamo; Rwoth kisangala gi jo. Onyo pama go lapoyo reco pajo, to miyo reco pajo gir'acula; jolagik Misir.

Hoseya 9:9

Jotieko mieno kwo pajo i thutho, paka i hongo pa Gibeya; go lapoyo reco pajo, go lamiyo reco pajo gir'acula.

Jolevi 18:26

Riameno wiripo kuro cik kodi or paran aka wikiri witim gigipiny ma mienirok me kad'acel, obedi japiny kosa jakicar ma bedo i dier win

Jolevi 18:28

ka k'obedo ameno, piny laŋoko win woko ro koco go, paka oŋoko woko nonin ma jopen bed'iye riwin.

Joroma 8:22

Kole waŋeyo kiri gunyo ni cwec gibe cur gi litho ma cale gi ŋedi.

Kitawo mar'abic mapa Musa m'ilwoŋo ni Cik 18:12

Rupiri ŋata timo gigipiny me labedo amien ri Rwoth; aka ro tim ma mienirok me, am'omiyo Rwoth Were mewin riemo woko jo ruwaŋ win.

Kitawo mar'abic mapa Musa m'ilwoŋo ni Cik 21:23

del pere kiripi weyo wonindi wi yath; wiripo yiko go i ndelo no won, kwoŋbedo ŋat'oŋaw wi yath nitie i lam pa Were. Wikiripi koco lowo ma Rwoth Were mewin miyo win wobedi mewin.

Kitawo mar'abic mapa Musa m'ilwoŋo ni Cik 9:5

K'obedo kwoŋbedo witimo gim'otire kosa cuny win cil am'omiyo wikadho donjo lunjo lowo pajo, to ro kidakana pa nonin me, Rwoth Were mewin riemo woko jo ruwaŋ win, ŋey wokethi i kare gim'ociko i kwoŋirok ri kwarere mewin Abraham, Isaka, kodi Yakobo.