Jofilipi 3:20 - KITAWO MALEŊ

²⁰ To wan, wabedo ji ma polo, aka wakuro dwoko pa Jaboth wok i polo, aka manago Rwoth Yesu Kristo.

KITAWO MALEŊ Catholic

²⁰ To wan, wabedo ji ma polo, aka wakuro dwoko pa Jaboth wok i polo, aka manago Rwoth Yesu Kristo.

Jofilipi 3:20 ပူးပေါင်းရင်းမြစ်များ

Zabuli 16:11

Ibino nyuthan yo ma kelo kwo, kisangala opoŋ ruwaŋin, aka cingin maracuc kelo kisangala ma cil gi cil.

Zabuli 17:15

To paka ri an, kwoŋbedo angoye gi komo, abino nenin, aka k'acew, bedo perin bino miyan kisangala.

Agecin 15:24

Royo pa ŋatariek tero go i kwo, ma gwoko go kadho i piny pa jom'otho.

Matayo 19:21

Yesu owaco rigo ni, “K'iyenyo bedo ŋataber kicutho, kidhi itana gimoro je m'inigine aka pesa mere imiy jocandi, aka ibino bedo gi ŋaŋo i polo; ŋey nyaka ibin iluwan.”

Luka 12:21

Yesu ocowo wac nike, “Me apaka bedo ri joma jodhuro lim kweth ri siem pajo wegi to jongoye gi ŋaŋo ruwaŋ Were.”

Luka 14:14

aka inolimi silwany, rupiri jono mere jok'onyal culin kemba moro, to Were won ama bino culin i ndelo ma jomaleŋ jobino cerino iye.”

Tim pa Jomoor 1:11

Jopenjo ni, “Win ji ma Galili, raŋo ma wicungo wiŋiyo polo? Kole Yesu me, ma okwany bongi win t'itero i polo, bino dwoko i piny ka i kite no won, paka wiwok neno go munyo kadho i polo.”

1 Jokorintho 1:7

to miyo wikicandi mic moro je ka wikuro nike Rwoth Yesu Kristo womenyere kamaler.

1 Jokorintho 15:48

Paka ŋati m'ocwey wok i fukefuke cale, apaka ji je ma piny ka bende jocale; aka paka ŋata wok i polo cale, bende apaka joma ni polo jocale.

2 Jokorintho 4:18

Am'omiyo waketho paro mawan, ki kwoŋ gigipiny ma nenere, to kwoŋ gigipiny ma kinenere rupiri gima nenere cowo nyaka hongo macek; to gima kinenere yindira cil gi cil.

2 Jokorintho 5:8

Awaco ni wapoŋ gi miseni, aka di wayenyi kiri weyo delkwoŋ wan to wakadho bedo gi Rwoth.

Jogalasia 4:26

To Yerusalem manyapolo nitie i siem, aka go a yok wan.

Joefeso 2:19

Am'omiyo, pama onyo wikibedo Jopath kosa jokicar kendo; to wibedo ji acel gi ji pa Were; jopeco pa Were.

Joefeso 2:6

Aka Were ocerino wan gi Kristo, to ketho wan kanyacel gine i kabedo ma polo i Kristo Yesu.

Jofilipi 1:10

aka nyaka wibino nyalo yero gim'oasa bero. Meno aka wibino bedo ma bu cilo moro je kodi apuse i ndelo pa Kristo.

Jofilipi 1:27

Kad'obedi nedi, bedi win gi kite ma ripo gi Wac Manyen Maber pa Kristo, ŋey kada k'anobin neno win, kosa k'awinjo awinja ayino kwoŋ win, obedi ni wicungo matek kodi atoŋa acel, aka wilwenyo kanyacel, gi paro acel kende ri yeyo ma Wac Manyen Maber kelo.

Jokolosia 1:5

Yeyo kodi mar no owok i geno gim'okan riwin i polo ma witieko winjo kwoŋe i wac mar'adieri, aka Wac Manyen Maber.

1 Jothesalonika 1:10

gi kuro Wode wobin wok i polo, m'obedo Yesu, ma Were ocerino go kwoŋ jom'otho, aka ama botho wan kwoŋ keme pa Were ma labino.

1 Jothesalonika 4:16

Derino ma wodho or bino bedo, to dwondi malaika madwoŋ winjere, kodi dwondi gwara pa Were, aka Rwoth won bino loro piny wok i polo! Jom'otho munyo joyeyo Kristo jobino telo cerino;

2 Timothe 4:8

Aka pama onyo otiek yiko ran sangaria ma tiro, ma Rwoth, Jathum banja m'otire, bino miyan i Ndelo no, aka ki an kendan, to go bino miyo ji je ma jokuro go wonenere.

Tito 2:13

munyo wakuro geno ma disilwany, gi menyirok madwoŋ mapa Were mawan madwoŋ m'oasere ma Jaboth,

Joebulaniya 12:22

Kucel, wibino wi Got Zayon kodi i tindi pa Were makwo, Yerusalem manyapolo, gi jomalaika mere gana gi gana.

Joebulaniya 9:28

apaka Kristo bende ocway go dicel paka cowirok ma kwanyo woko reco pa ji kweth; aka go odoko bino nenirok mar'ario, ki ma tiŋo reco kendo, to ma botho joma jokuro go ayin.

Menyirok ri Yohana 1:7

Panen, go eno bino gi pondeponde! Aka kisi waŋ dhano bino neno go, kiri joma jocwowo go je. Ji je ma piny jobino ywak kwoŋbedo go. Apaka bino bedo! Ameno.