Joefeso 5:26 - KITAWO MALEŊ

²⁶ nike woloki go maleŋ kareno lonyo go gi pi kodi wac ma kwo,

KITAWO MALEŊ Catholic

²⁶ nike woloki go maleŋ kareno lonyo go gi pi kodi wac ma kwo,

Joefeso 5:26 ပူးပေါင်းရင်းမြစ်များ

Ezekiel 16:9

Kenyo akwanyo pi t'alwoko woko remo perin, aka awiro delkwoŋin gi mo.

Ezekiel 36:25

Alakiro kwoŋ win pi m'olony, aka wilalony kwoŋ koco mewin je, kodi kwoŋ cal mewin je alalonyo win.

Jolevi 14:11

Aka jacway ri Were i wi migam ma loko go m'olony bino jengo jal m'ilalonyo kodi gigipiny me ruwaŋ Rwoth, i dhiot ma Wema ma romo.

Jolevi 16:30

Rupiri i ndelo no am'ila timo cowirok ma cwako reco riwin, ma cwako reco mewin je, aka ŋey winyal lony ruwaŋ Rwoth.

Jolevi 8:6

Musa olwoŋo Aron kodi wote yuwiye, aka olwoko jo gi pi.

Zekaria 13:1

I ndelo no labedo waŋ pi m'ilayawo ri ot pa Daudi kodi ji ma jobedo i Yerusalem lonyo jo kwoŋ reco kodi koco.

Yohana 13:10

Yesu owaco ni, “Moro je m'otieko lwoki meno otieko lony kwoŋe gipi aka kiyeny lwoki kendo, mitere wolwoki tiende won kende. Wijoje wilony, kwanyo woko ŋat'acel.”

Yohana 15:3

Pama onyo witieko lony gi wac m'atieko luwo riwin.

Yohana 15:8

Me apaka Baba bino limo dwoŋ: Ka wiwodho gima nyak madit ma nyutho ni wibedo jofonjirok paran.

Yohana 17:7

Pama onyo joŋeyo ni gimoro je m'imiyan wok bongin,

Yohana 3:5

Yesu odwoko ni, “Adieri awaco rin, ongoye ŋata nyalo donjo i Ker pa Were kwanyo woko ka olimo nywolirok ma pi kodi ma Cuny.

Tim pa Jomoor 22:16

To onyo aŋo m'idoko ikuro? Ay malo obatisa in, aka reco perin wolwoki woko munyo ilwoŋo nyingi go.’ ”

Tim pa Jomoor 26:18

ni iyaw waŋ jo jowonyal wirok wok i mudho donjo i lero kodi wok i meni pa Sitan bino bongi Were, ŋey jowonyal limo cwaki kwoŋ reco pajo to jolimo kabedo i dier joma Were oyero munyo joyeyan.’ ”

Joroma 10:8

Me a gima Ndiko waco: “Kole wac nitie cegin kodin, i dhokin kodi i cunyin.” (Dwoŋ mere ni wac ma yeyo ma wafonjo.)

1 Jokorintho 6:11

To onyo otiek lonyo win kwoŋ gimarac: Okethi win i tiro gi Were i nyingi Rwoth Yesu Kristo gi meni pa Cuny Maleŋ pa Were mawan.

2 Jokorintho 11:2

Atimo nyeko riwin paka Were timo; ato wicale nyako maliw m'atieko yiko ni wonywomere gi jacwo acel kende, aka manago Kristo.

Joefeso 6:17

Kethi win both paka junga ma gwoko wiy win, aka wac pa Were paka abor ma Cuny Maleŋ miyo win.

Jokolosia 3:16

Weyi mikwenda pa Kristo gi ŋaŋo mere je, wobedi i cuny win, munyo wifonjo aka wimedo jowoti win meni gi rieko je, kareno wiwero wer Zabuli, kodi wer ma cuny ka wifoyo Were i cuny win.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Joebulaniya 10:10

Aka Yesu Kristo otieko timo gima Were omito ni go wotim, am'omiyo wajoje onyo oloki wan m'olony kwoŋ reco i cowirok ma go otimo ma delkwoŋe won, dicel kende to kicutho.

Joebulaniya 10:14

Am'omiyo, gi cowirok ma go ocwayo dicel no, go otieko lonyo kicutho joma onyo pama ilonyo jo kwoŋ gimarac.

Joebulaniya 10:22

onyo weyi wacore cegin gi Were, gi cuny wan je, gi yeyo m'ocowere, gi cuny m'otiek lonyo m'odoko kiwinji banja, gi del m'olwok gi pi m'olony.

Joebulaniya 10:29

Onyo wiparo ni ŋata cayo Wod Were, to tero paka gima sisiri remo ma cikirok pa Were m'oloko go maleŋ, aka miyo Cuny ma kelo nema nge, di ripi gi gir'acula marac loyo didi?

Joebulaniya 13:12

Am'omiyo Yesu bende otho woko ma waŋkac ma tindi, ŋey wolwoki woko reco pa ji gi remo pere won ma miyo ji leŋo.

Joebulaniya 4:12

Kole wac pa Were kwo aka tiyo. Bith loyo abor ma nyalewe ario. Thumo kiri kama paro kodi cuny jorom'iye, gi kama kumbo kodi more joriwer'iye. Niaŋ kwoŋ awanya kodi paro pa ji ma iy'adundo.

Joebulaniya 9:14

Kosa to remo pa Kristo m'omiyere i leŋo cungo kwoŋ tic pa Cuny ma cil gi cil, nyalo lonyo paro ma cuny wan kalo kenyo didi, kwoŋ tim m'othotho, ŋey watiy ri Were makwo!

Yakobo 1:18

I mito pere won, go onywolo wan manyen gi wac pere mar'adieri, ŋey wabedi paka olemo pere m'onyak marapena kwoŋ cwec pere je.

1 Petero 1:2

Oyer win r'atoŋa ma Were Baba won oŋeyo kicutho, nike Cuny Maleŋ woloki win maleŋ, ŋey wiwinji Yesu Kristo to lonyo win gi remo pere. Weyi nema gi siem wobedi mewin i thotho.

1 Petero 3:21

aka pi no obedo ranyuth ma cimo batisimo ma pama botho win, ki paka gima lwoko woko cilo ma del t'obedo cikirok m'itimo ri Were gi cuny maber. Gino bothin luwo kwoŋ cerino pa Kristo Yesu,

2 Petero 1:9

To ka nyatoro ongoye gi gima beyo me, meno kere go waŋe neno ma riprip aka wiye owil ni otiek lonyo go kwoŋ reco pere.

1 Yohana 5:6

Yesu Kristo a ŋat'obino gi pi ma batisimo kodi remo pere. Go k'obino gi pi kende, to gi pi kodi remo. Aka Cuny Maleŋ won ridho adieri me, rupiri Cuny Maleŋ obedo adieri.

Yuda 1:1

An Yuda, jatic pa Yesu Kristo, kendo omin Yakobo, andiko balwa me ri joma Were olwoŋo ma jonitie i mar pa Were Bawan kodi kur pa Yesu Kristo.