Joefeso 5:6 - KITAWO MALEŊ

⁶ Wikiri wiyey moro wowondi win gi wac m'ongoye kony, rupiri gigipiny me je ama bino miyo Were kigaga gi ji ma jokiwinji go.

KITAWO MALEŊ Catholic

⁶ Wikiri wiyey moro wowondi win gi wac m'ongoye kony, rupiri gigipiny me je ama bino miyo Were kigaga gi ji ma jokiwinji go.

Joefeso 5:6 ပူးပေါင်းရင်းမြစ်များ

2 Kerin 18:20

Iparo nike wac kende nyalo tero kabedo pa gilweny kodi meni? Ŋa m'iparo nike bino konyin gwenyirok kwoŋ Asiria?

Zabuli 78:31

nge pa Were oliel kwoŋ jo, to neko woko jomatek kwoŋ jo, to rwadho piny cwo m'oyer i Isiraili.

Yeremia 27:9

In, riameno, ikiripi winjo jotuci wac Were perin, kosa dhano moro je ma paro ni ongoye gima latimere yuwaŋe, jolek, joma luwo gi cuny jom'otho kodi jomiliel. Jobino waco rin ni, “Ikir'itiy ri kere ma Babilon.”

Yeremia 29:31

Dhiri ri joma nitie i wiloka je mikwenda me, k'iwaco ni, “Rwoth waco ama Semaya ja Nehelam: Kwoŋbedo Semaya otieko luwo gi win, kad'akidhiro go, aka otieko miyo win ketho geno mewin i twodo,

Yeremia 37:9

Me apaka Rwoth waco: Wikiri wiwondere ka wiwaco ni, “Jobabilon jokiladwoko bongi wan adieri.” Kole jokilakadho woko.

Mika 3:5

Me a gima Rwoth waco ri jotuci wac Were, ma jobano ji paran, aka jociko siem, ri jono ma joculo jo, to lweny ri jono ma jokicul jo.

Matayo 24:24

Kole Kristo ma twodo kodi jotuci wac Were ma twodo jobino tundo to jotimo ranyuth madongo kodi gir'aura ma wondo ji, bedi nyalere di jowondo kiri jom'oyer.

Matayo 24:4

Yesu odwoko jo ni, “Gwokere win, moro wokiri wowondi win,

Mariko 13:22

Kole jotwodo ma jolwoŋere ni Kristo kosa jotuci wac Were jobino konjere. Aka jobino timo ranyuth kodi gir'aura ma wondo jom'oyer pa Were ka nyalere.

Mariko 13:5

Gikenyo Yesu owaco rijo ni, “Gwokere win moro wokiri wowondi win.

Joroma 1:18

Were otieko nyutho ni keme pere bino wok i polo to lwenyo gi reco je kodi tim pa ji mareco ma royo pajo mareco geŋo adieri ŋeyirok.

Jokolosia 2:18

Wikiri wiyeyi moro womayi win kemba mewin munyo ŋoyo ni loyo win gi dwoŋ ro lek ma go nwaŋo, kareno nyutho bwonirok ma rendirok aka lamo jomalaika. Dhano ma pameno pakirok ama opoŋ kwoŋe, aka paro pere obedo ma nyadhano.

Jokolosia 2:4

Awaco riwin ameno ŋey wikiri wiyey moro womiŋi win gi wac mathoth ma twodo, kada cale pa ber.

Jokolosia 2:8

Am'omiyo, neni win ni moro wokiri wokethi win i bwo pajo gi piem kodi twodo masisiri, gi thenethene ma kula manyanono, gi wac kwoŋ cuny ma jodhumo i polo gi piny, aka kiwoki bongi Kristo.

Jokolosia 3:6

Kole ro gigipiny me keme pa Were bino podho kwoŋ joma jokiwinji go.

2 Jothesalonika 2:3

Wikiri wiyeyi nyatoro womiŋi win i royo moro je, rupiri Ndelo no k'otundi cuka gwenyirok obedi, to Jal ma kilwor cik nenere.

Joebulaniya 13:9

Wikiri wiyey fonji m'opokere ma k'otire woyway win wok i royo m'otire. Ber ka cuny wan onwaŋo meni wok i nema pa Were, makiweno i kuro cik ma mako kwoŋ cemo, ma kikony kada joma kuro cik ago.

Joebulaniya 3:19

Onyo waneno ni jok'onyalo donjo rupiri jok'oyeyo.

1 Petero 2:8

Kendo ni, “Me a tele ma miyo ji jocer, Kidi ma miyo jo podho.” Jocer rupiri jokiyey Wac ca, paka ocan ni jowotimi.

1 Yohana 4:1

Jowotan ma kacunyan, wikiri wiyere gi kisi dhano ma kethere ni go nitie gi Cuny pa Were. Tem win jo ŋey winiaŋ k'adieri jowok bongi Were, rupiri jotuci wac ma twodo mathoth jotieko ywore i piny je.