Joefeso 5:23 - KITAWO MALEŊ

²³ Kole jacwo obedo jatel pa dhako paka Kristo obedo jatel pa kitipa pa jom'oyeyo Were, ma jobedo delkwoŋe, aka go won a jaboth pajo.

KITAWO MALEŊ Catholic

²³ Kole jacwo obedo jatel pa dhako paka Kristo obedo jatel pa kitipa pa jom'oyeyo Were, ma jobedo delkwoŋe, aka go won a jaboth pajo.

Joefeso 5:23 ပူးပေါင်းရင်းမြစ်များ

Tim pa Jomoor 20:28

Kure win wiwegi kodi sidwol rombo je, ma Cuny Maleŋ oketho i cingi win, ni wibedi jotel mere, ma konyo kitipa pa jom'oyeyo pa Were, ma go oloko apere gi remo pa Wode won.

1 Jokorintho 6:13

Ŋati man bino waco ni, “Kole cemo obedo ri ici, aka ici bende ri cemo.” Ey, to Were bino reyo woko gino je. Delkwoŋ dhano k'otimi ri kidakana to ri Rwoth ayin; aka Rwoth bende bedo ri del.

Joefeso 4:15

Kucel ka waluwo g'adieri munyo wanyutho mar, wabino dongo i royo je i Kristo, m'obedo wic kitipa pa jom'oyeyo.

Joefeso 5:24

To paka kitipa pa jom'oyeyo winjo Kristo, ameno mon bende jowowinji cwogi jo i gimoro je.

Jokolosia 1:18

Go a jatel pa delkwoŋe, m'obedo kitipa pa jom'oyeyo je, go a cakirok, okayo m'open cerino kwoŋ jom'otho, ŋey go wolimi kabedo marapena i gigipiny je.

1 Jothesalonika 1:10

gi kuro Wode wobin wok i polo, m'obedo Yesu, ma Were ocerino go kwoŋ jom'otho, aka ama botho wan kwoŋ keme pa Were ma labino.

Menyirok ri Yohana 19:7

Weyi wayodere wasangala; weyi wapaki dwoŋ pere m'oasere! Kole ndir otundo ma nywomirok maleŋ mapa Nyathi rombo, aka mweha pere otieko yikirok.

Menyirok ri Yohana 5:9

Jowero wer manyen ni, “Iripo gi kwanyo kitawo gi halo woko gim'omwon gine. Kole onekin, aka gi remo perin, inyewo ri Were ji maleŋ, wok i nonin je, dhodhok je, piny je kodi ji ma piny gipi.