Jogalasia 4:9 - KITAWO MALEŊ

⁹ To paka pama onyo witieko ŋeyo Were; kosa weyi awaci ni paka pama onyo Were oŋeyo win, winyalo nedi gik kendo bongi cuny manyap masisiri no? Raŋo ma wimito lokirok ŋecin pajo kendo?

KITAWO MALEŊ Catholic

⁹ To paka pama onyo witieko ŋeyo Were; kosa weyi awaci ni paka pama onyo Were oŋeyo win, winyalo nedi gik kendo bongi cuny manyap masisiri no? Raŋo ma wimito lokirok ŋecin pajo kendo?

Jogalasia 4:9 ပူးပေါင်းရင်းမြစ်များ

1 Jokorintho 8:3

To ŋat'omaro Were, Were ŋeyo go.

Jogalasia 3:3

Winyalo nedi bedo mamiŋ ameno! Witieko cako gi Cuny, to odoko wiyenyo cowo gi meni manyadel ayin nedi?

Joroma 8:3

Gima Cik k'onyalo timo ro nyapo ma del pa dhano, Were onyalo timo. Othumo banja loyo gimarac ma del, munyo ooro Wode won, m'obino i cal ma del pa dhano ma jagimarac, aka wonyali reyo woko gimarac.

1 Yohana 5:20

Waŋeyo nike Wod Were otieko bino aka omiyo wan niaŋ m'omiyo waŋeyo Ŋat'obedo adieri. Kwo mawan nitie i Ŋat'obedo adieri, cungo kwoŋ Wode Yesu Kristo. Me a Were mar'adieri, won kendo a kwo makirum.

1 Kigana kwoŋ Kerin 28:9

“Aka in, wodan Solomon, yey Were pa benin aka tiyi rigo gi cunyin acel kodi paro perin je; kole Rwoth dwaro kisi nyaŋith, aka niaŋ kisi can kodi paro. K'inorangi go, ilanwaŋo go; to k'inojwangi go, go laweyin kicutho.

2 Petero 2:20

Kole k'inen oyido jotieko budhirok kwoŋ meni ma piny ma kelo tho, to joŋeyo Rwodhiwan kendo Jaboth mawan Yesu Kristo, aka odoko jomoko kendo i meni no to nyalo jo, meno kere nyutho ni jonitie marac rumacen loyo kacako.

Joebulaniya 7:18

Am'omiyo, cik macon okethi gicen, rupiri oyido nyap aka ongoye kony.

2 Timothe 2:19

To tiendi geto m'ocwiny ma Were otieko ketho kiyengere, aka me a wac m'ondiki kwoŋe: “Rwoth oŋeyo joma jobedo apere.” Odoko ni, “Nyatoro je m'obedo apa Rwoth ripo eye woko kwoŋ tim mareco.”

Joefeso 1:17

aka akwayo Were pa Rwodhiwan Yesu Kristo, Bawan man gi dwoŋ, ni womiy win Cuny Maleŋ, ma bino loko win mariek to nyutho win Were, nike wiŋeyi go maber.

2 Jokorintho 4:6

Kole Were m'owaco ni, “Lero woliel wok i mudho.” Am'omiyo lero pere liel i cuny wan, ma kelo riwan niaŋ kwoŋ dwoŋ pa Were, ma nenere i waŋ Kristo.

1 Jokorintho 13:12

Kole pama fodi waneno gigipiny ma riprip pa ndewiro ma nimnim, to rumacen wabino neno gigipiny awaŋ g'awaŋ. Pama aŋeyo gigipiny adec kende; rumacen abino ŋeyo m'ocowere, aka m'ocowere paka Were oŋeyan.

Kitawo mar'ario mapa Musa m'ilwoŋo ni Wok 33:17

Aka Rwoth odwoko Musa ni, “Abino timo paka ikwayo, rupiri inwaŋo wor ruwaŋan aka aŋeyin gi nyingin.”

Joroma 8:29

Kole joma Were oŋeyo con, bende oyiko rijo kicutho bedo i cal pa Wode, ŋey Wode wobedi okayo i dier wutmin go.

Yohana 17:3

Aka me a kwo makirum: Nike ji jowoŋeyin, Were acel mar'adieri, kendo jowoŋey Yesu Kristo m'ioro.

Yohana 10:27

Rombo paran winjo dwondan; aŋeyo jo, aka joluwan.

Yohana 10:14

An a jakwath maber. Aŋeyo rombo paran,

Matayo 11:27

Baba otieko miyan gimoro je, aka onyo ongoye ŋat'oŋeyo Wode kwanyo woko Bamere, kendo ongoye ŋat'oŋeyo Bamere kwanyo woko Wode kodi joma Wode odiero nyutho jo kamaler.

Habakuk 2:14

To piny lapoŋ kodi ŋeyo dwoŋ pa Rwoth, paka pi umo nam.

Yeremia 31:34

Kendo jokilafonjere kosa waco wegi gi wegi ni, “Ŋey Rwoth.” Kole jolaŋeyan, wok i mathin tundo kwoŋ madwoŋ, Rwoth waco. Alacwako reco pajo, aka akilapoyo kendo.

Agecin 2:5

nyaka ibino niaŋ dwoŋ ma lworo Rwoth, t'inwaŋo ŋeyo Were.

Zabuli 9:10

Jono ma joŋeyin, Rwoth, joketho geno pajo i in, kole ikijwangi ŋata bino bongin.

Zabuli 1:6

Kole Rwoth kwonga, aka telo joma timo gim'otire, to jokidakana joluwo yo ma rerok.

1 Kerin 8:43

winji kwayo pere. I polo, kam'ibed'iye, winji go aka tim gima go kwayin timo, ŋey nonin je i piny gibe jowoŋeyin aka jowowinjin, paka ji perin Isiraili jotimo. Kenyo jobino ŋeyo nike Ot pa Were m'ageto me kabedo m'iripo lamin'iye.”

1 Jokorintho 15:34

Dwoki win i paro mewin m'otire wiwey timo reco. Awaco gime ma kwoto wiy win; ato jomegi kwoŋ win jokuya Were.

2 Jokorintho 11:20

Aka wiyere gimoro je ma bino miyo win or ma nger je, kosa loko win ŋecin, kosa cemo kwoŋ win, kosa limo ŋaŋo i nyapo mewin, kosa cayo win, kosa goyo lembi win adhoŋ.

Jogalasia 4:3

Wan bende munyo fodi wathindho i gigipiny manyacuny onwaŋo wabedo ŋecin pa cunyere ma polo gi piny.

Luka 5:38

Be! Medho ma vini manyen ripo kako i mugowa piendere mere manyen.