Jofilipi 2:5 - KITAWO MALEŊ

⁵ Paro mewin ripo bedo paka ma Yesu Kristo oyido nitie gine:

KITAWO MALEŊ Catholic

⁵ Paro mewin ripo bedo paka ma Yesu Kristo oyido nitie gine:

Jofilipi 2:5 ပူးပေါင်းရင်းမြစ်များ

Matayo 11:29

Biel win okol paran i ŋuti win aka wifonjere kwoŋan; kole abedo moth aka abwonere iy'adundo paran; aka wibino nwaŋo ywomirok i cuny win.

Luka 22:27

Kere ŋa maloyo dwoŋ; ŋata bedo piny cemo, kosa ŋata poko cemo? Ki ŋata bedo piny be? To kole an abedo i dier win paka jatic mewin.

Tim pa Jomoor 10:38

Paka Were okonjo kwoŋ Yesu ma Nazareth Cuny Maleŋ kodi meni; paka go okidho kamoro je munyo timo bero gi botho joma two je m'onwaŋo jonitie i acanda pa jwogi, rupiri Were oyido nigi go.

Tim pa Jomoor 20:35

Atieko nyutho win i gigipiny je nike timo tic gi meni miyo wanyalo konyo joma nyap munyo wapoyo wac pa Rwoth Yesu m'owaco ni, ‘Silwany nitie madwoŋ ri ŋata poko gimoro loyo ŋata limo.’ ”

Joroma 14:15

K'imiyo nyawotin ramirok ro gim'icamo, meno kere ikitim gino gi mar. Ikir'imiy cemo m'icamo wokel ri nyawotin ma Kristo otho rigo podho.

Joroma 15:3

Kole Kristo won k'omiyere kisangala. Kucel, obedo paka ondiki ni, “Yet ma jono joyetin gine omakan ayino.”

Joroma 15:5

Weyi Were ma jadiy cuny ji kendo jadwoki meni, womiy winyal bedo kanyacel i siem, munyo wiluwo ranen pa Yesu Kristo,

1 Jokorintho 10:33

Wibende tim win paka atimo. Ato atemo kisangala dhano je i gimoro je m'atimo, m'ongoye paro kwoŋ bero paran won, to bero pa ji mathoth ayino, ŋey jowonyal limo both.

Joefeso 5:2

Wiripo bedo gi mar paka Kristo omaro wan to miyo kwo pere ro wan paka cowirok maŋwe kur ri Were.

Jofilipi 1:1

Balwa m'owok bongi Paulo kodi Timothe, jotic pa Kristo Yesu. Ri ji maleŋ pa Were je ma jobedo Filipi ma joyeyo Kristo Yesu, kanyacel kodi jotel ma kitipa pa jom'oyeyo kodi jokony.

1 Petero 2:21

Were olwoŋo win ri gime, rupiri Kristo bende ocandere riwin aka oweyo riwin ranen, nike winyal luwo bathe.

1 Petero 4:1

Am'omiyo, paka Kristo ocandere i delkwoŋe, wibende wiripo miyirok miseni gi kiti paro ma go obedo gine, rupiri ŋat'ocandere i delkwoŋe meno otieko thekirok gi gimarac.

1 Yohana 2:6

Ŋata waco ni go kwo i Were ripo bedo gi tim paka cango apa Yesu Kristo.