Jolevi 14:10 - KITAWO MALEŊ

¹⁰ “Aka i ndelo mar'aboro go bino kwanyo wot rombo ario ma bu ŋolo, gi rombo acel madhako ma jaoro acel ma bu ŋolo, mic ma moko kilo adek m'oruw gi mo kodi lita acel ma mo oliv.

KITAWO MALEŊ Catholic

¹⁰ “Aka i ndelo mar'aboro go bino kwanyo wot rombo ario ma bu ŋolo, gi rombo acel madhako ma jaoro acel ma bu ŋolo, mic ma moko kilo adek m'oruw gi mo kodi lita acel ma mo oliv.

Jolevi 14:10 ပူးပေါင်းရင်းမြစ်များ

Kitawo mar'ario mapa Musa m'ilwoŋo ni Wok 29:40

Gi nyathi rombo ma wode marapena miy bende kilo acel ma moko ŋano m'oruw gi lita acel mangil. Konji lita acel ma vini paka mic.

Jolevi 1:10

Ka mic pere obedo rombo kosa diel, ripo bedo ma wode m'ongoye gi ŋolo.

Jolevi 1:3

Ka mic pere obedo mic awaŋa ma dhiaŋ, ripo bedo rwath m'ongoye gi ŋolo. Go won wokel i dhiot ma Wema ma romo, ŋey wojol rigo ruwaŋ Rwoth.

Jolevi 14:11

Aka jacway ri Were i wi migam ma loko go m'olony bino jengo jal m'ilalonyo kodi gigipiny me ruwaŋ Rwoth, i dhiot ma Wema ma romo.

Jolevi 14:12

Jacway ri Were i migam bino kwanyo acel kwoŋ rombo ma cwo, to miyo paka mic ma banja, kanyacel gi lita mo acel wiy adek ma go lamiyo paka mic ma banja ruwaŋ Rwoth;

Jolevi 14:15

Kenyo jacway ri Were i wi migam bino kwanyo mo moro ma oliv to konjo i par cinge won maracam,

Jolevi 14:21

“To ka go jacandi aka kinyal nyalo mathoth, kenyo go lakwanyo wod rombo acel ri mic ma banja t'iweyo kadho, ma timo tim ma cul mareco rigo. Go lakelo kilo acel ma moko m'oruw gi mo oliv ri mic ma kodhi kodi acel wiy adek ma lita mo oliv.

Jolevi 2:1

Ka nyatoro miyo Rwoth mic ma cemo manyinge, mic no ripo bedo moko m'oregi m'onuŋere, go ripo nywowo gi mo oliv kodi buban.

Jolevi 2:11

Ongoye kelo ri Rwoth mic ma cemo manyinge m'onywow gi thow, kole wikiripi waŋo thow kosa mo kic gi mac paka mic ri Rwoth.

Jolevi 2:13

Wikiripi weyo ma wikiketho i mic mewin ma cemo manyinge, cumbi ma cikirok gi Were mewin. Wiripo ketho i mic mewin je.

Jolevi 23:13

Aka mic ma cemo manyinge wobedi kilo ario ma moko m'onuŋere m'onywow gi mo oliv, mic awaŋa ma ŋwece kur mamit ri Rwoth, aka mic ma vini m'ilamiyo gine wobedi lita acel ma vini.

Jolevi 4:32

Ka mic m'ikelo paka mic ma cwako reco obedo rombo, ripo bedo min rombo m'ongoye gi ŋolo.

Jolevi 9:1

I ndelo mar'aboro ma kwoŋo jo, Musa olwoŋo Aron kodi wote, kodi jodongo ma Isiraili.

Kwan 28:20

Mic ma cemo labedo moko m'onywow gi mo oliv. Kilo adek ri kisi rwath, kilo ario ri wod rombo,

Kwan 6:14

Jobino miyo mic ri Rwoth, wod rombo acel ma jaoro acel ma k'oŋol paka mic awaŋa, rombo madhako ma jaoro acel ma k'oŋol paka mic ma cwako reco, wod rombo acel ma k'oŋol paka mic ma siem.

Kwan 7:43

Mic pere obedo sen acel ma feza ma peko mere obedo siringi miya acel gi piero adek. Kalaya acel ma feza ma peko mere obedo siringi piero abirio, cungo kwoŋ siringi ma Kabedo Maleŋ. Joje jopoŋ gi moko m'onuŋere m'oruw gi mo ri mic ma kodhi.

Matayo 8:4

To Yesu waco rigo ni, “Neni! Ikir'iwaci ri nyatoro, to kidhi tirtir bongi jacway ri Were i wi migam, go wokaŋasa in, aka imiy mic ma cowirok ma nyutho dhano je nike ibothi, paka mitere i Or ma Musa ondiko.”

Mariko 1:44

“Ikir'iwaci ri nyatoro gime; kidhi inyuthere i waŋ jacway ri Were i wi migam, aka imiy go mic paka Musa oketho i cik, aka dhano je woŋey ni itieko both adieri.”

Luka 5:14

Aka Yesu ociko go teltel ni, “Ikir'iwaci ri nyatoro; to kidhi inyuthere ri jacway ri Were i wi migam, aka iter mic paka Musa ooro, ma nyutho gine ji ni onyo ilony.”

Yohana 1:29

Yawere mere Yohana oneno Yesu munyo bino bonge to waco ni, “Neni Nyathi rombo pa Were ma kwanyo woko gimarac ma piny!

Yohana 6:33

Rupiri mugat ma Were miyo obedo ŋata loro piny wok i polo aka miyo piny kwo.”

Yohana 6:51

Abedo mugat ma kelo kwo m'obino i piny wok i polo. Ŋat'ocam mugat me bino kwo cil gi cil. Aka mugat m'abino miyo win meno a delkwoŋan, m'abino miyo aka nyaka piny wolimi kwo.”

1 Petero 1:19

to remo pa Kristo am'ogonyo win, go m'obedo paka nyathi rombo m'ongoye gi ŋolo moro kosa waŋpoyo.