Joefeso 4:6 - KITAWO MALEŊ

⁶ Were nitie acel, m'obedo Ba ji je, kodi Rwoth pa ji je, aka tiyo i ji je, odoko nitie i ji je.

KITAWO MALEŊ Catholic

⁶ Were nitie acel, m'obedo Ba ji je, kodi Rwoth pa ji je, aka tiyo i ji je, odoko nitie i ji je.

Joefeso 4:6 ပူးပေါင်းရင်းမြစ်များ

Cakirok 14:19

omiyo go silwany, aka owaco ni, “Weyi Were Madwoŋ Maloyo, m'ocweyo polo gi piny womiy Abram silwany

Zabuli 95:3

Kole Rwoth obedo Were Madwoŋ, aka Kere Madwoŋ loyo werin je.

Isaya 63:16

Kole in a Bawan, makada nende Abraham okuya wan, aka Isiraili kiyey wan, in, Awi Rwoth, ibedo Bawan, jaboth mawan wok cango obedo nyingin.”

Malaki 2:10

Wangoye gi bawan acel, Were acel ama k'ocweyo wan? Raŋo onyo wabedo jobanirok ri wadi wan, aka raŋo wabwono cikirok ma Were otimo gi kwarere mawan?

Kwan 16:22

Jopodho gi nyim jo, to jokwayo ni, “Awi Were, Were pa ji je, ŋat'acel otim reco to nge makin gi kweth gibe?”

Matayo 6:13

Ikir'iter wan i karatem, to bothi wan ayino, kwoŋ gimarac, [rupiri ker obedo aperin, kodi meni, kodi dwoŋ, cil gi cil]. Ameno.

Matayo 6:9

Me apaka wiripo kwayo, Bawan ma i polo; Nyingin wolwor.

Yohana 14:23

Yesu odwoko ni, “Nyatoro je m'omaran bino winjo mikwenda paran. Baba bino maro go aka wabino bino bonge to wabedo bonge.

Yohana 17:26

Atieko miyo jo ŋeyin aka abino medo timo ameno, ŋey mar perin m'initie gine ran wobedi i jo, aka awon bende abedi i jo.”

Yohana 20:17

Yesu owaco rigo ni, “Ikir'imakan rupiri fodi akigiki bongi Baba. To kidhi bongi wutmera iwaci rijo ni akidho malo bongi Baba ma Bawin, Were paran ma Were mewin.”

Joroma 11:36

Kole go am'ocweyo gimoro je, aka gimoro je nitie kwoŋbedo go kodi rigo. Dwoŋ wobedi ri Were cil gi cil! Ameno.

1 Jokorintho 12:6

Mic ma timo tic bedo m'opokere opokere, to Were acel won ama poko dhano je mic no.

1 Jokorintho 8:6

to riwan Were nitie acel kende, Were Bawan, m'ocweyo gigipiny je, ma gimoro je wok bonge; ma wakwo rigo; odoko Rwoth nitie acel kende, Yesu Kristo, ma i go gigipiny je ocwey, aka go ama miyo wakwo.

2 Jokorintho 6:16

Tiyirok aŋo manitie i dier Ot pa Were kodi cal makicar? Kole wabedo Ot pa Were makwo! Paka Were won owaco ni, “Abino bedo i jo to awotho gi jo. Abino bedo Were pajo, aka jobino bedo ji paran.”

Joefeso 1:21

Yesu Kristo dhumo jodhum je, jodongo, jomeni, rwodhe; aka nyinge loyo nyingi jo je m'inyalo miyo pama kodi i ndir ma bino je.

Joefeso 2:22

Wibende oger win i go, ŋey wibedi Ot ma Were bed'iye i Cuny Maleŋ pere.

Joefeso 3:17

Odoko ni Kristo wolimi kabedo i cuny win ro yeyo mewin, aka kwo mewin wocungi m'oridhere i mar,

Joefeso 6:23

Were Baba kodi Rwoth Yesu Kristo, womiy jom'oyeyo je siem gi mar, medo wi yeyo.

Kitawo mar'abic mapa Musa m'ilwoŋo ni Cik 6:4

Winji Awi Isiraili, Rwoth Were mawan, obedo Rwoth acel.

1 Yohana 3:24

Nyatoro je ma winjo or pa Were bedo i Were aka Were bedo i go. Aka me apaka waŋeyo ni Were bedo i wan: Waŋeyo kwoŋ Cuny ma go omiyo wan.