Joefeso 6:9 - KITAWO MALEŊ

⁹ Onyo rwodhe, wibende kuri win ŋecin mewin ameno. Weyi win bwoko jo paka wiŋeyo ni win kodi ŋecin mewin je wibedo apa Rwoth acel i polo, ma thumo banja ri dhano je m'ongoye yero.

KITAWO MALEŊ Catholic

⁹ Onyo rwodhe, wibende kuri win ŋecin mewin ameno. Weyi win bwoko jo paka wiŋeyo ni win kodi ŋecin mewin je wibedo apa Rwoth acel i polo, ma thumo banja ri dhano je m'ongoye yero.

Joefeso 6:9 ပူးပေါင်းရင်းမြစ်များ

Nehemia 5:5

Wabedo Joyuda paka jo bende, aka nyithindho mawan bende jobedo ji paka nyithindho pajo; kucel joriyo nyithindho mawan bedo ŋecin. Nyir mawan megi otiek kitana woko jo paka ŋecin. Wangoye gi kony kwoŋbedo omay wan ndelin mawan gi ndelin vini mawan.”

Yobu 34:19

Ŋa ma kinyuthi nyakucel ri jodhum, kosa kiyer jocandi ri joŋaŋo. Kole joje jobedo tic ma cingi go.

Zabuli 140:12

Aŋeyo ni Rwoth thielo ŋata nitie i litho, aka thumo banja gi tiro ri jacandi.

Jafonji 5:8

Ikir'ibedi gi dhier k'ineno idiyo jacandi, aka iwiro tiro gi gim'otire iy'adec. Kole kisi jatel nigi jatel malo pere ma dhumo go, aka nitie jatel madwoŋ loyo joje.

Isaya 47:6

Oyido amako nge gi ji paran, t'akoco alunja paran, aketho jo i cingin, aka ikinyutho jo ŋono, kiri jom'oti je iketho kwoŋ jo okol mapek ma kiwacere.

Daniel 3:15

Onyo ka wiyikere ka wiwinjo dwondi tungi ogwaŋ, milowe, dingidi, dongo, tongol, bul, kodi nger gi wer je, podho piny lamo cal m'atimo; meno ber. To ka wikilamo ilabolo win i mac m'okur gi sawa no won; aka were mene no ma labotho win wok i cingan?”

Daniel 3:6

Ŋata kilapodho piny lamo ilabolo go i mac m'okur gi sawa no won.”

Jolevi 19:13

Ikir'idiy jager perin, Ikir'ikwal; aka ikir'ikan cul pa jatic tundo odikin.

Malaki 3:5

Rwoth pa lwak jolweny waco ama: Kenyo abino core cegin gi win thumo banja; aka abino bedo mayil kwoŋ jothieth, jocot, ji ma jokwoŋere nono, ji ma jodiyo jakipakasa cul pere, citho, nyithindho kic, kodi jopath, aka jokilworan.

Matayo 22:10

Gikenyo jotic no jokidho i royo m'okare i tindi to jocoko ji je ma jonyalo nwaŋo, mabeyo gi mareco parom; aka ot ma kalima opoŋ ji.”

Matayo 22:8

Gikenyo go olwoŋo jotic pere to waco ni, ‘Kalima ma nywomirok onyo otieko yikere, to paka ji m'oyido alwoŋo jokiripi gine,

Matayo 24:48

To ka jatic marac won owaci kende ni, “Rwoth paran ogalo.”

Matayo 24:51

to miyo go gir'acula, to ketho go i candirok kanyacel gi jorendirok, kama ji jobino ywak'iye gi kay'iye lak.

Matayo 7:12

Tim win ri jowoti win gima wimito jowotimi riwin: Me a dwoŋ Cik pa Musa kodi fonji pa jotuci wac Were.

Luka 6:31

Tim ri jowotin paka imito bende jowotimi rin.

Yohana 13:13

Wilwoŋan ni Jafonji kodi Rwoth, aka witire, kole abedo ameno.

Tim pa Jomoor 10:34

Petero ocako luwo ni, “Onyo pama aneno adieri ni Were tero dhano je marom.

Joroma 2:11

Kole Were tero ji je marom.

1 Jokorintho 1:2

Ri kitipa pa jom'oyeyo Were manitie Korintho, ri ji je m'olwoŋ bedo ji pa Were, ma jobedo apere i riwirok gi Kristo Yesu, kanyacel gi ji je ma kamoro je ma jolwoŋo nyingi Rwodhiwan Yesu Kristo, Rwoth mawan gi jo.

1 Jokorintho 7:22

Kole dhano ma Rwoth olwoŋo munyo ŋeca lokere dhano pa Were man siem; aka romaroma gi ŋat'onwaŋo nitie i siem munyo olwoŋi go, ma lokere ŋeca pa Kristo.

Kitawo mar'abic mapa Musa m'ilwoŋo ni Cik 10:17

Kole Rwoth Were mewin obedo Were pa werin, Rwoth pa rwodhe, Were madwoŋ, jameni aka kelo lworo, go kitim nyakucel aka kijol nyew.

Jokolosia 3:25

Aka jatim reco je ibino culo go tim pere mareco no, rupiri Were tero dhano je marom.

Jokolosia 4:1

Rwodhe, bedi win ma witire i kite ma wikuro gine ŋecin mewin. Poyi win nike wibende winigi Rwoth mewin i polo.

Yakobo 2:13

rupiri Were k'onyuthi wor ri ŋata k'onyutho wor ri wadi. To ŋata nyutho wor meno otieko loyo banja.

Yakobo 2:8

Ka wimako maber cik ma Ker ma nwaŋere i ndiko ma waco ni, “Mari nyawotin paka iwon imarere.” Meno witimo gim'otire.

Yakobo 5:4

Pawinji win! Kemba ma wikiculo jotic ma jotiyo i ndelin mewin icade koko ka osa win. Aka ywak pa jokeco riwin otieko tundo i ithi Were, Rwoth pa lwak jolweny!

1 Samwiri 15:17

Samwiri owaco ri Saulo ni, “Makada nende itere pa ŋatasisiri, to ibedo jatel pa nonin je ma Isiraili. Rwoth ama owirin gi mo bedo kere pa Joisiraili.