Jofilipi 2:13 - KITAWO MALEŊ

¹³ Kole Were ama tiyo i win, ma miyo wiyeyi aka winyal timo atoŋa pere.

KITAWO MALEŊ Catholic

¹³ Kole Were ama tiyo i win, ma miyo wiyeyi aka winyal timo atoŋa pere.

Jofilipi 2:13 ပူးပေါင်းရင်းမြစ်များ

1 Kerin 8:58

weyi womiy wan winjo go, ŋey wawothi i yo pere, aka wakur cik kodi Or pere je m'omiyo kwarere mawan.

2 Kigana kwoŋ Kerin 30:12

Were oyido tiyo i Yuda to riwo ji kanyacel gi ridho ma timo gima go yenyo cungo kwoŋ or pa kere kodi jotel pere.

Ezira 1:1

I oro marapena ma dhum pa Siras kere ma Pasia, Rwoth omiyo wac pere m'owaco luwo kwoŋ Yeremia tundo i kare. Rwoth oguro cuny kere Siras ŋey owodho or m'ondiki t'isoma malo i ker pere gibe.

Ezira 1:5

Kenyo jotel ma nonin ma Yuda gi Benyamin, jocway ri Were i wi migam kodi Jolevi kodi kisi ŋata Were oguro cunye joyikere kadho geto kendo Ot pa Rwoth i Yerusalem.

Ezira 7:27

Ezira owaco ni, “Rwoth wopak, Were pa kwarere paran! Go omiyo kere miyo Ot pa Rwoth i Yerusalem dwoŋ i nger me.

Nehemia 2:4

Kenyo kere openjan ni, “Kwac perin aŋo?” Ameno akwayo Were ma i polo,

Yobu 33:29

Adieri Were timo gigipiny me je, dirio kosa didek gi ji,

Zabuli 110:3

I ndelo ma meni perin onyuthere iye, ji perin wegi jolamiyere rin. Paka thoyo ma ŋamba, cwo perin ma nyaka joay jolabino, bongin i wi tendere maleŋ.

Zabuli 119:36

Miyan mito ma winjo cik perin, loyo bedo gi ŋaŋo.

Zabuli 141:4

Ikir'iwir cunyan timo reco moro je, gi oro kwo paran timo gikidakana, i kitipa pa ji ma jotimo reco, aka ikir'iyey acem i kalima pajo.

Agecin 21:1

Cuny kere cal pi ma mol i cingi Rwoth, go wiro kama go mito.

Isaya 26:12

Awi Rwoth, ilamiyo wan siem, kole bende, itieko timo riwan tic mawan je.

Yeremia 31:33

To me a cikirok m'abino timo gi ot pa Isiraili rumacen ma ndelo no, Rwoth waco. Alandiko cik paran i jo, aka alandiko i cuny jo. Were pajo aka jolabedo ji paran.

Yeremia 32:38

Alabedo Were pajo, aka jolabedo ji paran.

Luka 12:32

“Wikiri wibedi malwor, nyaka rombo paran! Kole Bawin sangala gi miyo win Ker.

Luka 2:14

“Dwoŋ wobedi ri Were malo i polo, aka i piny siem wobedi ri ji ma silwany pere nigi jo.”

Yohana 3:27

Yohana odwoko ni, “Ongoye dhano manyalo bedo gi gimoro kwanyo woko ka Were am'omiyo go.

Yohana 6:45

Kole ondiki i kitawo pa jotuci wac Were ni, ‘Were bino fonjo ji je.’ Moro je ma winjo Baba aka fonjere bonge bino bongan.

Yohana 6:65

Aka omedo waco ni, “Me am'omiyo awaco riwin nike ongoye ŋata nyalo bino bongan kwanyo woko ka Baba am'omiyo go onyalo timo ameno.”

Tim pa Jomoor 11:21

Cingi Rwoth onwaŋo nigi jo, aka ji mathoth joyeyo to jowire bongi Rwoth.

Joroma 12:3

Aka gi mic ma nema ma Were omiyan awaco gime ri wijoje: Wikiri wipar ni win malo loyo kama di wipar'iye. Kucel, bedi win milengela i paro mewin, kisi dhano kwoŋ win, ma ripo gi yeyo ma Were omiyo go.

Joroma 9:11

Kada munyo fodi k'onywol jo aka onwaŋo fodi jok'otimo kiri gimoro maber kosa marac, (ma miyo yero pa Were wotimere,

Joroma 9:16

Am'omiyo, kicungi kwoŋ yero kosa meni pa dhano, to cungo kwoŋ Were ma nyutho wor.

1 Jokorintho 12:6

Mic ma timo tic bedo m'opokere opokere, to Were acel won ama poko dhano je mic no.

1 Jokorintho 15:10

To ro nema pa Were, abedo ŋat'abedo, aka nema ma go otimo ran k'obedo ma bukony. Kucel, atieko tiyo matek loyo jomoor man je, kada k'obedo tic paran won, to nema pa Were ma nikodan ama tiyo.

2 Jokorintho 3:5

To ki ni rupiri wawegi wan gi nyalo ma timo kisi gimoro, to nyalo mawan wok bongi Were.

Joefeso 1:11

Kole gimoro je timere gi can pa Were kodi paro pere; aka Were oyero wan bende bedo ji pere i can pere ma go oridho wok i cakirok.

Joefeso 1:5

Mar pa Were, omiyo go oridho con ni walokere nyithindho pere i Yesu Kristo. Me obedo foyo pere kodi atoŋa pere.

Joefeso 1:9

Were otimo gim'onwaŋo otieko cano, to miyo wan ŋeyo can pere manyaliŋliŋ ma go onwaŋo otieko yiko timo i Kristo.

Joefeso 2:8

Kole ro nema am'omiyo wiboth cungo kwoŋ yeyo; aka me k'obedo tim mewin wiwegi, t'obedo mic pa Were.

2 Jothesalonika 1:11

Me am'omiyo wakwayo riwin noknok, ni Were mawan wokonyi win winyal ripo gi kwo m'olwoŋ'iye win. Aka gi meni pere, woyeŋi cuny win iy'atoŋa maber ma winigine, kodi tic ma witimo wok kwoŋ yeyo.

2 Timothe 1:9

go m'obotho wan to lwoŋo wan bedo ji pere won, ki ro gima watieko timo, to r'atoŋa pere won kodi nema. Go omiyo wan nema no i Kristo Yesu mafodi ndir k'ocakere,

Joebulaniya 13:21

womiy win gimaber ma wiyenyo ŋey witim gima go mito. Weyi go wotim i wan gima sangala go i Yesu Kristo, aka dwoŋ wobedi rigo cil gi cil. Ameno.

1 Petero 1:3

Weyi wapaki Were Ba Rwodhiwan Yesu Kristo. Ro ŋono pere m'oasere, go omiyo wanywole i kwo manyen munyo ocerino Yesu Kristo kwoŋ jom'otho to miyo wan geno ma kwo i cuny wan,