Jofilipi 3:12 - KITAWO MALEŊ

¹² Akiwaci nike atieko nwaŋo gime, kosa ni atieko lokirok maleŋ. Fodi amedere gi tekirok cuka Anonwaŋ gim'omiyo Kristo Yesu olokan apere.

KITAWO MALEŊ Catholic

¹² Akiwaci nike atieko nwaŋo gime, kosa ni atieko lokirok maleŋ. Fodi amedere gi tekirok cuka Anonwaŋ gim'omiyo Kristo Yesu olokan apere.

Jofilipi 3:12 ပူးပေါင်းရင်းမြစ်များ

Yobu 17:9

Kucel ŋata timo gim'otire kiladhiere, aka ŋata cinge olony lamedo bedo matek.

Zabuli 119:5

Ageno ni alatimo adieri, kuro fonji perin.

Zabuli 138:8

Rwoth laketho i kare atoŋa pere ran, mar perin makiwire, Awi Rwoth, bedo cil gi cil, ikir'ijwangi tic ma cingin.

Zabuli 42:1

Paka apol hamo ri jwom ma mol gi pi maŋic, apaka adundo paran rangin, Awi Rwoth.

Zabuli 63:8

Acwire kwoŋin, aka cingin maracuc thielan.

Zabuli 84:2

Amito swa bedo kenyo. Ayenyo swa bedo i Ot pa Rwoth. Cunyan gi delkwoŋan wero gi kisangala ri Were makwo.

Zabuli 94:15

Tiro bino nwaŋere i kapido kendo, aka jono ma cuny gin olony jobino thielo.

Agecin 4:18

To yo pa jom'otire obedo lero ma ŋamba, maliel maber tundo odieceŋ.

Isaya 51:1

Winjan win, win ma widwaro both, win ma wirango Rwoth. Ŋiy win tele kama wiwok'iye, kam'iŋiny'iye telin m'okuny'iye win.

Hoseya 6:3

Weyi waŋey, wakethi kinen ma ŋeyo Rwoth; menyirok pere obedo adieri paka ŋamba; go labino riwan paka koth ma cwe nyiknyik, paka koth cwir ma dhieko piny.”

Matayo 5:48

Bedi win maleŋ paka Bawin manitie i polo leŋ.

Tim pa Jomoor 9:15

Rwoth owaco rigo ni, “Kidhi, rupiri atieko yero go wotiy ran, ma miyo nyingan ŋeyirok bongi Jopath kodi kerin, kodi nyithindho pa Isiraili.

Joroma 8:39

kosa ŋawirok pa gimoro, kosa thutho pa gimoro, kosa gimoro je i cwec, kinyal poko wan gi mar pa Were i Kristo Yesu Rwodhiwan.

1 Jokorintho 13:10

To ka gim'ocowere obin, gikenyo gima k'ocowere bino leny woko.

1 Jokorintho 13:12

Kole pama fodi waneno gigipiny ma riprip pa ndewiro ma nimnim, to rumacen wabino neno gigipiny awaŋ g'awaŋ. Pama aŋeyo gigipiny adec kende; rumacen abino ŋeyo m'ocowere, aka m'ocowere paka Were oŋeyan.

1 Jokorintho 9:24

Wikipoy ni i ŋwec ma piem, joŋwec je joringo, to ŋat'acel kende ama limo kemba. Am'omiyo ringi cuka ibende ilimi kemba.

2 Jokorintho 13:9

Wasangala kada wabedo manyap tekin winitie gi meni. Am'omiyo, wakwayo nike wibende widongi i leŋo.

2 Jokorintho 7:1

Paka wan gi cikirok me, jowotan m'amaro, walonyi win kwoŋ gimoro je ma koco delkwoŋ wan, kosa cuny wan, aka warangi lokirok maleŋ makicutho, ka walworo Were i kwo mawan.

Jogalasia 5:17

Kole awanya pa del lwenyo gi Cuny aka Cuny bende lwenyo kodi awanya pa del; jario me jobedo jokwor, aka gino miyo ikinyal timo gim'iyenyo ni itimi.

Joefeso 1:4

Con ma piny fodi k'ocwey, go oyero wan bedo apere i Kristo, ni wabedi maleŋ, m'ongoye apuse ruwaŋ go.

Joefeso 4:12

Otimo ama ma yiko ji pa Were je ri tic manyakristo, ma gero delkwoŋ Kristo.

Jofilipi 1:1

Balwa m'owok bongi Paulo kodi Timothe, jotic pa Kristo Yesu. Ri ji maleŋ pa Were je ma jobedo Filipi ma joyeyo Kristo Yesu, kanyacel kodi jotel ma kitipa pa jom'oyeyo kodi jokony.

Jofilipi 3:16

To kad'ameno, weyi wakidhi yumalo gi kite ma watieko luwo kiri konon.

Jofilipi 3:3

Kole wan ayino ama watieko limo thumirok mar'adieri, wan ma walamo Were gi meni pa Cuny Maleŋ, aka wayumere i Kristo Yesu. Odoko wakikethi geno moro kwoŋ thumirok ma del,

Jofilipi 3:8

Ki meno kende, akwano gimoro je paka podho madwoŋ, rupiri gima diwelo m'oasere a ŋeyo Kristo Yesu Rwoth paran. Ro wac pere atieko bolo woko gimoro je; atero je paka woyo, ŋey alimi Kristo,

1 Jothesalonika 5:15

Neni win ni nyatoro wokiri woculi reco gi reco, to hongo je atoŋa mewin wobedi ma timo bero ri jowoti win kodi ri ji man je.

2 Jothesalonika 2:13

Waripo foyo Were riwin hongo je, wutmera ma Rwoth omaro, rupiri Were oyero win wok i cakirok ni wilimi both gi meni pa Cuny Maleŋ ma lonyo win, ro yeyo adieri mewin.

1 Timothe 5:10

Kendo go ripo bedo ni oŋeyere ri tic mabeyo: Dhako m'okuro nyithindho pere maber, ojolo ji maber i ot pere, okonyo ji pa Were, okonyo joma ni teko, aka omiyere ri tic je mabeyo.

1 Timothe 6:19

Ameno aka jobino coko ŋaŋo ma bino konyo jo i hongo ma bino, ŋey jowonyal limo kwo mar'adieri.

Joebulaniya 12:14

Tem win paka winyalo bedo i siem gi ji je, gi woth i kwo ma leŋo, rupiri ongoye ŋata bino neno Rwoth ma bu leŋo.

Joebulaniya 12:23

Wibino i kweth pa jom'oyeyo Kristo ma jobedo nyithindho pa Were makayo m'ondiki nyingi jo i polo. Wibino bongi Were m'obedo jathum banja ri ji je, kendo bongi cuny ji ma jotire m'olok jo maleŋ.

Joebulaniya 13:21

womiy win gimaber ma wiyenyo ŋey witim gima go mito. Weyi go wotim i wan gima sangala go i Yesu Kristo, aka dwoŋ wobedi rigo cil gi cil. Ameno.

Yakobo 3:2

Wajoje ndir madit wapodho. Dhano ma kipodhi i luwo pere meno dhano m'otire kicutho, manyalo dhumo kwo pere gipi.

1 Petero 5:10

To ka witieko candirok mathin, Were ma nigi nema je, m'olwoŋo win ni wopok win ye dwoŋ ma cil gi cil i Kristo, won bino miyo win meni, to miyo wicungo ma wicwiny i yeyo.

2 Petero 3:18

To medere win gi dongo i nema kodi i ŋeyo Rwoth kendo Jaboth mawan Yesu Kristo. Dwoŋ wobedi rigo, pama kodi cil gi cil. Ameno.